Oosana 12
12
Anutufa Abarammana aaroo ufafa.
1Abarammana akoofa Teeraafa kuqufanoo Karaambaiqa Abarammana qimaminoo qinau. Aneenna maqa faqa aneenna aiku asauku faqa aneenna akoona maqa maaqakinaa ainaina faqa quqasee minniseenana maqa maaqa moo uqafiqaanana miqoo fua.
2Miqoo oonu marinaqa ani faiqi moomoo amiananoo maqa maaqa qumbiqafi marifara.
Qinee ani amiqi amiqimma amaqasaanana anee auqu faqaafa marinnaranoo.
Miqimma finaqa anisaaqaraa amiqi amiqirana faiqí anaasee mareefaranoo.
3Aniara amiqi amiqi mariasa qinee faqa quandafiqa misa faqa amiqi amiqi ianaura ani aqurarainausa qinee faqa quandafiqa misa faqa niquraraanaura.
Aniaroo qimasee misa aiqama maqasaaqaraasa amiqi amiqimma nimaqaanaura.
4Abarammafa 75 aukuana maraseenoo Qarana maqusa minniseenoo Kannaana maqa maaqai Karaambaiqa qimamundee inoo fufanoo Rootafa mina faqa finau. 5Abarammafa narí anaaqa Sarai nammarina faqa narí akaqa faiqi Rootana faqa narí moomoo qumiasana ainainira faiqiuqa faqa nifiqeenoo Arana maqasaa mariuna nifiqeenoo Kannaana maqa maaqai finau.
6Misa Kannaana maqasaa oonuroofanoo Abarammafa oonuree aniree inoo niniiufanoo Seekeemma maqa maaqaki naaquqara maqusasaa tatufirana suqee maruqoo Mooree maqa maaqaki naaquqara saqari atukaki aniranau. Mi aukuanna Kannaana maqannaasa mi maqa maaqanaki kaqi mariqau. 7Abarammafa mi maqusanai oonu marufanoo Karaambaiqa akooqoo mina afusaa kooroomafinoo qimaminau. Qinee maa maqa maaqanara ani qimamunnana ani aiku asauku nimianaura. Miqi qimasoofanoo Abarammafa miqoo mina afusaa kooroou Karaambaiqana tatufirana suqa amira qainda auqusee tatufirana suqa aminau.
8Suqa amiseenoo Abarammafa findifinoo aaqana maqa maaqai ooru finau. Beeteera maqusa fannoo suani keeqoo qaannai marufanoo suani oosana qaannai Ai maqusa marufanoo qambaanai narí uiqaana maqa usakanau. Usakaseenoo miqoo Karaambaiqa aadau tatufira ooni qainda faqa auquseenoo Anutuna aaramaseenoo innaaru qimarinau. 9Miqinoo faiqanoo fifiiufanoo suani afu dinni ataaqeenni Kannaana maqa maaqa dinni atinni Isipa maqa maaqa oosira qaannai ooquranau. Neekeefa maqasaa ooqu finau.
Abarammafa Isipa maqa maaqai ooqu fu ufafa.
10Miqoo marufanoo aandaroo firaafa Kannaa maqannaasa narinau. Abarammafa mina qafoofanoo mandaikufanoo narí aiku asauku faqa narí ainaina namu faqa Isipa maqasaa ooqu finau. 11Isipa maqa maaqa adeedi rama soofanoo Abarammafa narí anaaqa Sarai nammarina qimaminoo qinau. Ani afaaqa amiqirafa mariananoo. 12Isipa maqannaa ani qafamasee, oo mina aanaaqammi maqi qimasee qini darusee ani maree foora. 13Anee aneennara qiniara auna fee qinaqa sia darifaqa anindiri kaqi marianau.
14Abarammafa Isipa maqa maaqai aniroofaqa Isipa maqannaasa Sarai nammarina qafamasee boo amiqira fee qiqau. 15Isipa maqannaasa rakisirafa Faraoona mina faiqi namu Sarai nammarina qafamaseeqa Faraoona qimamiqa qiqau, qoo amiqira manaaqa fee qufanoo Faraoofa qimannimufaqa Sarai nammarina ani mareeqee Faraoona kinna maaqaki quqaqau. 16Mina akiiqara Faraoofa Abarammana amiqi amiqimmaseenoo sipsipauqa faqa mimmiuqa faqa burimakauqa faqa doonkiuqa faqa kammeerauqa faqa ainainira faiqiuqa faqa maanaaqauqa faqa feefaru Abarammana aminau.
17Faraoofa Sarai nammarina maroonara Karaambaiqa fannoo oosana oosana manda aurirana Faraoona faqa mina maaqaki marusaki faqa quqanau. 18Faraoofa mina qafamaseenoo Abarammana aaramaseenoo aqinoo qinau. Anee qini naqaa fee maqimaqeenee. Anee nanaree sia qini qinaaqa fee qimasee qimaqiminanee. 19Anee nanaree qini dauna fee qianaqee qinee qeeqara qinaaqara mareeqee qeeqa maaqaki quqee fee. Maa ani anaaqa marinoo, doo ani afiqee fifua. 20Faraoofa miqi qimaseenoo narí sundiauqa niqiqoofaqa Abarammana faqa narí anaaqa faqa narí aiqama ainaina faqa nifiqa maree nári maqa atinni munusoofaqa fiqa.
