Mavhesi emuBhaibheri Ane Mukurumbira kubva kuna Tùntúmə́ bé 5

Pakurirana nevamwe

Pyɛɛrɛ ǹdə́ tùntúmə́ bé dwã bɛ́ wɔ̀: “Wɔ́ Yi nyí ni nə́ mə̂ sə nə́ shɛ̀nɛ́ nɛ́, sə è də̀ numbyínsi nyí ni yé.

Sə bə̀ yʼà cə̀ə̀lè bə̀ nʼê bwə̀l yò-ècɔ̀nɔ̀ nyí rí dɛ̃ gakó Yi jì y kɔ̀nɔ́ w wa, ǹdə́ kâlsɛ́ wẽ́, bə̀ mʼê byili bə̀ wɔ́ Yezu ń wɔ́ Kristə mó.

Pyɛɛrɛ bwə̀rh mò n wɔ̀: “Ananyaasɛ, bə̀kɔ́n yil ǹ yẽ̌ Shətana zù ǹ wẽ́, e ce ń bɔ̀n cɛ y wársɛ́ kə̀kàlà y ń cĩ́, ń zɛ̃̀ ń gõ kɔma ń pə Eshirhə náàcɛ̀nɛ́ nɛ? Ǹ yə̀l bə̀ ǹ cɛ y yʼà wɔ́ ǹmyɛ́ nyâ nà? Ǹ gə́ kə́ yè y mó, è wársɛ́ də̀ ǹmyɛ́ ǹ cǐ si nà? Ǹ yà ǹ wɔ̌ ǹ zə sɛ ǹ wɛ̀rhɛ́ ǹdə ǹ gə́ nə́ ǹ yâl nɛ́. È nə zɛ̃̀ wɔ́ etər ǹ tɛ́rɛ́ nɛ́ ǹ wẽ́ ń mə́ twĩ̀ èta mɔ́? Lwar bʼè də̀ numbyíní ni ǹ gòm kɔma bɛ́ ń pə yé. Wɔ́ Yi ni ǹ gòm ń pa.” Ananyaasɛ gə́ nyɛ̀ɛ̀ zɔ̀mà nɛ́ nə̀myɛ́, n tu tɛ̃´ n cì. Sə ywẽ nánfɔ̀lɔ̀ zɔ lyì bí byɛ̀bɛ́ gakó bə̀ nyɛ̀ɛ̀ yò w òmyɛ́ mɔ́.

“Nyǐnə kɔn dɛ́ dɛ̀bɛ́ à nʼâ yâl a byili ába èlâsɛ̃´ mɔ́: á bə̀kʼá ce á cìn byɛ̀bɛ́ èta mɔ́ yò w wẽ́ yé. Yẽ̌nə bə vò, bə̀ tum dí ǹdə́ bə̀ tùntwə̃̀ə̃̀ né gə́ wɔ́ numbyínə́ nyə̀ná, sə́ nyǐ nə̀ tʼâ la zhǔ yé. Sə nə̀ gə wɔ́ Yi nyə̀ná, sə́ nyǐ á wàr nɛ̀ á la cə̂r yé. Rə̀myɛ́ ce, dɛ̃̌na á cìnə̀, á bə̀kʼá jǐrh Yi zwə̀ yé.” Sə bùrsí gùlú w lyì bí shɛ̀nɛ́ tɛ̀bɛ́ ń byili mú.