Salmos 37
37
Na'sunga antteya'cho
1Iyiccayejama egae tsinconsundeccu gana'jensi.
Ni injama'choni se'pijama tise'pa osha'choma an'biansi.
2Junde tsu shoshovima samboenqquia'caen
toya'caen te'tama pandianqquia'caen sefaen'faya.
3Tsa'ma osha'choma Na'sunga anttepa ñotsse tsonjan
va andeni opatsse can'jemba ñotssiama isuye.
4Na'suma ñotsse in'jamba avujatssija.
Nane tsa'caen avujatssisi tiseja
que injama'cho tsosipie in'jan'choma quenga afeya.
5Tisu canse'choma Na'sunga antteja.
Nane tisenga osha'choma
anttesi tiseja quema fuitepa tsoña.
6Tiseja que ñotssiama coejechiga
enttinge a'ta chanjunqquia'caen attiamba
que tansintsse in'jamba su'choma'qque a'tatsse canjaeña.
7Na'suma iñajamba ziyapa
tise fuiteya'chove ron'daya'cho.
Tsa'ma a'i egae in'jamba injanga tson'cho
ñotsse naningesi que injama'choni se'pijama.
8Iyicca'yejama toya'caen putsa'suve da'choma catija.
Nane iyicca'ye'ninda tsu ti'tsse egave daya.
9Nane Na'suja egae tsinconsundeccuma ande'ye ccuchaya.
Tsa'ma Na'suve in'jamba pañasundeccuja
andema isupa an'bian'faya.
Trenutno izbrano:
Salmos 37: con
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 1998, Wycliffe Bible Translators, Inc. All rights reserved.