1
ꞌRooma 7:25
ꞌBuuk cĩ Thõõth cĩ Nyekuci
did
Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.
Yenzanisa
Ongorora {{vhesi}}
2
ꞌRooma 7:18
Haga naa aitiõõ ꞌgii ꞌcĩ abũnnaa hĩ nganĩĩt tõõ, hĩnĩngĩtĩ ꞌthẽccan caannĩ. Tananga habũraneehi naa ngaatĩ hadticanĩĩ ꞌgii ꞌcĩ abũnnaa, aalla aꞌnyamannaa ngaatĩ hadticanĩĩ noho.
3
ꞌRooma 7:19
Hĩllõõan ngaatĩ hadticanĩĩ thõõth ꞌcĩ aũlanĩ, hẽꞌthẽcani hinnia thõng.
4
ꞌRooma 7:20
Nẽẽthĩ ꞌyioko, má hadticani naa ꞌgii ꞌcĩ hõllõngaa hadiimi hadticani, hõllõngaa nganĩĩt dẽẽdẽ ꞌcĩ hadticani thõõth ꞌcĩ abathĩ ho, nẽẽthĩ hinnia, ꞌthẽccan ꞌcĩ aaĩ ẽllaa caannĩ ꞌcĩ adtican thõõth tĩho ho.
5
ꞌRooma 7:21-22
Eteretheeha nyattalĩ cĩ Nyekuci nganĩĩt aĩ, aaĩ ꞌgiimwaa ꞌthĩnĩtaa caannĩ ꞌcĩ alaamma nganĩĩt ngaatĩ hadticanĩĩ thõõth ꞌcĩ aũlanĩ. ꞌThĩnĩtatõõ caannĩ vẽlẽk, helemi naa nyattal cĩ Nyekuci.
6
ꞌRooma 7:16
Nẽ má hadticani ꞌgii ꞌcĩ hõllõngaa hadiimi naa hadticani, helemi thĩ ngaatĩ abũnnayyĩ nyattalĩ.