മത്തായ് 18
18
ഏവനാണും വെലീവൻ
മർക്കോശ് 9:33–37; ലൂക്കോശ് 9:46–48
1ആ ശമയം ശിശിയൻമാര് ഏശുവാട്ട് വന്ത്, “മേലോകത്തീല് ഏവനാണും ഏറ്റമം വെലീവൻ?” ഇന്റ് കേട്ടാര്.
2അപ്പിനിക്കി ഏശു ഒര കുഞ്ചിക്കുഞ്ചീന കിട്ട വിളിച്ച് അവങ്ങള നെട്വ്ക്ക് നെർത്തി, 3അവങ്ങളോട, “നിങ്ങള മനശ് മാറ്റി ഈ കുഞ്ചിക്കുഞ്ചീനപ്പേല ആഞ്ഞ്‌ലിങ്ങി നിങ്ങ മേലോകത്തീല് കടക്ക്ത്ത്‌ല” ഇന്റ് നാന് നെശമാഞ്ഞും നിന്നോട പേശന്റൻ. 4“മേലോകത്തീല വെലീവൻ അവനവനത്തിന്ന താത്തി ഈ കുഞ്ചിക്കുഞ്ചീനപ്പേല ആകന്റാള്കളാണും. 5ഈണയൊള്ള കുഞ്ചീനപ്പേലയൊള്ള ആള്കള എന്റ പേരില് കെയ്യേക്കന്റവൻ എന്ന കെയ്യേക്കന്റാൻ.
മന്ശ്‌ന തെറ്റ്കുറ്റം ചെയ്യിക്കിന്റ കാരിയങ്ങള്
മർക്കോശ് 9:42–48
6എന്ന നമ്പന്റ ഈ കുഞ്ചീയാള്കളീല് ഒരത്തനക്കൊണ്ട് തെറ്റ്കുറ്റം ചെയ്യിക്കിന്റതിക്കായും അവന്റ കെയ്‌ത്തീല് ഒര വിട്ട തിരികെല്ല് കെട്ടി കടലീല് മുക്കിയിടന്റതാണും അവന്ക്ക് നെല്ലത്. 7മന്ശ്‌ന തെറ്റ്കുറ്റം ചെയ്യിക്കിന്റ ഒലകത്തീല ആള്കള്ക്ക് അരക്കെയ്‌പ്പട്ട വെനയില്ല വെര്‌വാനിരക്കന്റത്; അത് നടപ്പാനിക്കൊള്ളതാണും; ഇന്റാലും അത് വെരത്ത്ന്റ മന്ശ്‌ന്ക്ക് അരക്കെയ്‌പ്പട്ട വെനയില്ല വെര്‌വാനിരക്കന്റത്.
8നിന്റ കെയ്യോ കാലോ തെറ്റ്കുറ്റങ്ങള് ചെയ്യ്‌വാനിക്കി കാറണം ആകന്റതിന്റെ അത് വെട്ടി എറിഞ്ഞ് കളയണം; റണ്ട് കെയ്യും റണ്ട് കാലും ഒള്ളവനാഞ്ഞ് എപ്പന്‌മൊള്ള തിയ്യീല് വിയ്യന്റതീക്കായും ഒര കെയ്യോ ഒര കാലോ ഇല്ലാത്തവനാഞ്ഞ് മേലോകത്ത്ക്ക് പോന്റതാണും നിക്ക് നെല്ലത്. 9നിന്റ കണ്ണ് തെറ്റ്കുറ്റങ്ങള് ചെയ്യ്‌വാനിക്കി കാറണം ആകന്റതിന്റെ അത് തോണ്ടിയെട്ത്ത് എറിഞ്ഞ് കളയണം. റണ്ട് കണ്ണ് ഒള്ളവനാഞ്ഞ് തീനരകത്തീല് വിയ്യന്റതീക്കായും ഒറ്റക്കണ്ണനാഞ്ഞ് മേലോകത്ത്ക്ക് പോന്റതാണും നിക്ക് നെല്ലത്.
