Néhɔ̃̀ 3
3
1Bounɓoɔ̀ mu m̀ gǎ kɔ̃ tòùno, Nínívà-hwɔ̀ɖɔ̀ wè,
mɔ̀ kɔ̃̀ mú ɓɛ́ nyɔmɔɔ-dyi-wáɖáìn-wáɖáìn kè se-tɔ́mɔ́-tɔ́mɔ́ ɔ kè to-gbo-zà-ɖɛ̀ dyíà kɛ.
2Tò ɖùǔ, kà sǒ ɓěɔ̀ ɓàɖàìn-ɓà-cù jĩ̌ kè hwíì-sǒ ɓěɔ̀ jĩ̌ ɔ kè sǒ ɓěɔ̀ nà-ɓòɛ̀ jĩ̌ nì dyiɛń nyɛ.
3Nì mú-nyɛ́-nyɔ̀ ɓěɔ̀ sójà ɓěɔ̀ nì waà sǒ ɓě gbɔí ɓaɖauń, ɓɛ́ wa ké fṹà.
Waà gàsíà ɓě kè ɖí ɓě nì wànà-wànà nyuɛń.
Nyɔ ɓě ɓɛ́ wa ɖǎ toɔ̀ sèɛɛ xwɛ́-kòò ɓěɔ̀ ɓéɖé gbǒeɛ̌n.
Xwɛ́ se zɛɖɛɛ ɓɛ́ìn.
Nyɔ ɓě nì xwɛ́ ɓěɔ̀ kɔ̃in wã̀ǐn.
4Bounɓoɔ̀ mu m̀ gǎ kɔ̃ tòùno, Nínívà-hwɔ̀ɖɔ̀ wè, mɔ̀ hwɔìn kà gbàɖàùn-màà kɛ.
M̀ nɔ̀mɔ̀ìn dyéɖéín dyíin, kɛɛ gĩɔ-cɛ̃́-ɖɛ̀ ɓě dyí m̀ mú.
M̀ nyùìn nì kũùnɔ̀ kũ̀à mú,
ɓɛ́ m̀ ké ɓóɖó-dù ɓě jiɖi, ɓɛ́ m̀ ké wa gǐì mú nyu.
5Bounɓo mɔ̀ nyɔ nìà ɖɛ séín kɔ̃in nyɛɛ ɖá,
“Ní mu m̀ gǎ kɔ̃ tòùno, Nínívà-hwɔ̀ɖɔ̀ wè.
Ní mu m̀ gbɔ fɔ̀nɔ̀ìn,
ɓɛ́ ɓóɖó-dù ɓěɔ̀ ké m̀ dyé ɖé nì dɛ̃-ɖɛ̀ séín ɓěɔ̀ mú.
6Ní mu m̀ zɛ̀nɛ̌-ɖɛ̀ ɓě dya wáɖáùn.
Ní mu m̀ zùǔn zàìn,
ké nì mu dyɔ́-cù jǔùn.
7Ké nyɔ séín mu m̀ dyéìn nyɛɛ, wa mu dyúa xwáɖáún pòìn,
ké wa mu níiń, ‘Nínívà-hwɔ̀ɖɔ̀ɔ̀ ɖǎ wáɖá.
Nyɛ́ mu ɔ vĩ̌ìn nyɛ́?
