Mavhesi emuBhaibheri Ane Mukurumbira kubva kuna Lúkạ̃ 5

Pakurirana nevamwe

Yésũ ndẽ õjílã õꞌbí ꞌdĩ ꞌbá yî lı̣̃fı̣́ lâ yî îcî-îcî trá. Drílâ gõzó tã âtálé Sĩmónã Pétẽrõ yî drí Yãkóbã yí bê Yõwánĩ yí bê kõlóngbõ zẽlé lı̣̃mvû gạ́lı̣́ ꞌá, õꞌbê ró ĩyî îmbá ĩyíkâ lı̣̃mvû ꞌá ı̣̃ꞌbı̣̂ rũzó.

Sĩmónã drí tã âtázó Yésũ drí kĩ nĩ rî, “Lı̣̃fı̣́ îcí ꞌbá, mã rî trá îmbá nõ ꞌbẽlé ı̣̃ꞌbı̣̂ drí ngạ́cı̣̂ nõ sĩ kárá lı̣̃mvû nõ ꞌá, gõꞌdá mã rú kó ngá ãzâ kô. Gõꞌdá tãlâ ní âtâ tã trá ãmâ drí rî drí sĩ, mã âꞌdô îmbá ꞌbẽꞌá óꞌdí.” Gõꞌdá ꞌbê ĩyî îmbá bê ândálé rî, drílĩyî gõzó ı̣̃ꞌbı̣̂ rũlı̣́ ĩyíkâ îmbá ꞌá dũû õzõ tõtõ kâtí, âsê ĩyî kpı̣̃ı̣̂.

Gõꞌdá Yésũ rî rĩꞌá ꞌbẽlé íyîngá ꞌbẽꞌbẽ ũgũ sĩ, nĩꞌá võ gólâ õjílã ãkó rî ꞌálâ rãtáã íyíkâ ꞌẽlé.

Nĩngá sĩ rî, Yésũ drí tã âtázó lı̣̃fı̣́ îcí ꞌbá ꞌdĩ ꞌbá yî drí kĩ nĩ rî, “Nĩ ârî drẽ, ngá lãzé ꞌbá nĩ cé nĩ ójó ngálâ ngá ngĩlí. Gõꞌdá má ânĩí kô tã mbı̣̂ ꞌbá pãlé, má ânĩ trá tã õnjí ꞌbá ậzı̣́lı̣́, tãlâ ópâ ró gólĩyî bê tã õnjí gólĩyíkâ ꞌásĩ.”

Gõꞌdá Sĩmónã yî ãzí-ãzí lâ yí bê ndrê bê ı̣̃ꞌbı̣̂ trá dũû îmbá ꞌá rî, tı̣̂ lâ yî ậꞌdı̣̂ trá ndrĩ. Sĩmónã drí ꞌãꞌî tı̣̃zó vũdrı̣́ Yésũ ágálé kĩ nĩ rî, “Ôvârí, mâ nõ õjílã õnjí ꞌî. Nî, ní ꞌê âfílí kõlóngbõ ãmákâ nõ ꞌá ãmâ pãlé nõ ángô tí ró, mâ cú ĩtí áyábálá ró nõ yã?” Yésũ kĩ, “Ní ꞌê ũrı̣̃ kô, îtónã ĩꞌdî ngbãângbânõ ı̣̃tú ãndrõ nô sĩ rî, tã ꞌẽꞌẽ áníkâ âꞌdó gõꞌdá ı̣̃ꞌbı̣̂ âsélé ĩꞌdî kô. Ní âꞌdô gõꞌdá rĩꞌá õjílã mvá âsélé ĩꞌdî ꞌdẽlé má vó tã ámákâ rî ꞌẽlé ĩꞌdî.”

Nĩngá sĩ rî, Yésũ drí tã âtázó lı̣̃fı̣́ îcí ꞌbá ꞌdĩ ꞌbá yî drí kĩ nĩ rî, “Nĩ ârî drẽ, ngá lãzé ꞌbá nĩ cé nĩ ójó ngálâ ngá ngĩlí. Gõꞌdá má ânĩí kô tã mbı̣̂ ꞌbá pãlé, má ânĩ trá tã õnjí ꞌbá ậzı̣́lı̣́, tãlâ ópâ ró gólĩyî bê tã õnjí gólĩyíkâ ꞌásĩ.”

Sĩmónã yî ãzí-ãzí lâ yí bê drí gõzó kõlóngbõ âsélé lı̣̃mvû ꞌásĩ. Îtónãlé kậyı̣̂ ꞌdĩ ꞌá rî, Sĩmónã yî Yãkóbã yî Yõwánĩ bê âyê ĩyî lôsĩ ı̣̃ꞌbı̣̂ rũrũ kâ trá, âgõ ĩyî trá ꞌdẽlé Yésũ vó lãjóꞌbá ró.

Kậyı̣̂ ãzâ sĩ, Yésũ rĩꞌá ꞌbạ̃drı̣̃ mvá ãzâ ꞌá. Drílâ ãgô ãzâ ûsúzó ngá lãzé ãrí kâ bê yí rú. Ãgô nõ drí rĩzó vũdrı̣́ ꞌãꞌî drı̣̃ı̣̂ gólâ ágálé rúꞌbạ́ lôꞌbãlé kĩ nĩ rî, “Kúmú, õzõ ĩîcâ trá ní lı̣̃fı̣́ rî, ní êdê ámâ rúꞌbạ́ nõ, ãꞌdô ró bê ngbángbá.” Drílâ drı̣́ ꞌbãzó gólâ rú kĩ nĩ rî, “Ãwô-ꞌdĩ, má lẽ trá ánî pãlé êdélé rúꞌbạ́ bê lúwạ́-lúwạ́.” Nĩngá sĩ rî, kôrô ngá lãzé ꞌdĩ drí ndẽzó ãgô ꞌdĩ rú sĩ. Ãgô ꞌdĩ, rúꞌbạ́ lâ drí âgõzó lúwạ́-lúwạ́.

Tã Yésũ drí rĩꞌá ꞌẽlâ nõ lậꞌbû trá zãâ ngbẽrê võ ꞌásĩ ndrĩ. Gõꞌdá õꞌbí ãzâ ꞌbá yî ĩyíkâ kpá zãâ ânĩꞌá gólâ ngálâ úlı̣́ gólâkâ rî ârílí, gõꞌdá kpá gólâ rî îjílí ĩyî êdélé ngá lãzé ꞌásĩ.