തെല്ലിപ്പിയ്യ ആട്ന്റ കത
ലൂക്കോശ് 15:3–7
10ഈ കുഞ്ചിയാള്കളീല് ഒരത്തന വെലയില്ലാത്തവനാഞ്ഞ് കാണാണ്ടിയിരപ്പാനിക്കി പാക്കണം. 11മേലോകത്തീല എന്റ അപ്പന്റ മൊകത്ത് അവങ്ങള തൂതൻമാര് എപ്പനമൊണ്ട്” ഇന്റ് നാന് ശത്തിയമായിട്ടും നിങ്ങളോട പേശന്റൻ. 12“നിങ്ങ എന്തൻ നെനിക്കിന്റര്? നിങ്ങള കൂട്ടത്തീല് ഒരത്തന്ക്ക് നൂറ് ആട്കള് ഒണ്ട് ഇന്റ് ഇര്ക്ക്ട്ട്; അതീല് ഒന്റ് തെല്ലിപ്പിയ്യെ അവൻ വേറ തൊണ്ണൂറ്റിയൊമ്പത്‌നയും മലയിന്റ മീത വിട്ട് തെല്ലിപ്പിയ്യ ആട്ന തേടിപ്പോത്ത്‌ല്‌യാ? 13അവന്ക്ക് അത്‌ന കണ്ട് കിട്ടിയേ തെല്ലിപ്പോകാത്ത തൊണ്ണൂറ്റി ഒമ്പത്‌നക്കായും ആ ഒര ആട്ന കണ്ട് കൊള്ള കൂയെടക്കും” ഇന്റ് നാന് ശത്തിയമായിട്ടും നിങ്ങളോട പേശന്റൻ. 14അത്പേലതിന്ന ഈ കുഞ്ചിയാള്കളീല് ഒരത്തൻ പോലും നട്ടമാഞ്ഞ് പോന്റത് മേലോകത്തീല നിങ്ങള അപ്പന്ക്ക് ഇട്ടമില്ല.
തെറ്റ്കുറ്റം ചെയ്യന്റവന്ക്ക് ഏണ ഒതവി ചെയ്യണം
15ഏശുവീല് നമ്പന്റ ഒരാള് നിന്നോട തെറ്റ്കുറ്റം ചെയ്ഞ്ഞെ നീ പിയ്യ് നിയ്യും അവനം മാട്ട്ക്കും ഒള്ളപ്പൻ അവന്റ കുറ്റത്ത്നപ്പെറ്റി അവനോട പേശിക്കൊടക്കണം; അവൻ നിന്റ വാക്ക് കേട്ടേ നിയ്യ് അവന നേടിയ. 16അവൻ നിയ്യ് പേശന്റത് കേക്കാണ്ടിയിര്ന്നെ നിന്റ കൂട്ടത്ത് ഒന്റോ റണ്ടോ ആള കൂട്ടിയെട്ത്ത് പോണം. ആണ ഏത് കുറ്റമം റണ്ടോ മൂന്റോ ശാശികളാഞ്ഞ് ഒറപ്പാക്ക്‌വാനിക്കി പെറ്റും. 17അവങ്ങ പേശന്റതും കേക്കാണ്ടിയിര്ന്നെ പള്ളിക്കാറോട പേശണം; അവങ്ങയം പേശന്റത് കേക്കാണ്ടിയിര്ന്നെ അവൻ തെയ്‌വനമ്പ് ഇല്ലാത്തവനപ്പേലയും രാശാക്കൻമാര്ക്ക്‌വേണ്ടി ഉറവായ് തെറട്ടന്റവന പേലയും ആഞ്ഞിര്ക്ക്ട്ട്.
ശിശിയൻമാര്ക്കൊള്ള അതികാരം
18നിങ്ങ പൂമിയില് കെട്ടന്റതൊക്ക മേലോകത്തീലും കെട്ടത്താകും; നിങ്ങ പൂമിയില് കെയിക്കന്റതൊക്ക മേലോകത്തീലും കെയിക്കും ഇന്റ് നാന് ശത്തിയമായിട്ടും നിങ്ങളോട പേശന്റൻ.
