Mavhesi emuBhaibheri Ane Mukurumbira kubva kuna 2 Korinto 4

Pakurirana nevamwe

Lɛ loso kúkɔ blɔ aŋu na atrɔ ní kudɔkpaa liɔ klɔ gi kuzɛɛmɔ aʋa a, pɔ̀ kwikɔ la ɛtrɔ ní kudɔkpaa liɔ klɔ gi kuʋímɔ ɛ aʋa. Lɛ ese linu si kidiliɛ gi bizɛɛmɔ ɛ, kizeeze lipoe kpekpemi itɔ ko, pɔ̀ kidiliɛ klɔ gi baʋímɔ ɛ, kɛ kizeeze kɔtsini kanɔmɛ anɔmɛ.

Lɛ loso e, ɔna oʋído ní blɔ lipo o. Linya ɛli ní lɛ mɛ si blɔ inɔse le iiblo, pɔ̀ ní Ɔfuɛfuɛ nɔ mɛ ɛ, beedzini blo kigagla ɛkpɛ liwe kakaa. Lɛ ese linu si blɔ baxixa sisami ʋa ya gi kwimɔ abla ɛ, bɛtráze lipoe kpekpemi itɔ ko, lɛ bɛɛki si kwiimɔ kusudra gi kɔ onu kutraza liwewe e, gi kwipɛ sani baxixa ya ʋa petee e.

Baxixa ʋa bali ní blɔ su ní kapɛ kakaa mɛ, pɔ̀ baʋíŋa blɔ aʋa a, lɛ kuzɛɛpisa pɔ̀ kyɛ ɛ, blɔ ɔna ɔʋígbɔ̀ ɔ. Banima bizɛyɔ kedu ní blɔ su pɔ̀ Aya ɔ́yurɔ blɔ ɔ; bizɛpɛ si beye blo pɔ̀ kuʋítse e.

Pɔ̀ exo ala alɛ ní blɔ awla ní sise kufukpo me e, tɔ libasɛ si kigagla ʋidi liɛ kidɔ ní Aya kɔ lɛ aní blɔ kɔ ɔ.

Ozimizi ye, kesea ʋa ya ka aya yɛ akpɛ banama gi báziŋa ɛ, ba begyodi ʋa ní litumu me. Lɛ loso baʋímɔ Liboe gbã nɛ ɛ, lɛ kusudraa kɔ kuklekleo ní Kristo su gi yɛ onu Aya yɛ kizeze me e.

Lɛ ese linu si Aya gi yɛ apani si i, “Kuklekle kudo dɔni litumu ne me e,” yɛ aki si yɛ kuklekleo kukle ní blɔ ina nɛ mɛ. Atɔ kuki si kute Aya yɛ kusudraa kɔ kuklekleo ní Kristo yɛ aŋu na mɛ ɛ.