Mavhesi emuBhaibheri Ane Mukurumbira kubva kuna A̱fisawa 1

Pakurirana nevamwe

N bu naai A̱gwaza gu khwuk nfwuo nyin na ma̱ng sai nggu hu, da̱nian nyi ka fi̱k gbang a̱lyia̱ di̱ tyia̱ fwuo nang gu nyia̱ a̱li̱ka̱uli a̱ na nang nyin, di̱n jen nang gu ku ngyorong nyin a̱ni. A̱ yorong nyin, nyin á̱niet ba nyi yet á̱za̱za̱rak á̱niet nggu ba, nyi si̱ bu yet zwá nggu ji, ma̱ng a̱kyenkyai shi gado nggu wu a̱ni. N bu naai A̱gwaza, gu tyia̱ nyi fi̱k a̱gba̱ndang chet nggu wu, da̱nang á̱ si̱ mi̱n tyan hu ma̱ng kyang a̱ni bah. Chet huni yet si̱ nang gu nnyia̱ ta̱m da̱nian nzi̱t á̱niet zi̱ nwuak fwuo da̱ nggu a̱ni. Ma̱ a̱gba̱ndang chet wuni wa, nang A̱gwaza ku nta̱ngam Kristi ma̱ng swuan ma̱ á̱niet ba̱ ka̱n kwi a̱ni; a̱wot a̱ si̱ sak gu da̱ a̱vwuo shi tyok a̱zayak Ma A̱gwaza tswazwa. Ma̱ninika, Kristi nyia̱ tyok tazwa a̱mgba̱m a̱tan a̱yaata̱m tswá A̱gwaza, ma̱ng kuzang á̱ka̱tuk ntswá, á̱gwam, ntyok, nchet, a̱yaakwak a̱son, ma̱ng kuzang kyang, Yesu nyia̱ tyok mi̱ swanta huni hwa ma̱nyin hu bah, a̱wot ba̱ng si̱ nat swanta ku chobai a̱ni meang.

A̱gwaza ku chat zi̱t, a̱ si̱ khai nzi̱t di̱ mun á̱pyia̱ ma̱ng Kristi, zi̱ yet á̱za̱za̱rak ma̱ng á̱niet sang a̱bun a̱zaghyi nggu, neet nang gu ka̱n mat swanta hu bah. A̱gwaza ku mi̱ nda̱p a̱ sak a̱ si̱ kyiak zi̱t nang mman nggu na a̱ni. A̱ si̱ bai ma̱ng a̱nzi̱t da̱ a̱vwuo nggu mat mun á̱pyia̱ nzi̱t hu ma̱ng Yesu Kristi. Ta̱m huni hwa gu ku chat a̱ nyia̱, a̱wot a̱ si̱ fa̱k nyinyang hu ba̱t.

A̱gwaza fa̱k kunak zi̱t, a̱ si̱ nyia̱ nzi̱t shok gba̱mgbam. A̱ si̱ san nzi̱t ma̱ng a̱sok Nggwon nggu na, zi̱ ka yet á̱sa̱t á̱niet, a̱wot a̱ si̱ chi a̱ka̱tuk nyia̱ nzi̱t wu.

Yok zi̱ dyep A̱gwaza, a̱ yet A̱tyia̱ A̱tyoli nzi̱t wu Yesu Kristi a̱ni. Nggu wa nang nzi̱t kuzang a̱li̱ba̱rka A̱za̱za̱rak Ntswa a̱ neet ma̱ a̱ka̱vwuo Ma A̱gwaza tswazwa a̱ni, mat zi̱ mun á̱pyia̱ ma̱ng Kristi.