19പൂമിയില് നിങ്ങ റണ്ടാള് ഒര്മിയോട കേക്കന്റ ഏത് കാരിയമം മേലോകത്തീല എന്റ അപ്പനാട്ട്നെന്റ് നിങ്ങ്ക്ക് കിട്ടും. 20എന്തനിന്റെ റണ്ടോ മൂന്റോ ആള്കള് എന്റ പേരില് വന്ത്കൂടന്റ താവീലൊക്കയും നാനും അവങ്ങള കൂട്ടത്ത് ഒണ്ട് ഇന്റ് പിന്നയം പേശന്റൻ.
പൊറ്ക്കാത്ത വേലക്കാറന്റ കത
21അപ്പിനിക്കി പത്ത്റോശ് അവനാട്ട് വന്ത്: “കർത്താവേ, ഏവനീങ്കിലും എന്നോട പിന്നയം പിന്നയം തെറ്റ്കുറ്റം ചെയ്ഞ്ഞ്തിന്ന ഇരന്നെ നാന് എത്തറ വട്ടം അവനോട പൊറ്ക്കണം? ഏയ് വട്ടം മതിയാ?” ഇന്റ് കേട്ടാൻ.
22ഏശു അവനോട, “പോര ഏയ് വട്ടം പോര, ഏയ് എയ്‌പത് വട്ടം#18:22 ഏയ് എയ്‌പത് വട്ടം കണക്കില്ലാണ്ടി പൊറ്ക്കണം ഇന്റാണും ഇത് കൊണ്ട് അർത്തമാക്കന്റത് പൊറ്ക്കണം ഇന്റ് നാന് നിങ്ങളോട പേശന്റൻ” ഇന്റ് പേശിയാൻ. 23എന്തനിന്റെ മേലോകം ഈണയാണും. ഒരകാലത്ത് ഒര രാശാവ് അവന്റ വേലക്കാറ കണക്ക് പാപ്പാനിക്കി തീരമാനിച്ചാൻ. 24അവൻ കണക്ക് പാത്ത് തൊടങ്ങീപ്പൻ പതിനായരം താലന്ത്#18:24 താലന്ത് ഒര മന്ശൻ പതിനഞ്ച് വെര്ശം വേല ചെയ്ഞ്ഞെ കിട്ടന്റ കൂലിയാണും ഒര താലന്ത്. കടം കൊടപ്പാനൊള്ള ഒരത്തന അവനാട്ടക്കി എട്ത്ത് വന്താര്. 25അവന്ക്ക് തിരിച്ച് കൊടപ്പാനിക്കി ഒന്റുമില്ലാഞ്ഞ്ത്കൊണ്ട് അവന്റ ഏമാൻ അവനയം വീട്ട്കാറീനിയം കുഞ്ച്‌ലിയും അവന്ക്കൊള്ളതൊക്ക വിറ്റ് കടം തീറപ്പാനിക്കി രാശാവ് ഉത്തറവിട്ടാൻ. 26ആ വേലക്കാറൻ രാശാവ്ന്റ കാലീല് വീന്ന് കുമ്പ്ട്ട്, എന്നോട പൊറ്ക്കണം; നാന് ഒക്ക കടമം തന്ത് തീറക്കാം ഇന്റ് കെഞ്ചിക്കേട്ടാൻ. 27ഏമാന്ക്ക് വേലക്കാറനോട പാവം വന്ത് അവന്റ കടം ഇല്ലാണ്ടിയാക്കി പേശിവിട്ടാൻ.
