Mavhesi emuBhaibheri Ane Mukurumbira kubva kuna 1 Korinto 13

Pakurirana nevamwe

Kunɔlɔɔ kuzɛɛplɛ litɔ kese, lɛ kuzedi banɔ asigaga a, lɛ dzɛ ɛ, kuʋíkpɛ banɔ kaŋuzã a, lɛ kuʋífeke isu u, loo dɔ isu. Kunɔlɔɔ kuʋídu onugu, lɛ kuʋípɛ isu ya línɛ ɛ, lɛ dzɛ ɛ, kuʋíyeʋi isu kise ise, loo bla eboe aplɛ aki banɔ.

Kunɔlɔɔ kuzɛɛkpɛ kuka ɛklani ɔnɔ lɛ kuzɛɛzi ɔnɔ aʋa ɛɛŋa a, lipoe kakaa lɛ kuzeedi kudeonu lipoe kakaa lɛ kuzɛɛkpɛ ikũ̀ nɛ lipoe kakaa.

Kunɔlɔɔ kuʋímɔ isami nì eboe zimizi i, pɔ̀ kuzɛɛmɔ isami ni anukwarɛɛ ɛ.

Lɛ eboe tata la ya ko ɛɛgɔ kɔtsinɔ ɔ, la enu; kuziŋa, kudeonudidi, ni kunɔlɔɔ. Lilɛ gi lisa keme ní la kusi i, lɛ linu Kunɔlɔ ɔ.

Kunɔlɔɔ kɔ onu kuʋídu. Pɔ̀ niklɔ gi kuboedoplɛ kulɛ ɛ, kwiadu; niklɔ gi siya ede ede si lɛ ɛ, sia mɔni, niklɔ gi kuboete kulɛ ɛ, kɔ onu kwiaza.

Xegi mapani banima siya ede ede na ni Aya yɛ baxwɛdzɛ ba siya sɛ ɛ, pɔ̀ xe kunɔlɔ kúma ní mɛ mɛ̀ ɛ, mɛ kunugu yo kunu kamasa aloo ɔnyɔróroe.

Xegi kuboedoplɛ kɔ bidɔkɔkɔ ʋɛ bilɛ ní mɛ awla a, xe mizeenu eboe kpokpo la petee ese e, xe mete eboe la petee e, lɛ xe kuziŋa gi kwiahwani eto la kuli ní mɛ awla a, pɔ̀ xe kunɔlɔ kúma ní mɛ awla ɛ, mɛ́nu kididɔ ɔ.

Xegi makɔ mɛ kidɔ kakaa makɔ akyɛ bepiplinete ba a, xe makɔ isu akɔ si bakpɛ mɛ kifu u, pɔ̀ xe kunɔlɔ kúma ní mɛ awla ɛ, mátramɔ kididɔ ɔ.

Agi meze onuvɔ ɛ, mapani ŋwisi ɔnuvɔ kinɛ, mɛ begyodi ʋa beze ɔnuvɔ banɛ, lɛ mabitɛ eboe la ŋwisi ɔnuvɔ kinɛ ɛ. Abla gi metsi i, xe medzi onyime e, mayurɔ anuvɔboe la.