Nyɛ́ ɓéɖé ti ɓɛ́ wa ké ɔ hwòɖǒ dyi dèɛ́?’ ”
8Nínívà-hwɔ̀ɖɔ̀ wè, nì hwòɖǒ ɖá m̀ kpa ɖɛ ké m̀ zi Téɓè-hwɔ̀ɖɔ̀ mɔ̀à Íjè-ɓòɖòɔ̀ dìɓà-hwɔ̀ɖɔ̀ɔ̀ kɛɛ dyíì? Náà-nì vɛ̀nɛ̀ɔ̀ zĩ̀ìn ma ɔ dyí. 9Ɔ kɔ̃̀ ma Kúsì-ɓòɖòɔ̀ kè Íjè-ɓòɖòɔ̀ wuɖuí, ké Pútì-ɓòɖòɔ̀ kè Ɖéɓìà-ɓòɖòɔ̀ kpá ma Téɓè-hwɔ̀ɖɔ̀ɔ̀ gbo ɖekè. 10Kɛɛ wɛ̃́ɛ́ kɛɛ, wa dyà ma hwɔɖɔɔ̀ to kɔ̃, ké wa kpa ɔ nyɔ ɓěɔ̀, ɓɛ́ wa ké toɛ̀-kpɔ̃-nyɔ̀ ɓě jǔ. Wa wàìn ma waà dyú ɓěɔ̀ dyi ɖé hwɔɖɔɔ̀ gboi hwìè ɓěɔ̀ gba. Wa po ma Téɓè-hwɔ̀ɖɔ̀ɔ̀ nyɔ vɛ̀nɛ̀ ɓěɔ̀ dyɔ̀ɔ̌ mú, ké wa geìn ma wa xwaún dyi dyììn ɖé gbo-ɖàɓàìn-ɖɛ̀ mú, ké wa kpa wa, ɓɛ́ wa ké ma toɛ̀-kpɔ̃-nyɔ̀ ɓě jǔ.
11Nínívà-nyɔ̀ ɓě, ɓě mɔ̀ùn mu dyi ɓuɖuìn kà nɔmɔɔ-nyu-nyɔ̀ ɓuɖuàìn dyiɛ. Ɓě mɔ̀ùn mu ɓěɛ̀ mú-nyɛ́-nyɔ̀ ɓěɔ̀ dyúa gbǔùn, ɓɛ́ ɓě ké vǐè-naín dyi mɔ́ ɖekè. 12Ɓěɛ̀ to-pèɖèìn-naín séín ɓěɔ̀ mu nììn kà féè-cù tòɖò-tòɖò ɓɛ́ ɔ ɖǎ boɛɛ nìà kɛ. Ti ɔ ɖi-nyɔ̀ ɓěɔ̀ dyi ké wa túò cuɔ̀ dyi nyɛ̀nɛ̀ɛ̀ kɛɛ, nìí, ɔ ɓo bo-boɔ̀ kpá wa wɔ̃ún nyɛ̀nɛ̀ɛ̀. 13Gmɔ̀ nɔ̄, ɓěɛ̀ sójà ɓěɔ̀ se hwòɖǒ ku ɖe. Wa nì kà màa ɓě nìà kɛ. Ɓěɛ̀ ɓóɖóɔ̀ se ɔ mìɔùn kɔ̃in vɔ̃̀ìn ɓɛ́ìn ɖe. Ké nyɛ mu ɓěɛ̀ gmɔ-wɔ̃̀ ɓěɔ̀ kè waà gbǎìn-ɖɛ̀ ɓěɔ̀ ɓó dyi fɔ̃ùn séín nyɛ̀nɛ̀ɛ̀. 14Ɓě hwùɖǔ ní nɔ̀ɔ̀, hwɛ̀ ɓɛ́ wa ké ɓěɛ̀ hwɔɖɔɔ̀ kpɔ̃. Ɓě kùìn ɓěɛ̀ to-pèɖèìn-naín ɓěɔ̀ dyi kóɖó-kóɖó. Ɓě ɖu mɛɔ̀ biì mú, ɓɛ́ ɔ ké nìɛ̀-nìɛ̀ nì, ɓɛ́ ɓě ké bèɖěkè-gbɔ̀ɖɔ̀ɔ̀ dyà, ɓɛ́ ɓě ké bèɖěkè mɛ. 15Kɛɛ nyɛ mu ɖé ɓě dyi fɔ̃ùn nyɛ̀nɛ̀ɛ̀, mɔɔ gàsíà mu ɓě ɖáɓáùn nyɛ̀nɛ̀ɛ̀. Ɓěɛ̀ mú-nyɛ́-nyɔ̀ ɓěɔ̀ mu ɓó ɓě dyi sámáùn kà kpã̌ùn ɓɛà ɓáá-ɖɛ̀ ɓó dà ɖò dyiɛ. Ɓě zaìn dúún kà kpã̌ùn nyuà kɛ. 16Ɓěɛ̀ ɖɛ-peɖe-nyɔ̀ ɓěɔ̀ ɖǎ dyí vò, ké wa ɖǎ dɛ̀nɛ̀ mɛ́nɛ́ɛ́ ɓě nìà dyɔɔ̀ dyíɛɛ dyí zi. Kɛɛ ɓó kàǔn wɛ̃ɛ, wa séín ɖǎ muɛ hwɛ̀. Ɔ hwɔìn kà kpã̌ùn kúɖúú ɓě ɓɛ́ wa ɓɛà ɓáá-ɖɛ̀ ɓěɔ̀, ké wa wãà kɛ. 17Ɓěɛ̀ gɔ̌mànà-nyɔ̀ ɓěɔ̀ nì kà kpã̌ùn-tò nìà kɛ. Wa koìn ɓó gmɔ ɓěɔ̀ kɔ̃ dyi ɓó wé kɔ̃̀ ɓaɖa sɔ̃̀ɔ̀ nì dyiɛń nyɛ. Kɛɛ ti ɓɛ́ dyóɖóɔ̀ ku wɔ̃ nyɛ̀nɛ̀ɛ̀ kɛɛ ní, wa wã nyɛ̀nɛ̀ɛ̀, ké nyɔ ɖò se dɛ̀ wa ké mùìn nyɛɛ dyuò.