28അവൻ അവടനെന്റ് പോവിനിക്കി അവന്ക്ക് നൂറ് വെള്ളി ഉറവായ്#18:28 വെള്ളി ഉറവായ് ഒര മന്ശൻ ഒര തെവശം വേല ചെയ്ഞ്ഞെ കിട്ടന്റ കൂലിയാണും ഒര വെള്ളി ഉറവായ് കടം കൊടപ്പാനിക്കൊള്ള ഒര കൂട്ട്‌വേലക്കാറന കണ്ടാൻ; അവൻ അവന്റ കെയ്‌ത്ത്ക്ക് പിടിച്ച് നെക്കി, “നീ എന്നാട്ട് കടം വാങ്ങിച്ച്ത് തന്തിക്കാ” ഇന്റ് പേശിയാൻ. 29ആ കൂട്ട്‌വേലക്കാറൻ, “കാലീല് വീന്ന് അവനോട എന്നോട പൊറ്ക്കണമേ; നാന് ഒക്ക തന്ത് തീറക്കാം ഇന്റ് കെഞ്ചിയാൻ. 30ഇന്റെ അവന്ക്ക് മനശില്ലാണ്ടി അവൻ കടം കെട്ടിതീറക്ക്ന്റത് വെരയം തടവിലാക്കിയാൻ. 31ഇത് അവന്റ കൂട്ട്‌വേലക്കാറ് കണ്ട് പയങ്കരമായിട്ട് തുക്കിച്ച് ഇതൊക്ക രാശാവോട പിയ്യ് പേശിയാര്. 32അപ്പിനിക്കി രാശാവ് അവന വിളിച്ച് തുട്ടനാഞ്ഞ വേലക്കാറാ നിയ്യ് എന്നോട കെഞ്ചിക്കേട്ടത് കൊണ്ട് നാന് നിന്റ കടമൊക്ക പൊറ്ത്ത് തന്തൻ. 33നാന് നിന്നോട കരണ കാട്ടീത്പേല നിക്കും നിന്റ കൂട്ട്‌വേലക്കാറനോട കരണ തോന്നണ്ടയാ?” ഇന്റ് പേശിയാൻ. 34ആണ രാശാവ്ക്ക് മൂച്ച് വന്ത് അവൻ കടം ഒക്ക കൊട്ത്ത് തീറക്കന്റത് വെരയം ശിച്ചകൊടപ്പാനിക്കി തടവിലാക്കിയാൻ.
35“നിങ്ങ ഓരോരത്തനം മനശ് തൊറന്ന് ഏവനോടീലും പൊറ്ക്കാണ്ടിയിരന്നെ മേലോകത്തീലൊള്ള എന്റ അപ്പൻ രാശാവ് ചെയ്ഞ്ഞത് പേല നിങ്ങളോടയും പൊറ്ക്ക്ത്ത്ല.”
Trenutno izbrano:
മത്തായ് 18: മുതുവാൻ
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
© New Life Literature
മത്തായ് 18
18
ഏവനാണും വെലീവൻ
മർക്കോശ് 9:33–37; ലൂക്കോശ് 9:46–48
1ആ ശമയം ശിശിയൻമാര് ഏശുവാട്ട് വന്ത്, “മേലോകത്തീല് ഏവനാണും ഏറ്റമം വെലീവൻ?” ഇന്റ് കേട്ടാര്.
2അപ്പിനിക്കി ഏശു ഒര കുഞ്ചിക്കുഞ്ചീന കിട്ട വിളിച്ച് അവങ്ങള നെട്വ്ക്ക് നെർത്തി, 3അവങ്ങളോട, “നിങ്ങള മനശ് മാറ്റി ഈ കുഞ്ചിക്കുഞ്ചീനപ്പേല ആഞ്ഞ്‌ലിങ്ങി നിങ്ങ മേലോകത്തീല് കടക്ക്ത്ത്‌ല” ഇന്റ് നാന് നെശമാഞ്ഞും നിന്നോട പേശന്റൻ. 4“മേലോകത്തീല വെലീവൻ അവനവനത്തിന്ന താത്തി ഈ കുഞ്ചിക്കുഞ്ചീനപ്പേല ആകന്റാള്കളാണും. 5ഈണയൊള്ള കുഞ്ചീനപ്പേലയൊള്ള ആള്കള എന്റ പേരില് കെയ്യേക്കന്റവൻ എന്ന കെയ്യേക്കന്റാൻ.
