2. Tessalonicha 3
3
Bät fa ons
1To goodalatst, Breeda, bät fa ons, daut Gott sien Wuat sikj schwind vebreeden un veharlichen mucht, soo aus bie junt. #Efs 6,18-19; Kol 4,3; 1Tess 5,25 2Bät uk daut Gott ons ut de beese un gottloose Menschen äare Henj raden mucht, wiels de Menschen jleewen nich aula. 3Gott oba es tru; dee woat junt stoakj moaken un ver däm beesen bewoaren. #Joh 17,15; 1Tess 5,24 4Un wie haben em Harn daut vetruen en junt, daut jie doonen un wieda doonen woaren, waut wie junt aunjeordent haben. #2Kor 7,16; Gal 5,10 5Mucht de Har june Hoaten soo lenkjen, daut jie dän Wajch no Gott siene Leew un no Christus siene Jedult finjen.
De Oppdrach toom oabeiden
6Wie haben junt noch waut to sajen, leewe Breeda, un daut en däm Harn Jesus Christus sienen Nomen: Trakjt junt trigj von soone Breeda, dee bloos romdriewen un nich soo läwen, aus wie junt jelieet haben. #Mat 18,17; Reema 16,17; 2Tess 2,15 7Jie weeten selfst goot, daut jie soo läwen sellen, aus wie bie junt läwden. Wie fieeden ons soo opp aus sikj daut jehieet. #1Tess 1,6 8Wie neemen von kjeenem daut Broot emsonst. Wie oabeiden Dach un Nacht, daut wie kjeenem to Laust faulen wudden. #1Tess 2,9 9Dit deed wie nich doawäajen, daut wie nich een rajcht hauden, von junt to velangen, waut wie toom Läwen brukten. Oba wie wullen junt een goodet Väabilt sennen. #Mat 10,10; Apost 20,35; Flp 3,17 10Aus wie noch bie junt wieren, säd wie junt daut aul, wäa nich oabeiden well, saul uk nich äten. 11Wie hieren, daut eenje von junt nuschtnizjet doonen, onneedich romdriewen un nich oabeiden. 12Soone orden wie daut aun un sajen an en däm Harn Jesus Christus sienen Nomen, daut see stell äare Oabeit doonen sellen un sikj äa Broot selfst vedeenen. #1Tess 4,11 13Jie oba, Breeda, woat nich meed, goodet to doonen. #Gal 6,9
14Wan irjentwäa nich horchen un nich doonen well, waut wie en disen Breef sajen, dan hoolt em Denkj wäa daut es, un habt nuscht met siene Oat un Wies to doonen, daut hee sikj aunfangt to schämen. 15Oba seet am nich aun aus eenen Fient, wiest am trajcht aus eenen Brooda. #1Tess 5,14
Säajenswunsch un Gruss
16Mucht de Frädens Har junt to aule Tiet un opp aule Oat un Wies Fräd jäwen. Mucht de Har met junt aula sennen. #Joh 14,27
17Ekj, Paulus, hab disen Gruss met miene ieejne Haunt jeschräwen. Dit es daut Tieekjen en aul miene Breew, soo schriew ekj. #1Kor 16,21; Gal 6,11; Kol 4,18 18Mucht de Jnod von onsem Harn Jesus Christus met junt aula sennen!
Trenutno izbrano:
2. Tessalonicha 3: PB
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Plautdietsch Bible © 2003 Kindred Productions and United Bible Societies Association, Inc.
2. Tessalonicha 3
3
Bät fa ons
1To goodalatst, Breeda, bät fa ons, daut Gott sien Wuat sikj schwind vebreeden un veharlichen mucht, soo aus bie junt. #Efs 6,18-19; Kol 4,3; 1Tess 5,25 2Bät uk daut Gott ons ut de beese un gottloose Menschen äare Henj raden mucht, wiels de Menschen jleewen nich aula. 3Gott oba es tru; dee woat junt stoakj moaken un ver däm beesen bewoaren. #Joh 17,15; 1Tess 5,24 4Un wie haben em Harn daut vetruen en junt, daut jie doonen un wieda doonen woaren, waut wie junt aunjeordent haben. #2Kor 7,16; Gal 5,10 5Mucht de Har june Hoaten soo lenkjen, daut jie dän Wajch no Gott siene Leew un no Christus siene Jedult finjen.
De Oppdrach toom oabeiden
6Wie haben junt noch waut to sajen, leewe Breeda, un daut en däm Harn Jesus Christus sienen Nomen: Trakjt junt trigj von soone Breeda, dee bloos romdriewen un nich soo läwen, aus wie junt jelieet haben. #Mat 18,17; Reema 16,17; 2Tess 2,15 7Jie weeten selfst goot, daut jie soo läwen sellen, aus wie bie junt läwden. Wie fieeden ons soo opp aus sikj daut jehieet. #1Tess 1,6 8Wie neemen von kjeenem daut Broot emsonst. Wie oabeiden Dach un Nacht, daut wie kjeenem to Laust faulen wudden. #1Tess 2,9 9Dit deed wie nich doawäajen, daut wie nich een rajcht hauden, von junt to velangen, waut wie toom Läwen brukten. Oba wie wullen junt een goodet Väabilt sennen. #Mat 10,10; Apost 20,35; Flp 3,17 10Aus wie noch bie junt wieren, säd wie junt daut aul, wäa nich oabeiden well, saul uk nich äten. 11Wie hieren, daut eenje von junt nuschtnizjet doonen, onneedich romdriewen un nich oabeiden. 12Soone orden wie daut aun un sajen an en däm Harn Jesus Christus sienen Nomen, daut see stell äare Oabeit doonen sellen un sikj äa Broot selfst vedeenen. #1Tess 4,11 13Jie oba, Breeda, woat nich meed, goodet to doonen. #Gal 6,9
14Wan irjentwäa nich horchen un nich doonen well, waut wie en disen Breef sajen, dan hoolt em Denkj wäa daut es, un habt nuscht met siene Oat un Wies to doonen, daut hee sikj aunfangt to schämen. 15Oba seet am nich aun aus eenen Fient, wiest am trajcht aus eenen Brooda. #1Tess 5,14
Säajenswunsch un Gruss
16Mucht de Frädens Har junt to aule Tiet un opp aule Oat un Wies Fräd jäwen. Mucht de Har met junt aula sennen. #Joh 14,27
17Ekj, Paulus, hab disen Gruss met miene ieejne Haunt jeschräwen. Dit es daut Tieekjen en aul miene Breew, soo schriew ekj. #1Kor 16,21; Gal 6,11; Kol 4,18 18Mucht de Jnod von onsem Harn Jesus Christus met junt aula sennen!
Trenutno izbrano:
:
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Plautdietsch Bible © 2003 Kindred Productions and United Bible Societies Association, Inc.