Job 12
12
1Tsonsi Job pañamba qquen su:
2¡Que'ija poi aindeccune ñoa'me afasundeccusi
que'i pa'ninda ñoa'me faesu injama'paja
can'jeña'bi! qquen qui in'jan'fa.
3Tsa'ma ña'qque injama'choni in'jamba
osha'chone que'ima bove'ccombi gi.
¿Majan tsu que'i suqquia'caen atesu'fambi?
4Egae tsincombi gi ni shacave an'biambi.
Tayoe ñajan Chigama iñajansi tiseja ñama paña.
Tsa'ma ja'ño ña amigondeccu'qque ñama afasepa feña'fa.
5Vana'jembi'choaja vana'jen'choma mende'yembi
ni amppiye tson'jen'choma fuiteye in'jambi.
6Ccanambandeccu opatsse can'jensi
Chigama afasesundeccu'qque ppimppintsse can'jen'fa.
Nane tise'pa tiveni chigama an'bianqquia'caen in'jamba
patsuqquia'caen can'jen'fa.
Trenutno izbrano:
Job 12: con
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 1998, Wycliffe Bible Translators, Inc. All rights reserved.