മന്ശ്‌ന തെറ്റ്കുറ്റം ചെയ്യിക്കിന്റ കാരിയങ്ങള്
മർക്കോശ് 9:42–48
6എന്ന നമ്പന്റ ഈ കുഞ്ചീയാള്കളീല് ഒരത്തനക്കൊണ്ട് തെറ്റ്കുറ്റം ചെയ്യിക്കിന്റതിക്കായും അവന്റ കെയ്‌ത്തീല് ഒര വിട്ട തിരികെല്ല് കെട്ടി കടലീല് മുക്കിയിടന്റതാണും അവന്ക്ക് നെല്ലത്. 7മന്ശ്‌ന തെറ്റ്കുറ്റം ചെയ്യിക്കിന്റ ഒലകത്തീല ആള്കള്ക്ക് അരക്കെയ്‌പ്പട്ട വെനയില്ല വെര്‌വാനിരക്കന്റത്; അത് നടപ്പാനിക്കൊള്ളതാണും; ഇന്റാലും അത് വെരത്ത്ന്റ മന്ശ്‌ന്ക്ക് അരക്കെയ്‌പ്പട്ട വെനയില്ല വെര്‌വാനിരക്കന്റത്.
8നിന്റ കെയ്യോ കാലോ തെറ്റ്കുറ്റങ്ങള് ചെയ്യ്‌വാനിക്കി കാറണം ആകന്റതിന്റെ അത് വെട്ടി എറിഞ്ഞ് കളയണം; റണ്ട് കെയ്യും റണ്ട് കാലും ഒള്ളവനാഞ്ഞ് എപ്പന്‌മൊള്ള തിയ്യീല് വിയ്യന്റതീക്കായും ഒര കെയ്യോ ഒര കാലോ ഇല്ലാത്തവനാഞ്ഞ് മേലോകത്ത്ക്ക് പോന്റതാണും നിക്ക് നെല്ലത്. 9നിന്റ കണ്ണ് തെറ്റ്കുറ്റങ്ങള് ചെയ്യ്‌വാനിക്കി കാറണം ആകന്റതിന്റെ അത് തോണ്ടിയെട്ത്ത് എറിഞ്ഞ് കളയണം. റണ്ട് കണ്ണ് ഒള്ളവനാഞ്ഞ് തീനരകത്തീല് വിയ്യന്റതീക്കായും ഒറ്റക്കണ്ണനാഞ്ഞ് മേലോകത്ത്ക്ക് പോന്റതാണും നിക്ക് നെല്ലത്.
തെല്ലിപ്പിയ്യ ആട്ന്റ കത
ലൂക്കോശ് 15:3–7
10ഈ കുഞ്ചിയാള്കളീല് ഒരത്തന വെലയില്ലാത്തവനാഞ്ഞ് കാണാണ്ടിയിരപ്പാനിക്കി പാക്കണം. 11മേലോകത്തീല എന്റ അപ്പന്റ മൊകത്ത് അവങ്ങള തൂതൻമാര് എപ്പനമൊണ്ട്” ഇന്റ് നാന് ശത്തിയമായിട്ടും നിങ്ങളോട പേശന്റൻ. 12“നിങ്ങ എന്തൻ നെനിക്കിന്റര്? നിങ്ങള കൂട്ടത്തീല് ഒരത്തന്ക്ക് നൂറ് ആട്കള് ഒണ്ട് ഇന്റ് ഇര്ക്ക്ട്ട്; അതീല് ഒന്റ് തെല്ലിപ്പിയ്യെ അവൻ വേറ തൊണ്ണൂറ്റിയൊമ്പത്‌നയും മലയിന്റ മീത വിട്ട് തെല്ലിപ്പിയ്യ ആട്ന തേടിപ്പോത്ത്‌ല്‌യാ? 13അവന്ക്ക് അത്‌ന കണ്ട് കിട്ടിയേ തെല്ലിപ്പോകാത്ത തൊണ്ണൂറ്റി ഒമ്പത്‌നക്കായും ആ ഒര ആട്ന കണ്ട് കൊള്ള കൂയെടക്കും” ഇന്റ് നാന് ശത്തിയമായിട്ടും നിങ്ങളോട പേശന്റൻ. 14അത്പേലതിന്ന ഈ കുഞ്ചിയാള്കളീല് ഒരത്തൻ പോലും നട്ടമാഞ്ഞ് പോന്റത് മേലോകത്തീല നിങ്ങള അപ്പന്ക്ക് ഇട്ടമില്ല.
