Mavhesi emuBhaibheri Ane Mukurumbira kubva kuna Afisu 1

Pakurirana nevamwe

Mi ta̱ a kuyaꞋan kavasa kpamu adama a na u zuwa ɗa̱ i yeve mayin, ka̱ta̱ i yeve ili i singai i na wi n i ɗa adama a̱ ɗa̱. Yi ta̱ a kuvana yi isa ili i singai i nam pa, adama a na u ɗeke ɗa̱ ta̱ yo okpo muku n ni. N yaꞋan ta̱ kpamu kavasa i yeve feu mgbayin mu una̱singai n na u yaꞋin uzuwakpani u kuneke uma a̱ ni. Mi ta̱ kpamu a kuyaꞋan kavasa adama a na a̱ɗa̱ i yeve utsura u ni u na u lazai ili ra̱ka̱, u na kpamu wi a̱ kuɓa̱nka̱ tsu a̱tsu na ci nekei a̱ɗu. Ɗaɗa utsura u gbayin u te ta na u na u yaꞋankai ulinga ana u zuwai Kishi ka̱ ɗenga̱ n wuma kpamu, ɗa u zuwai ni u da̱sa̱ngu a̱ ubuta̱ u tsugbayin e kukiye ku usingai ku ni ɗe gaɗi.† Kishi wi ta̱ a kulyaꞋa tsugono a̱ ubuta̱ wu utsura kakau u gbagbaꞋin ra̱ka̱ aza a na i ɗe ko a na i n utsura ka̱u. Kula ku ni ku laꞋa ta̱ kula ku ngono n na mi a kulyaꞋa tsugono ra̱ka̱. Na va mayun ɗa gogo na, wi ta̱ kpamu a kuyaꞋan mayun ayin a na i lo a̱ kuta̱wa̱.

Kafu Ka̱shile ka yaꞋan aduniyan, u zagba tsu ta̱ tso okpo uma a̱ ni a̱ ubuta̱ u na u ɓolongi tsu n Kishi. U yaꞋan ta̱ nannai adama a na tso okpo ciɗa a kubana wa̱ ni, a̱ kuciya̱ kpamu ili i gbani-gbani wa̱ tsu i na u kutaɗaka tsu ba. Adama a na Ka̱shile ki ta̱ a kuciga tsu, a̱yi u sheshe ta̱ ili i na u kuyaꞋanka tsu m megeshe ma ɗe wi ta̱ o kubonoko tsu muku n ni a̱ ubuta̱ wi ili i na Yesu Kishi u yaꞋin. Ka̱shile ka yaꞋan ta̱ nannai adama a na ta u gaꞋin ni nannai, ta kpamu u cigai kuyaꞋan nannai.

A̱ ubuta̱ u Yesu Kishi ɗa tso okpoi ba̱ri adama a̱ ubuta̱ wu mpasa mu ukpa̱ u ni, i ɗaɗa i zuwai ɗa a cinukpakai tsu unushi u tsu. Nahannai ɗa Ka̱shile ko yotsongi tsu a na kasingai ka̱ ni ki gba̱ra̱, ɗa u yotsongi tsu kaꞋa n a̱bunda̱i.

Ci neke ucikpi a kubana u Ka̱shile n Esheku a Vuzagbayin a̱ tsu Yesu Kishi. A̱yi ɗa vuza na u zuwakai tsu una̱singai a̱ ubuta̱ u na u nekei tsu ili i singai ra̱ka̱ i na yu uta̱i gaɗi adama a na i ɓa̱nka̱ wuma u tsu a̱ ubuta̱ wi ida̱shi wa ayinviki a singai. U yaꞋan ta̱ nannai ana u ɓolongi tsu n Kishi.