मती 3
3
बतिसमा एमे होड़ एहुनाराः परसार
(मरकूस 1:1-8; लूका 3:1-9; 15–17; एहुना 1:19-28)
1हनानाः दिनरे बतिसमा एमेयीग होड़ एहुना एहूदिया छतरराः टयंगाब ततररेय परसारतेरा, 2“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।” 3ननाँयग होड़ बदीरे भगवानराः बड़रा कतायीग होड़ एसयाह कतातेरा,
टयंगाब ततेररे खिररीवाडखने कतायता हाँयग होड़राः अरो,
परबू वेग लगा दूरपे संजोड़का
अरू हाँय लगा दूरपे सोएगगोड।#एस 40:3
4एहुना ऊँटराः ऊबते तुलात सोनहे अरू जानरराः हेड़ेतते तुलात पेटार अनँयग मयांगरेय तुसिंगगेःआ। हाँय पंपाकू#लेवी 11:22 अरू टयंगाब ततेररिकुःआ रासकूय जोमा। 5दो मरंग सहर एरुसलेमरिकुःआ होड़कू, एहूदिया छतररिकुःआ होड़कू अरू एरदन नईराः चइरो गतररिकुःआ होड़कू अते मुरुक बगरा होड़कू एहुना एचेरेकू सेनेडा। 6अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा।
7फरीसी होड़कू अरू सदूकी होड़कू बतिसमा गोः लगाकू वेजेडा दो, हाँय हँकू एचेरेय कतातेड, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावकेडपेःआ? 8सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः। 9अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय। 10नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।
11अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता। 12अनँयग गोहोम खनहियाड़ अतेय तेय अमिंग लगा अरू अकिडकेडखन पलारे दोहोय लगा हाँयराः हटाः अनँयग तिःईरे इदा। मनदो कहियो मेर इड़ीगगुःता हना सेंगेलरे कुटाय बालगेता।”
एहुना अते ईसू बतिसमाय गोःतेरा
(मरकूस 1:9-11; लूका 3:21-22)
13हना तयोमरे ईसू गलील छतर अते एरदन नई अगी एहुनाते बतिसमा गोः लगाय सेनेडा। 14दो एहुना हाँय रोंकावगेय लगा ओंगोलतेडखने कताया, “ईंग आम एचेरे बतिसमा गोः लगा इदा अरू नुँहू आम ईंग एचेरे बतिसमा गोः लगाम वेगकिया जा?”
15मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान। 16ईसू बतिसमा गोःतेडखन दाः अतेय उडुंगगुः मेला सेरमो देस गीगयान अरू भगवानराः बिरुवा, पेरवाँ तितीग इया ईसू चोटरे उतराव वेगनेना, हना अनँयग ञेलतेरा। 17अरू सेरमो होरते बड़राय अयूमतेरा,
“नाँय ईंगरीग दुलार बेटा हवे अरू नाँय सुदा राजू इदानिंगा।”#एस 42:1
Trenutno izbrano:
मती 3: kfp
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
© (Active) Wycliffe Bible Translators, Inc. All rights reserved.