തെറ്റ്കുറ്റം ചെയ്യന്റവന്ക്ക് ഏണ ഒതവി ചെയ്യണം
15ഏശുവീല് നമ്പന്റ ഒരാള് നിന്നോട തെറ്റ്കുറ്റം ചെയ്ഞ്ഞെ നീ പിയ്യ് നിയ്യും അവനം മാട്ട്ക്കും ഒള്ളപ്പൻ അവന്റ കുറ്റത്ത്നപ്പെറ്റി അവനോട പേശിക്കൊടക്കണം; അവൻ നിന്റ വാക്ക് കേട്ടേ നിയ്യ് അവന നേടിയ. 16അവൻ നിയ്യ് പേശന്റത് കേക്കാണ്ടിയിര്ന്നെ നിന്റ കൂട്ടത്ത് ഒന്റോ റണ്ടോ ആള കൂട്ടിയെട്ത്ത് പോണം. ആണ ഏത് കുറ്റമം റണ്ടോ മൂന്റോ ശാശികളാഞ്ഞ് ഒറപ്പാക്ക്‌വാനിക്കി പെറ്റും. 17അവങ്ങ പേശന്റതും കേക്കാണ്ടിയിര്ന്നെ പള്ളിക്കാറോട പേശണം; അവങ്ങയം പേശന്റത് കേക്കാണ്ടിയിര്ന്നെ അവൻ തെയ്‌വനമ്പ് ഇല്ലാത്തവനപ്പേലയും രാശാക്കൻമാര്ക്ക്‌വേണ്ടി ഉറവായ് തെറട്ടന്റവന പേലയും ആഞ്ഞിര്ക്ക്ട്ട്.
ശിശിയൻമാര്ക്കൊള്ള അതികാരം
18നിങ്ങ പൂമിയില് കെട്ടന്റതൊക്ക മേലോകത്തീലും കെട്ടത്താകും; നിങ്ങ പൂമിയില് കെയിക്കന്റതൊക്ക മേലോകത്തീലും കെയിക്കും ഇന്റ് നാന് ശത്തിയമായിട്ടും നിങ്ങളോട പേശന്റൻ.
19പൂമിയില് നിങ്ങ റണ്ടാള് ഒര്മിയോട കേക്കന്റ ഏത് കാരിയമം മേലോകത്തീല എന്റ അപ്പനാട്ട്നെന്റ് നിങ്ങ്ക്ക് കിട്ടും. 20എന്തനിന്റെ റണ്ടോ മൂന്റോ ആള്കള് എന്റ പേരില് വന്ത്കൂടന്റ താവീലൊക്കയും നാനും അവങ്ങള കൂട്ടത്ത് ഒണ്ട് ഇന്റ് പിന്നയം പേശന്റൻ.
പൊറ്ക്കാത്ത വേലക്കാറന്റ കത
21അപ്പിനിക്കി പത്ത്റോശ് അവനാട്ട് വന്ത്: “കർത്താവേ, ഏവനീങ്കിലും എന്നോട പിന്നയം പിന്നയം തെറ്റ്കുറ്റം ചെയ്ഞ്ഞ്തിന്ന ഇരന്നെ നാന് എത്തറ വട്ടം അവനോട പൊറ്ക്കണം? ഏയ് വട്ടം മതിയാ?” ഇന്റ് കേട്ടാൻ.
