Mavhesi emuBhaibheri Ane Mukurumbira kubva kuna Roma 4

Pakurirana nevamwe

Yoasoaia mutu tuti wiro enewawera we Allai ne kaiwo derera fo kaha, mae enerorong wemambiriu aha na ne yoasoafo tuti deparanding Allai. Yoasoai tarai we Allai wemambiriu we ambori dohong kariri fianai aino dereria fo.

Kariri Allai ne kaiwo medurai we Abrahami tonina: “Iruai wau weDai we nu bitoya foi.” Abrahami nani, na Allai urengreafo mani, tane dai dine, tuti yoasoi. I mani Allaio wemambiriu mantaung dine, Mano duwi inontarai emarareha fosa etarang aha dine, tuti Allaio dei beyaria mani, finini kiai kawariai.

Yesusi nini, Allai dohoni meu, mireha we tane sasarine, tuti Allai duwiri aha, ambori na I, tabeng ria Allai aha.

Masino kaiwo areraio dotu tonanafo paria adareti wetarai ahang kaha tonanai ki, wape Abrahami enetawanaia mutu tuti yoasoai. Nanai wedaya sobuai wedai we kaiwasa bitoya foi, mai kariri kaiwo dotu deyo, “Toyari awahafaisi bitoya fo, nemu ririawai ambori bitoya ki.”

Ampafe dohong ne kaiwo derera fo nanai weo taroasoi, ambori tasobu ne dererafo na ne bengno dohonai arora fo, tuti ne kaiwo derera fo nanai dotu we Abrahami ne ririafoi kiai, wiro we mano etohong kariri Hukumi Musai soi fo sa tera kaha, mae we mano eroaso Allai kariri Abrahami we yoasoi fosa. Weo Abrahami mani tane dai dine kiai.

“Inontaraio Allai deiai ne sarawafo, tuti mano Allai dufisaya ne sasarifoia mani, na tonanafo sobu moanafo paria. Inontarai mano ne sasarifoi Sempaisi detori ahang kaha foi, na tonanafo wenani sobu moanafo paria.”

Na Kaiwo Mirarebana fo rabuang bei dotu tonina: “Abrahami yoaso Allai tuti na ne yoasoafo terai, Allai detori we inontarai enerorong mesi dine.”