ՂԵՒՏԱԿԱՆ Գլուխ ԺԴ
Գլուխ ԺԴ
1 Խօսեցաւ Տէր ընդ Մովսիսի եւ ասէ. 2Այս օրէն եղիցի բորոտի յաւուր յորում սրբեսցի. Ածցի առ քահանայն. 3Եւ ելցէ քահանայն արտաքոյ բանակին, եւ տեսանիցէ քահանայն. եւ ահա բժշկեալ իցէ արած բորոտութեանն ի բորոտէ անտի, 4հրաման տացէ քահանայն, եւ առցեն ի սրբելոյն երկուս հաւս կենդանիս սուրբս, եւ փայտ եղեւնեայ եւ #14։4 Եբր. որդան կարմիրկարմիր մանեալ՝ եւ զոպա։ 5Եւ հրաման տացէ քահանայն, եւ սպանցեն զմի հաւն յանօթ խեցեղէն ի վերայ ջրոյ կենդանւոյ։ 6Եւ զհաւն կենդանի առցէ, եւ զփայտն եղեւնեայ եւ #14։6 Եբր. զորդան կարմիրնզկարմիրն մանեալ՝՝ եւ զզոպայն, եւ թացցէ զնոսա եւ զհաւն կենդանի յարիւն հաւուն սպանելոյ ի վերայ ջրոյն կենդանւոյ։ 7Եւ ցանեսցէ ի վերայ սրբելոյն ի բորոտութենէ եւթն անգամ, եւ սրբեսցէ զնա. եւ արձակեսցէ զհաւն կենդանի ի դաշտ։ 8Եւ լուասցէ #14։8 Եբր. որ սրբինսրբեալն զձորձս իւր, եւ գերծցէ զամենայն զմազ իւր, եւ լուասցի ջրով եւ սուրբ լիցի. եւ ապա մտցէ ի բանակն, եւ լիցի արտաքոյ տան իւրոյ զեւթն օր։ 9Եւ յաւուրն եւթներորդի գերծցէ զամենայն զմազ իւր եւ զգլուխ եւ զմօրուս եւ զյօնս, եւ զամենայն զմազ իւր գերծցէ. եւ ողողեսցէ զհանդերձս իւր, եւ լուասցէ զմարմին իւր ջրով, եւ սուրբ լիցի։
10Եւ յաւուրն ութերորդի առցէ երկուս գառինս անարատս #14։10 ՅԵբր. պակասէտարեւորս, եւ որոջ մի անարատ տարեւոր, եւ երիս տասանորդս նաշհոյ ի զոհ իւղով զանգեալ, եւ ճաշակ մի իւղոյ։ 11Եւ կացուսցէ քահանայն որ սրբիցէ՝ զայրն որ սրբիցի, եւ #14։11 Եբր. զնոսա առաջի Տեառն ի դրանզայն՝ առաջի՝՝ խորանին վկայութեան։ 12Եւ առցէ քահանայն զմի գառնն, եւ մատուսցէ զնա վասն յանցանաց, եւ զճաշակն իւղոյ, եւ #14։12 Եբր. երերեսցէ զնոսա երերումննուիրեսցէ զայն նուէր՝՝ առաջի Տեառն։ 13Եւ սպանցէ զգառնն #14։13 ՅԵբր. պակասէզմեւս ի տեղւոջն ուր սպանանիցեն զողջակէզն եւ զվասն մեղացն ի սուրբ տեղւոջ. զի որպէս որ վասն մեղացն իցէ, նոյնպէս եւ որ վասն յանցանացն իցէ, եւ եղիցի քահանային. զի սրբութիւն սրբութեանց է։ 14Եւ առցէ քահանայն յարենէ այնր որ վասն յանցանացն իցէ, եւ դիցէ քահանայն յարենէ անտի ի վերայ բլթակի աջոյ ունկան այնորիկ որ սրբիցին, եւ ի վերայ #14։14 Եբր. բութոյծայրի աջոյ ձեռին նորա եւ ի վերայ #14։14 Եբր. բութոյծայրի ոտին նորա աջոյ։ 15Եւ առեալ քահանային ի ճաշակէ անտի իւղոյ՝ արկցէ ի ձախոյ ձեռն քահանային։ 16Եւ թացցէ քահանայն զմատն իւր աջոյ յիւղոյ անտի որ իցէ ի ձեռին իւրում ձախոյ, եւ ցանեսցէ մատամբ իւրով եւթն անգամ առաջի Տեառն։ 17Եւ զմնացեալ եւղն ի ձեռին իւրում՝ դիցէ քահանայն ի վերայ բլթակի աջոյ ունկան այնորիկ որ սրբելոցն իցէ, եւ #14։17 Եբր. ի բութիի ծայրի աջոյ ձեռին նորա, եւ #14։17 Եբր. ի բութիի ծայրի աջոյ ոտին նորա, ի տեղւոջ արեանն յանցանաց։ 18Եւ զմնացեալ եւղն ի ձեռին քահանային՝ դիցէ քահանայն ի վերայ գլխոյ սրբեցելոյն, եւ քաւեսցէ վասն նորա քահանայն առաջի Տեառն։ 19Եւ արասցէ քահանայն զվասն մեղացն, եւ քաւեսցէ քահանայն վասն այնորիկ որ սրբելոցն իցէ ի մեղաց իւրոց, եւ ապա սպանցէ քահանայն զողջակէզն։ 20Եւ հանցէ քահանայն զողջակէզն եւ զզոհն #14։20 ՅԵբր. պակասէառաջի Տեառն՝՝ ի սեղանն, եւ քաւեսցէ վասն նորա քահանայն, եւ սրբեսցի։
21Եւ եթէ աղքատ իցէ եւ չգտանիցէ ձեռն իւր, առցէ գառն մի վասն յանցանաց #14։21 Եբր. յերերումնզոր յանցեաւ ի նուէր՝՝ ի քաւելոյ վասն նորա, եւ զտասանորդ նաշհոյ իւղով զանգեալ ի զոհ, եւ ճաշակ մի իւղոյ. 22եւ երկուս տատրակս կամ երկուս ձագս աղաւնեաց, որչափ ինչ եգիտ ձեռն նորա, եւ եղիցի մին վասն մեղաց, եւ մին յողջակէզ։ 23Եւ տարցի զայն յաւուրն ութերորդի առ քահանայն, առ ի սրբելոյ զնա առ դրան խորանին վկայութեան առաջի Տեառն։ 24Եւ առեալ քահանային զգառնն զվասն յանցանաց, եւ զճաշակն իւղոյ, եւ #14։24 Եբր. երերեսցէ զնոսա քահանայն յերերումնդիցէ նուէր՝՝ առաջի Տեառն։ 25Եւ սպանցէ զգառնն զվասն յանցանաց, եւ առցէ քահանայն յարենէ անտի՝ որ վասն յանցանացն իցէ, եւ դիցէ ի վերայ բլթակի աջոյ ունկան սրբեցելոյն, եւ #14։25 Եբր. ի բութիի ծայրի աջոյ ձեռին նորա, եւ #14։25 Եբր. ի բութիի ծայրի աջոյ ոտին նորա։ 26Եւ յիւղոյ անտի արկցէ քահանայն ի ձախոյ ձեռն քահանային։ 27Եւ ցանեսցէ քահանայն մատամբն աջոյ յիւղոյ անտի որ իցէ ի ձախոյ ձեռին իւրում՝ եւթն անգամ առաջի Տեառն։ 28Եւ դիցէ քահանայն յիւղոյ անտի որ իցէ ի ձեռին իւրում ի վերայ բլթակի աջոյ ունկան սրբեցելոյն, եւ ի վերայ #14։28 Եբր. բութոյծայրի աջոյ ձեռին նորա, եւ ի վերայ #14։28 Եբր. բութոյծայրի աջոյ ոտին նորա, ի տեղւոջ արեանն որ վասն յանցանացն իցէ։ 29Եւ զմնացեալ եւղն որ իցէ ի ձեռին քահանային՝ արկցէ ի գլուխ սրբեցելոյն, եւ քաւեսցէ վասն նորա քահանայն առաջի Տեառն։ 30Եւ արասցէ զմի ի տատրակաց անտի կամ ի ձագուցն աղաւնեաց՝ ըստ ընչին զոր եգիտ ձեռն իւր, 31զմին՝ վասն մեղաց, եւ զմին յողջակէզ հանդերձ զոհիւն. եւ քաւեսցէ քահանայն վասն սրբեցելոյն առաջի Տեառն։ 32Այս օրէն իցէ յորում իցէ արած բորոտութեան, եւ ոյր ոչ գտանիցի ի ձեռին բաւական լինելոյ ի սրբութիւն իւր։
33Խօսեցաւ Տէր ընդ Մովսիսի եւ ընդ Ահարոնի եւ ասէ. 34Յորժամ մտանիցէք յերկիրն Քանանացւոց զոր ես տաց ձեզ ի ստացուած, եւ տայցեմ արած բորոտութեան ի տունս երկրին ստացուածոյ ձերոյ, 35եւ գայցէ որոյ տունն իցէ, եւ պատմիցէ քահանային եւ ասիցէ, եթէ Արած իմն երեւեցաւ ի տան իմում։ 36Հրաման տացէ քահանայն թափել զտունն, մինչչեւ մտեալ իցէ քահանային տեսանել զտունն, եւ մի՛ պղծեսցէ զամենայն ինչ որ ի տանն կայցէ. եւ ապա մտցէ քահանայն սրոնել զտունն։ 37Եւ տեսանիցէ քահանայն զարածն յորմս տանն, զնստագոյնս, կանաչս