18Mɔ̀ mɔ̀à Àsíwíɖíà-ɓòɖòɔ̀ kã́á kɛɛ, nì gɔ̌mànà-nyɔ̀ ɓěɔ̀ kè nì nyɔ kpa ɖɛ ɓěɔ̀ ɖǎ mɛ́. Nì nyɔ ɓěɔ̀ ɖǎ dyi gbɛ̀ìn ɖé toɖo ɓěɔ̀ dya, ké nyɔ ɖò se nì ɓɛ́ ɔ ké wa taún dyà ɖe. 19Nì puà-bɛ̃̀ ɓě mɔ̀à jě ɓěɔ̀ kɛɛ se kũùn ɖò kɔ̃̀. Nyɔ kã̀ìn séín ɓɛ́ wa wɔ̃́ nì mú-gbɔɔ̀-jèɔ̀ kɛɛ, kpá múàǔn, ké wa ɓaɖa xwa-gbàǎ. Ti mɔ̀ùn nì ma kà nììn hwòɖǒ-kɔ̃in-nyìnììn-ɖɛ̀ ɓěɔ̀ nyuɛń nyɛɛ, nyɛ́ pó ma m̀ xwaún wɛ̃́?
Trenutno izbrano:
Néhɔ̃̀ 3: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Néhɔ̃̀ 3
3
1Bounɓoɔ̀ mu m̀ gǎ kɔ̃ tòùno, Nínívà-hwɔ̀ɖɔ̀ wè,
mɔ̀ kɔ̃̀ mú ɓɛ́ nyɔmɔɔ-dyi-wáɖáìn-wáɖáìn kè se-tɔ́mɔ́-tɔ́mɔ́ ɔ kè to-gbo-zà-ɖɛ̀ dyíà kɛ.
2Tò ɖùǔ, kà sǒ ɓěɔ̀ ɓàɖàìn-ɓà-cù jĩ̌ kè hwíì-sǒ ɓěɔ̀ jĩ̌ ɔ kè sǒ ɓěɔ̀ nà-ɓòɛ̀ jĩ̌ nì dyiɛń nyɛ.
3Nì mú-nyɛ́-nyɔ̀ ɓěɔ̀ sójà ɓěɔ̀ nì waà sǒ ɓě gbɔí ɓaɖauń, ɓɛ́ wa ké fṹà.
Waà gàsíà ɓě kè ɖí ɓě nì wànà-wànà nyuɛń.
Nyɔ ɓě ɓɛ́ wa ɖǎ toɔ̀ sèɛɛ xwɛ́-kòò ɓěɔ̀ ɓéɖé gbǒeɛ̌n.
Xwɛ́ se zɛɖɛɛ ɓɛ́ìn.
Nyɔ ɓě nì xwɛ́ ɓěɔ̀ kɔ̃in wã̀ǐn.
4Bounɓoɔ̀ mu m̀ gǎ kɔ̃ tòùno, Nínívà-hwɔ̀ɖɔ̀ wè, mɔ̀ hwɔìn kà gbàɖàùn-màà kɛ.
