Mavhesi emuBhaibheri Ane Mukurumbira kubva kuna Marukusu 12

Pakurirana nevamwe

Ɗa Yesu u danai ni, “Ili i iyain i na i laꞋi m gbayin i ɗaɗa: ‘Zuwai atsuvu i pana, a̱ɗa̱ Israila. Vuzavaguɗu Ka̱shile ka̱ tsu a̱yi ɗa endeꞋen. Vi ciga Ka̱shile Vuzavaguɗu endeꞋen n ka̱ɗu ka̱ nu ra̱ka̱, n wuma u nu ra̱ka̱, m ma̱riki ma̱ nu ra̱ka̱, n utsura u nu dem.’ Ili i re i ɗaɗa, ‘Vi ciga vuza nu uteku u na vi cigai ka̱ci ka̱ nu.’ Babu ili i na kpamu i laꞋi na lo.”

Ɗa Yesu u ɗekei mukumitoni n ni, ɗa u danai le, “Kagapa ku unambi ka nam pa, u zuwa ta̱ ka̱u u laꞋi ili i na uma a nan lo a dem a zuwai. Aza a nan lo a dem e kenuku ta̱, ɗa e nekei punu udukuyan u le. Amma a̱yi ta na u neke ta̱ n unambi u ni dem, n ikebe i na wi n i ɗa ra̱ka̱.”

Ɗa Yesu u da̱sa̱ngi ɗevu n ubuta̱ u kuzuwa ki ikebe a̱ A̱Ꞌisa̱ a Gbayin, a kinda uma a kuzuwa. Aza a uciyi n a̱bunda̱i a̱ ka̱na̱i kuzuwa punu ikebe n a̱bunda̱i. Ɗa kagapa ka vuka ku unambi ko yoku ka na vali vi ni vu kuwa̱i, ku uta̱i ɗe, ɗa u zuwai iyum i re.

Vi ciga yi kpamu n ka̱ɗu ka̱ nu ra̱ka̱, n kuyeve ku nu ra̱ka̱, n utsura u nu feu. Vuza kpamu u ciga vuza ni uteku u na u cigai ka̱ci ka̱ ni. Na lo u laꞋa ta̱ alyuka o kusongu n e kuneꞋe dem.”

Ɗa u danai le, “Nekei Kaisa ili i na yi i Kaisa, ka̱ta̱ i neke Ka̱shile kpamu ili i na yi i Ka̱shile.” Ɗa uma a yaꞋin mereve ma̱ ni n a̱bunda̱i.