Mavhesi emuBhaibheri Ane Mukurumbira kubva kuna Romã 13

Pakurirana nevamwe

Tapejimoane'e jẽ e'ã ikõ pejipy'amogeta aiwerà rã rè peiko ipi nẽ. Janerõvijã Jesu Kiristu pè ikõ tapejimokasioka wete ta'evo e'ã peiko ipi nẽ. Eko rupi tè peikotà ãmẽ. Ãmẽ tè pepy'a aiwerà napemokasioka'ãi, ãwisõ penemimota aiwerà rupi rõwã peikotà ãmẽ ky'y.

Janemoma'e kõ simoepypa katu mãe kõ rõmõ tijaiko teãmã. Nijaepyme'ẽive mãe kõ tijaepyme'ẽ gatu ipi ky'y. Tijapi e'ã poroauvay rõmõ jaiko. Ãmõ kõ siauvay remẽ, ivo tekoua rupi katu jaiko teãmã.

Ãmõ, kee a'e pejẽ. Yvy pewarà rõvijã kõ ayvu rupi ikõ tijaiko ipi nẽ. Ãmõ, taa rõvijã kõ ayvu rupi teve. Janejare'e tè wayvumokasioka kõ ipi. Ajawyi ijayvu kõ rupi tijaiko ipi, a'e pejẽ.

Jesu vãea kee e'ità rõnõ. Ãwitõ pya kõ'ẽ taray remẽ, aryvo ojisa, a'evo ve. Ke'ĩ Janerõvijã ovãetà. Ajawyi tapeposiko e'ã peaiwererà rè ky'y. Janejare'e ayvu rupi kõrijõ tapeiko ky'y. Ãmõ, tapejimokasi ivo e'ãa wyi pejireko katu ipi. Ãwitõ sota kõ irapa rapa tè iko ojipijarĩ mõ, ãwĩvo ve tapejipijarĩ ivo katuay mã'ẽ pupe peiko ipi. Janerõvijã ywete kasia rupi kõrijõ tè tapeiko ky'y, a'e pejẽ.

Kee a'e aepo jaa pè. Jane kõ jaauvay ipi remẽ, nijamoai kõ'ãi ãmẽ ipi. Ivo tekoua rupi katu jaikotà teãmã ãmẽ ipi. Nijajavy ekojẽ'ãi ivo tekoua ãmẽ ipi.

Ajawyi nijaepyme'ẽive mã'ẽ tijaepyme'ẽma ky'y. Jõvijã kõ pewarà karakuri tijaepyme'ẽ ijupewarà mõ ipi. Simomojy janerõvijã kõ imoe'e kõ ipi. Ãwĩvo tijaiko ipi.