22ഏശു അവനോട, “പോര ഏയ് വട്ടം പോര, ഏയ് എയ്‌പത് വട്ടം#18:22 ഏയ് എയ്‌പത് വട്ടം കണക്കില്ലാണ്ടി പൊറ്ക്കണം ഇന്റാണും ഇത് കൊണ്ട് അർത്തമാക്കന്റത് പൊറ്ക്കണം ഇന്റ് നാന് നിങ്ങളോട പേശന്റൻ” ഇന്റ് പേശിയാൻ. 23എന്തനിന്റെ മേലോകം ഈണയാണും. ഒരകാലത്ത് ഒര രാശാവ് അവന്റ വേലക്കാറ കണക്ക് പാപ്പാനിക്കി തീരമാനിച്ചാൻ. 24അവൻ കണക്ക് പാത്ത് തൊടങ്ങീപ്പൻ പതിനായരം താലന്ത്#18:24 താലന്ത് ഒര മന്ശൻ പതിനഞ്ച് വെര്ശം വേല ചെയ്ഞ്ഞെ കിട്ടന്റ കൂലിയാണും ഒര താലന്ത്. കടം കൊടപ്പാനൊള്ള ഒരത്തന അവനാട്ടക്കി എട്ത്ത് വന്താര്. 25അവന്ക്ക് തിരിച്ച് കൊടപ്പാനിക്കി ഒന്റുമില്ലാഞ്ഞ്ത്കൊണ്ട് അവന്റ ഏമാൻ അവനയം വീട്ട്കാറീനിയം കുഞ്ച്‌ലിയും അവന്ക്കൊള്ളതൊക്ക വിറ്റ് കടം തീറപ്പാനിക്കി രാശാവ് ഉത്തറവിട്ടാൻ. 26ആ വേലക്കാറൻ രാശാവ്ന്റ കാലീല് വീന്ന് കുമ്പ്ട്ട്, എന്നോട പൊറ്ക്കണം; നാന് ഒക്ക കടമം തന്ത് തീറക്കാം ഇന്റ് കെഞ്ചിക്കേട്ടാൻ. 27ഏമാന്ക്ക് വേലക്കാറനോട പാവം വന്ത് അവന്റ കടം ഇല്ലാണ്ടിയാക്കി പേശിവിട്ടാൻ.
28അവൻ അവടനെന്റ് പോവിനിക്കി അവന്ക്ക് നൂറ് വെള്ളി ഉറവായ്#18:28 വെള്ളി ഉറവായ് ഒര മന്ശൻ ഒര തെവശം വേല ചെയ്ഞ്ഞെ കിട്ടന്റ കൂലിയാണും ഒര വെള്ളി ഉറവായ് കടം കൊടപ്പാനിക്കൊള്ള ഒര കൂട്ട്‌വേലക്കാറന കണ്ടാൻ; അവൻ അവന്റ കെയ്‌ത്ത്ക്ക് പിടിച്ച് നെക്കി, “നീ എന്നാട്ട് കടം വാങ്ങിച്ച്ത് തന്തിക്കാ” ഇന്റ് പേശിയാൻ. 29ആ കൂട്ട്‌വേലക്കാറൻ, “കാലീല് വീന്ന് അവനോട എന്നോട പൊറ്ക്കണമേ; നാന് ഒക്ക തന്ത് തീറക്കാം ഇന്റ് കെഞ്ചിയാൻ. 30ഇന്റെ അവന്ക്ക് മനശില്ലാണ്ടി അവൻ കടം കെട്ടിതീറക്ക്ന്റത് വെരയം തടവിലാക്കിയാൻ. 31ഇത് അവന്റ കൂട്ട്‌വേലക്കാറ് കണ്ട് പയങ്കരമായിട്ട് തുക്കിച്ച് ഇതൊക്ക രാശാവോട പിയ്യ് പേശിയാര്. 32അപ്പിനിക്കി രാശാവ് അവന വിളിച്ച് തുട്ടനാഞ്ഞ വേലക്കാറാ നിയ്യ് എന്നോട കെഞ്ചിക്കേട്ടത് കൊണ്ട് നാന് നിന്റ കടമൊക്ക പൊറ്ത്ത് തന്തൻ. 33നാന് നിന്നോട കരണ കാട്ടീത്പേല നിക്കും നിന്റ കൂട്ട്‌വേലക്കാറനോട കരണ തോന്നണ്ടയാ?” ഇന്റ് പേശിയാൻ. 34ആണ രാശാവ്ക്ക് മൂച്ച് വന്ത് അവൻ കടം ഒക്ക കൊട്ത്ത് തീറക്കന്റത് വെരയം ശിച്ചകൊടപ്പാനിക്കി തടവിലാക്കിയാൻ.
35“നിങ്ങ ഓരോരത്തനം മനശ് തൊറന്ന് ഏവനോടീലും പൊറ്ക്കാണ്ടിയിരന്നെ മേലോകത്തീലൊള്ള എന്റ അപ്പൻ രാശാവ് ചെയ്ഞ്ഞത് പേല നിങ്ങളോടയും പൊറ്ക്ക്ത്ത്ല.”
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
© New Life Literature