Currently Selected:
Oosana 12: bjr
Označeno
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
Oosana 12
12
Anutufa Abarammana aaroo ufafa.
1Abarammana akoofa Teeraafa kuqufanoo Karaambaiqa Abarammana qimaminoo qinau. Aneenna maqa faqa aneenna aiku asauku faqa aneenna akoona maqa maaqakinaa ainaina faqa quqasee minniseenana maqa maaqa moo uqafiqaanana miqoo fua.
2Miqoo oonu marinaqa ani faiqi moomoo amiananoo maqa maaqa qumbiqafi marifara.
Qinee ani amiqi amiqimma amaqasaanana anee auqu faqaafa marinnaranoo.
Miqimma finaqa anisaaqaraa amiqi amiqirana faiqí anaasee mareefaranoo.
3Aniara amiqi amiqi mariasa qinee faqa quandafiqa misa faqa amiqi amiqi ianaura ani aqurarainausa qinee faqa quandafiqa misa faqa niquraraanaura.
Aniaroo qimasee misa aiqama maqasaaqaraasa amiqi amiqimma nimaqaanaura.
4Abarammafa 75 aukuana maraseenoo Qarana maqusa minniseenoo Kannaana maqa maaqai Karaambaiqa qimamundee inoo fufanoo Rootafa mina faqa finau. 5Abarammafa narí anaaqa Sarai nammarina faqa narí akaqa faiqi Rootana faqa narí moomoo qumiasana ainainira faiqiuqa faqa nifiqeenoo Arana maqasaa mariuna nifiqeenoo Kannaana maqa maaqai finau.
6Misa Kannaana maqasaa oonuroofanoo Abarammafa oonuree aniree inoo niniiufanoo Seekeemma maqa maaqaki naaquqara maqusasaa tatufirana suqee maruqoo Mooree maqa maaqaki naaquqara saqari atukaki aniranau. Mi aukuanna Kannaana maqannaasa mi maqa maaqanaki kaqi mariqau. 7Abarammafa mi maqusanai oonu marufanoo Karaambaiqa akooqoo mina afusaa kooroomafinoo qimaminau. Qinee maa maqa maaqanara ani qimamunnana ani aiku asauku nimianaura. Miqi qimasoofanoo Abarammafa miqoo mina afusaa kooroou Karaambaiqana tatufirana suqa amira qainda auqusee tatufirana suqa aminau.
8Suqa amiseenoo Abarammafa findifinoo aaqana maqa maaqai ooru finau. Beeteera maqusa fannoo suani keeqoo qaannai marufanoo suani oosana qaannai Ai maqusa marufanoo qambaanai narí uiqaana maqa usakanau. Usakaseenoo miqoo Karaambaiqa aadau tatufira ooni qainda faqa auquseenoo Anutuna aaramaseenoo innaaru qimarinau. 9Miqinoo faiqanoo fifiiufanoo suani afu dinni ataaqeenni Kannaana maqa maaqa dinni atinni Isipa maqa maaqa oosira qaannai ooquranau. Neekeefa maqasaa ooqu finau.
Abarammafa Isipa maqa maaqai ooqu fu ufafa.
10Miqoo marufanoo aandaroo firaafa Kannaa maqannaasa narinau. Abarammafa mina qafoofanoo mandaikufanoo narí aiku asauku faqa narí ainaina namu faqa Isipa maqasaa ooqu finau. 11Isipa maqa maaqa adeedi rama soofanoo Abarammafa narí anaaqa Sarai nammarina qimaminoo qinau. Ani afaaqa amiqirafa mariananoo. 12Isipa maqannaa ani qafamasee, oo mina aanaaqammi maqi qimasee qini darusee ani maree foora. 13Anee aneennara qiniara auna fee qinaqa sia darifaqa anindiri kaqi marianau.
14Abarammafa Isipa maqa maaqai aniroofaqa Isipa maqannaasa Sarai nammarina qafamasee boo amiqira fee qiqau. 15Isipa maqannaasa rakisirafa Faraoona mina faiqi namu Sarai nammarina qafamaseeqa Faraoona qimamiqa qiqau, qoo amiqira manaaqa fee qufanoo Faraoofa qimannimufaqa Sarai nammarina ani mareeqee Faraoona kinna maaqaki quqaqau. 16Mina akiiqara Faraoofa Abarammana amiqi amiqimmaseenoo sipsipauqa faqa mimmiuqa faqa burimakauqa faqa doonkiuqa faqa kammeerauqa faqa ainainira faiqiuqa faqa maanaaqauqa faqa feefaru Abarammana aminau.
17Faraoofa Sarai nammarina maroonara Karaambaiqa fannoo oosana oosana manda aurirana Faraoona faqa mina maaqaki marusaki faqa quqanau. 18Faraoofa mina qafamaseenoo Abarammana aaramaseenoo aqinoo qinau. Anee qini naqaa fee maqimaqeenee. Anee nanaree sia qini qinaaqa fee qimasee qimaqiminanee. 19Anee nanaree qini dauna fee qianaqee qinee qeeqara qinaaqara mareeqee qeeqa maaqaki quqee fee. Maa ani anaaqa marinoo, doo ani afiqee fifua. 20Faraoofa miqi qimaseenoo narí sundiauqa niqiqoofaqa Abarammana faqa narí anaaqa faqa narí aiqama ainaina faqa nifiqa maree nári maqa atinni munusoofaqa fiqa.
Currently Selected:
:
Označeno
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.