Mavhesi emuBhaibheri Ane Mukurumbira kubva kuna ᓬᐅᒃ 4

Pakurirana nevamwe

ᓂᐐᒌᐎᒥᒃ ᑳᑎᐯᒋᑫᒡ ᐅᑕᒑᑾᓐ᙮ ᓃᓐ ᐋᓃᔥ ᓂᑮᐅᓀᓂᒥᒃ ᒋᐲᑕᒪᐗᒀ ᑳᑰᐹᑎᓯᐙᒡ ᒥᓍᒋᒧᐎᓂᓂ᙮ ᓂᑮ ᐲᒋᓂᔕᐅᒃ ᒋᐐᑕᒪᐗᒀ ᑭᐸᐙᑲᓇᒃ ᒋᐸᑭᑎᓂᑣ, ᑲᔦ ᒋᑮᐌ ᐅᑎᓇᒧᐙᒡ ᐅᐙᐱᐎᓂᐙᓐ ᐃᑭᐌᓂᐗᒃ ᑳᐙᐱᓯᒀ, ᒋᐸᑭᑎᓇᒀ ᐃᑭᐌᓂᐗᒃ ᑲᑲᒀᑕᑭᐃᑣ, ᑲᔦ ᑕᔥ ᒋᐐᑕᒫᓐ ᐃᐃᐌ ᐋᔕ ᐁᐃᔑᓭᒃ ᐊᐲ ᑳᑎᐯᒋᑫᒡ ᑫᔕᐌᓂᒫᒡ ᐅᐱᒫᑎᓰᒪᐞ᙮

ᒦᑕᔥ ᒋᓴᔅ ᑳᐃᔑᓇᑴᑕᐙᒡ: ᑭᒋᒪᓯᓇᐃᑲᓐ ᐃᔑᐲᐃᑳᑌ: ᑳᑎᐯᒋᑫᒡ ᑭᑭᔐᒪᓂᑑᒻ ᑭᑲ ᐅᒋᒌᑾᓃᑕᐤ, ᐐᓐ ᐁᑕ ᑲᔦ ᑭᑲ ᐊᓄᑮᑕᐙ, ᑮᐃᑭᑐ᙮

ᒦᑕᔥ ᒋᓴᔅ ᑳᐃᔑ ᓇᑴᑕᐙᒡ: ᒦ ᐅᐌ ᑭᒋᒪᓯᓇᐃᑲᓐ ᐁᔑᐲᐃᑳᑌᒃ: ᑳᐐᓐ ᐊᐎᔭ ᐸᑴᔑᑲᓂᕽ ᐁᑕ ᑕᐅᒋ ᐱᒫᑎᓯᓯ, ᐅᑮᐃᓈᓐ᙮

ᒋᓴᔅ ᑕᔥ ᑮᑮᐌ ᒞᕒᑕᓐ Jordan ᓰᐲᕽ ᐁᑮᐅᒋ ᒫᒑᒡ, ᐁᒨᔥᑭᓀᔥᑳᑯᒡ ᑭᔐᒪᓂᑑᓐ ᐅᑕᒑᑯᓂ᙮ ᒦᐗᓐ ᐃᑕᔥ ᐊᒑᑾᓐ ᑳᑮᐃᔑ ᓃᑳᓃᐎᓂᑯᒡ ᐱᑾᑕᑲᒥᒃ᙮

ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ: ᐃᑭᑑᒪᑲᓐ ᑲᔦ: ᑳᐐᓐ ᑭᑲ ᑯᑌᓂᒫᓰ ᑳᑎᐯᒋᑫᒡ ᑭᑭᔐᒪᓂᑑᒻ, ᐅᑮᐃᓈᓐ᙮