կամ կարմրացեալս, եւ տեսիլ նորա զնստագոյն իցէ քան զորմոցն, 38եւ ելեալ քահանայն ի տանէ անտի ի դուռն տանն, զատուսցէ քահանայն զտունն զեւթն օր։ 39Եւ եկեսցէ դարձեալ քահանայն յաւուրն եւթներորդի, եւ տեսանիցէ զտունն. եթէ սփռեալ իցէ արածն ընդ որմս տանն, 40հրաման տացէ քահանայն, եւ քակեսցեն զքարինսն յորս արածն իցէ, եւ հանցեն զնոսա արտաքոյ քաղաքին ի տեղի անսուրբ։ 41Եւ քերեսցեն զտունն ի ներքոյ շուրջանակի, եւ հեղցեն զքերուածն արտաքոյ քաղաքին ի տեղի անսուրբ։ 42Եւ առցեն այլ քարինս #14։42 ՅԵբր. պակասէքերածոյս, եւ դիցեն փոխանակ այնց քարանց, եւ այլ հող առցեն եւ ծեփեսցեն զտունն։ 43Եւ եթէ անդրէն կրկնեսցի արածն, եւ երեւեսցի ի տանն՝ յետ զքարինսն քակելոյ եւ զտունն քերելոյ եւ #14։43 ՅԵբր. պակասէմիւսանգամ ծեփելոյ, 44մտցէ քահանայն եւ տեսցէ, եթէ սփռեալ իցէ արածն ընդ տունն, #14։44 Եբր. զայրացեալբնակ բորոտութիւն է ի տանն, պիղծ է։ 45Քակեսցեն զտունն եւ զփայտ նորա եւ զքարինս նորա եւ զամենայն հող տանն, եւ հանցեն արտաքոյ քաղաքին ի տեղի անսուրբ։ 46Եւ որ մտանիցէ ի տունն զամենայն աւուրս զատանելոյ նորա, պիղծ լիցի մինչեւ ցերեկոյ։ 47Եւ որ ննջիցէ ի տան անդ՝ լուասցէ զձորձս իւր, #14։47 ՅԵբր. պակասէեւ պիղծ լիցի մինչեւ ցերեկոյ.՝՝ եւ որ կերիցէ ի տանն՝ լուասցէ զձորձս իւր, #14։47 ՅԵբր. պակասէեւ պիղծ լիցի մինչեւ ցերեկոյ։՝՝ 48Եւ եթէ եկեալ մտանիցէ քահանայն եւ տեսանիցէ, եւ ահա չիցէ սփռեալ արածն ընդ տունն յետ ծեփելոյ զտունն, սրբեսցէ քահանայն զտունն, զի բժշկեցաւ արածն։ 49Եւ առցէ առ ի սրբելոյ զտունն երկուս հաւս #14։49 ՅԵբր. պակասէկենդանիս սուրբս՝՝, եւ փայտ եղեւնեայ եւ #14։49 Եբր. որդան կարմիրկարմիր մանեալ՝՝ եւ զոպայ։ 50Եւ սպանցէ զմի հաւն յաման խեցեղէն ի վերայ ջրոյ կենդանւոյ։ 51Եւ առցէ զփայտն եղեւնեայ եւ #14։51 Եբր. զորդան կարմիրնզկարմիրն մանեալ՝՝ եւ զզոպայն եւ զհաւն կենդանի, եւ թացցէ զնոսա յարեան հաւուն սպանելոյ եւ ի վերայ ջրոյ կենդանւոյ, եւ ցանեսցէ նոքօք զտամբն եւթն անգամ. 52եւ սրբեսցէ զտունն արեամբ հաւուն եւ ջրովն կենդանեաւ եւ հաւուն կենդանեաւ եւ փայտիւն եղեւնեաւ եւ զոպայիւն եւ #14։52 Եբր. որդան կարմրովնկարմրովն մանելով՝՝. 53եւ արձակեսցէ զհաւն կենդանի արտաքոյ քաղաքին ի դաշտ, եւ քաւեսցէ վասն տանն, եւ մաքրեսցի #14։53 ՅԵբր. պակասէեւ սուրբ եղիցի՝՝։ 54Այս օրէն լիցի ըստ ամենայն արածոյ բորոտութեան եւ հարածի, 55եւ բորոտութեան հանդերձի եւ տան, 56եւ սպւոյ եւ պալարի եւ պաղպաջոյ։ 57Նշանակելոյ թէ յորում աւուր պղծիցի եւ յորում աւուր սրբիցի, այս օրէն լիցի բորոտութեան։
Trenutno izbrano:
ՂԵՒՏԱԿԱՆ Գլուխ ԺԴ: ԳՐԲ1895
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Հայաստանի Աստվածաշնչային Ընկերություն, 2018
Bible Society of Armenia, 2018