Англунимос 21
21
Сар аракхадиля о Исаако
1О РАЙ, сар Вов и пхэндя, сэрэсардя э Сарра и стердя па пэско алав: 2э Сарра ашыля пхари и андя лэ Авраамости шавэс, кала вов ужэ ашыля пхуро, андэ кодыя время, кала пхэндясас лэсти о Дэл. 3О Авраамо дя лэ шавэсти, савэс андя э Сарра, алав Исаако. 4Кала лэстерэ шавэсти лэ Исаакости ашыля охто деса, о Авраамо опшындя лэс, сас пхэндясас лэсти о Дэл. 5Лэ Авраамости сас шэл бэрша, кала лэстэ аракхадиляпэ о шаво Исаако.
6Э Сарра пхэндя:
— О Дэл тердя ман тэ асав. Саворэ, ко ашунэна пала када, розасалапэ екхтханэ манца.
7И инке пхэндя:
— Тэ пхэнэн б варико лэ Авраамости, кай э Сарра авэла тэ праварэл лэ колинэса? Ай мэ андэм лэсти шавэс андэ лэско пхуримос.
8О бэято вибариля и сас одлино лэ колинэстар. Андэ кодыва дес, кала о Исаако сас одлино лэ колинэстар, о Авраамо стходя лащи мисяля.
Авраамо витрадэл ла Агаря тай лэ Измаилос
9Э Сарра дикхля, со о шаво, савэс э египтянка Агарь андя лэ Авраамости, прясал лэ Исаакостар, 10тай пхэндя лэ Авраамости:
— Витрадэ кала копэльница тай латерэ шавэс, пала кода со о шаво кала копэльницако на росшола о хулаимос мэрнэ шавэса лэ Исаакоса.
11Лэ Авраамости сас фартэ пхаро, пала кода со кода сас лэско шаво. 12О Дэл пхэндя лэсти:
— На грижосав пала шаворо тай палай копэльница. Кандэ ла Сарра тай стер ся, сар вой пхэнэн, пала кода со тери порода жала лэ Исаакостар. 13Ай ла копэльницатерэ шавэстар Мэ стерава екх народо, пала кода со и вов сыно теро шаво.
14Пэ авэр дес кати кай э тэсара о Авраамо ля хамос тай гаравлицко гоно лэ паеса тай дя ла Агаряти: схтодя лати лэн пэ пхикэ и отбишалдя ла екхтанэ лэ бэятоса. Вой жылятар и пхирэлас андэ шуки пхув андэ Вирсавия и нащи аракхэлас о дром. 15Кала о паи андо гаравлицко гоно на ашыля, вой ашадя лэ бэятос тэлай бур 16и отжыля, прибэшля найдур, сар тэ дэсдап анда луко, пала кода со вой гындосарэлас: «Нащи дикхав, сар о бэято мэрэл». Вой бэшля котэ и фартэ розровляпэ.
17О Дэл ашундя о ровимос лэ бэятоско, и о янголо лэ Дэвлэско акхардя каринг э Агарь па нэбо и пхэндя лати:
— Со туса, Агарь? На дара, о Дэл ашундя, сар ровэл о бэято, савэс ту ашадян. 18Ущи, ваздэ лэ бэятос и лэ лэс вастэстар. Мэ стерава лэстар баро народо.
19Тунче о Дэл пхэрнадя лати э якха, и вой додикхля э хаинг лэ паеса. Вой жыля, пхэрдя о гаравлицко гоно паеса тай паярэл лэ бэятос.
20О Дэл сас лэ бэятоса. О Измаило вибариля. Вов жувэлас андэ шуки пхув тай ашыля мишто тэ марэл анда луко. 21Вов жувэлас андэ шуки пхув Парано, и лэсти дэй ля лэсти ромня анда Египто.
Завето машкара Авраамо тай Авимелехо андэ Вирсавия
22Андэ кодыя время о Авимелехо тай о Фихоло, о барэдэр пэ лэстерэ халавдэ, пхэндэ лэ Авраамости:
— О Дэл сыно туса андэ ся, со ту терэс. 23Солаха жэ манди катэ англа Дэл, со ту на хохавэса ни ман, ни мэрнэ бэятонэн, ни мэрнэ бэятонэндерэ бэятонэн. Стер манди тай кала пхуяти, андэ сави ту жувэс, кодыва жэ тынгимос, саво мэ стердэмас тути.
24О Авраамо пхэндя:
— Солахав.
25Тунче о Авраамо мустрисардя лэ Авимелехос пала э хаинг лэ паеса, сави захутилдэ э бутярнэ лэ Авимелехости. 26Ай о Авимелехо пхэндя:
— Мэ на ганав, ко када тердя. Ту на пхэндянас манди, тай жы калэ десэстэ мэ на ашундэм пала када.
27О Авраамо андя гурувнэн тай бакрэн и дя лэн лэ Авимелехости, и вонэ допхэндэпэ екх екхэса. 28О Авраамо отходя ригатар анда гурто ефта тэрнэ бакрэн. 29О Авимелехо пушля лэ Авраамостар:
— Со када ефта тэрнэ бакрэ, савэн ту отходян ригатар?
30Вов пхэндя:
— Прилэ мандар кадылэ ефта тэрнэ бакрэн, соп тэ сыкавэл кода, со мэ виганадэм кадыя хаинг, тай вой сыни мэрни.
31Вонэ лэ дуй солахае котэ, и акэ пала со кодыва тхан акхардо сас Вирсавия#21.31 Пэ пхур. евр. шыб «Бээр-Шэва» пэрэндярэлпэ сар «хаинг лэ ефтанэн», «хаинг лэ солахадимаско»..
32Кала вонэ допхэндэпэ андэ Вирсавия, о Авимелехо тай о Фихоло, о барэдэр лэско пэ халавдэ, рисайлэ пэ филистимско пхув. 33О Авраамо шутя тэ барёл тамариско кашт андэ Вирсавия и тэлиля лэ РАЕСТИ, лэ Вечнонэ Дэвлэсти.
34О Авраамо жувэлас пэ филистимско пхув бут время.
Trenutno izbrano:
Англунимос 21: СРБ
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/