ᐊᐲ ᑕᔥ ᒋᓴᔅ ᑳᑮᐃᔥᒀ ᑲᑴᒋᐃᑯᒡ ᒪᒋᐊᔭᐋᓐ ᒥᓯᐌ ᑫᑰᓂᕽ, ᒦ ᐃ ᐱᓇᒫ ᐊᒋᓇ ᑳᐃᔑ ᓇᑲᓂᑯᒡ᙮

ᒦᓇᐙ ᑕᔥ ᒪᒋᐊᔭᐋᓐ ᐅᑮᐃᔑ ᐐᒌᐎᑰᓐ ᐗᑭᑕᑎᓐ, ᑮᔖᑕᑉ ᐃᑯ ᐁᑮᐙᐸᑕᐃᑯᒡ ᑲᑭᓇ ᑳᑭᒋ ᐅᑭᒫᐌᑖᑾᓂᓂᒃ ᐅᐅᒫ ᐊᑮᕽ ᑳᐊᔮᓂᑭᓐ᙮ ᒦᑕᔥ ᑳᐃᑯᒡ: ᑭᑲ ᒦᓂᓐ ᐅᐅ ᑲᑭᓇ ᑲᔥᑭᐁᐎᓯᐎᓐ, ᐃᐃ ᑲᔦ ᒋᑎᐯᑕᒪᓐ ᐁᔑ ᐌᓅᑎᓰᒪᑲᒃ ᐅᐅ ᐊᑭ᙮ ᓃᓐ ᑲᑭᓇ ᓂᑮᒦᓂᑰ ᐅᓄ, ᒋᑲᔥᑭᑑᔮᓐ ᐊᐌᓀᓐ ᐃᑯ ᐁᓀᓂᒪᒃ ᒋᒦᓇᒃ᙮ ᒦᐗᓐ ᐃᑕᔥ ᐅᓄᐌᓂᐗᓐ ᑲᑭᓇ ᑫᑎᐱᓇᐌᐎᓯᔭᓐ ᑮᔥᐱᓐ ᓃᓐ ᐅᒋᒌᑾᓃᑕᐎᔭᓐ ᒋᐊᓇᒥᐁᑕᐎᔭᓐ, ᐅᑮᐃᑰᓐ᙮ ᒦᑕᔥ ᒋᓴᔅ ᑳᐃᔑᓇᑴᑕᐙᒡ: ᑭᒋᒪᓯᓇᐃᑲᓐ ᐃᔑᐲᐃᑳᑌ: ᑳᑎᐯᒋᑫᒡ ᑭᑭᔐᒪᓂᑑᒻ ᑭᑲ ᐅᒋᒌᑾᓃᑕᐤ, ᐐᓐ ᐁᑕ ᑲᔦ ᑭᑲ ᐊᓄᑮᑕᐙ, ᑮᐃᑭᑐ᙮

ᒦᓇᐙ ᑕᔥ ᒪᒋᐊᔭᐋᓐ ᒉᕒᐆᓴᓬᐊᒥᕽ Jerusalem ᐅᑮᐃᔑᐎᓂᑰᓐ, ᐁᑮᐃᔑ ᐸᑭᑎᓂᑯᒡ ᒫᐗᒡ ᑳᐃᔑ ᐃᔥᐸᑭᑌᓂᒃ ᑭᒋᐊᓇᒥᐁᐎᑲᒥᒃ᙮ ᒦᑕᔥ ᑳᐃᑯᒡ: ᑮᔥᐱᓐ ᑭᔐᒪᓂᑑ ᐅᑯᓯᓴᓐ ᑌᓄᐎᐗᓉᓐ, ᒦ ᐅᒫ ᐅᒋ ᒀᔥᑾᓂᓐ᙮ ᐋᓃᔥ ᑭᒋᒪᓯᓇᐃᑲᓐ ᐃᔑᐲᐃᑳᑌ: ᑭᔐᒪᓂᑑ ᓴ ᐅᑲᐊᓅᓈᐞ ᐅᑌᒐᓬᐃᒪᐞ ᒋᓈᓈᑲᒋᐃᒥᒃ, ᒋᑲᓇᐌᓂᒥᒥᒃ ᐋᓃᓐ ᐱᑯ ᑫᓂ ᐃᔑᒋᑫᐗᒡ᙮ ᐃᑭᑑᒪᑲᓐ ᑲᔦ: ᒦᐗᒃ ᐃᑕᔥ ᐃᑭ ᑫᒥᒋᒥᓂᒀ ᒋᐐᓴᑭᓯᑌᔑᓄᐙᓯᐗᒡ ᐃᐃᒫ ᑳᔑ ᐊᓯᓃᑳᓂᒃ, ᐅᑮᐃᑰᓐ᙮ ᒋᓴᔅ ᑕᔥ ᐅᑮᐃᔑ ᓇᑴᑕᐙᓐ: ᐃᑭᑑᒪᑲᓐ ᑲᔦ: ᑳᐐᓐ ᑭᑲ ᑯᑌᓂᒫᓰ ᑳᑎᐯᒋᑫᒡ ᑭᑭᔐᒪᓂᑑᒻ, ᐅᑮᐃᓈᓐ᙮