M̀ nɔ̀mɔ̀ìn dyéɖéín dyíin, kɛɛ gĩɔ-cɛ̃́-ɖɛ̀ ɓě dyí m̀ mú.
M̀ nyùìn nì kũùnɔ̀ kũ̀à mú,
ɓɛ́ m̀ ké ɓóɖó-dù ɓě jiɖi, ɓɛ́ m̀ ké wa gǐì mú nyu.
5Bounɓo mɔ̀ nyɔ nìà ɖɛ séín kɔ̃in nyɛɛ ɖá,
“Ní mu m̀ gǎ kɔ̃ tòùno, Nínívà-hwɔ̀ɖɔ̀ wè.
Ní mu m̀ gbɔ fɔ̀nɔ̀ìn,
ɓɛ́ ɓóɖó-dù ɓěɔ̀ ké m̀ dyé ɖé nì dɛ̃-ɖɛ̀ séín ɓěɔ̀ mú.
6Ní mu m̀ zɛ̀nɛ̌-ɖɛ̀ ɓě dya wáɖáùn.
Ní mu m̀ zùǔn zàìn,
ké nì mu dyɔ́-cù jǔùn.
7Ké nyɔ séín mu m̀ dyéìn nyɛɛ, wa mu dyúa xwáɖáún pòìn,
ké wa mu níiń, ‘Nínívà-hwɔ̀ɖɔ̀ɔ̀ ɖǎ wáɖá.
Nyɛ́ mu ɔ vĩ̌ìn nyɛ́?
Nyɛ́ ɓéɖé ti ɓɛ́ wa ké ɔ hwòɖǒ dyi dèɛ́?’ ”
8Nínívà-hwɔ̀ɖɔ̀ wè, nì hwòɖǒ ɖá m̀ kpa ɖɛ ké m̀ zi Téɓè-hwɔ̀ɖɔ̀ mɔ̀à Íjè-ɓòɖòɔ̀ dìɓà-hwɔ̀ɖɔ̀ɔ̀ kɛɛ dyíì? Náà-nì vɛ̀nɛ̀ɔ̀ zĩ̀ìn ma ɔ dyí. 9Ɔ kɔ̃̀ ma Kúsì-ɓòɖòɔ̀ kè Íjè-ɓòɖòɔ̀ wuɖuí, ké Pútì-ɓòɖòɔ̀ kè Ɖéɓìà-ɓòɖòɔ̀ kpá ma Téɓè-hwɔ̀ɖɔ̀ɔ̀ gbo ɖekè. 10Kɛɛ wɛ̃́ɛ́ kɛɛ, wa dyà ma hwɔɖɔɔ̀ to kɔ̃, ké wa kpa ɔ nyɔ ɓěɔ̀, ɓɛ́ wa ké toɛ̀-kpɔ̃-nyɔ̀ ɓě jǔ. Wa wàìn ma waà dyú ɓěɔ̀ dyi ɖé hwɔɖɔɔ̀ gboi hwìè ɓěɔ̀ gba. Wa po ma Téɓè-hwɔ̀ɖɔ̀ɔ̀ nyɔ vɛ̀nɛ̀ ɓěɔ̀ dyɔ̀ɔ̌ mú, ké wa geìn ma wa xwaún dyi dyììn ɖé gbo-ɖàɓàìn-ɖɛ̀ mú, ké wa kpa wa, ɓɛ́ wa ké ma toɛ̀-kpɔ̃-nyɔ̀ ɓě jǔ.
11Nínívà-nyɔ̀ ɓě, ɓě mɔ̀ùn mu dyi ɓuɖuìn kà nɔmɔɔ-nyu-nyɔ̀ ɓuɖuàìn dyiɛ. Ɓě mɔ̀ùn mu ɓěɛ̀ mú-nyɛ́-nyɔ̀ ɓěɔ̀ dyúa gbǔùn, ɓɛ́ ɓě ké vǐè-naín dyi mɔ́ ɖekè. 12Ɓěɛ̀ to-pèɖèìn-naín séín ɓěɔ̀ mu nììn kà féè-cù tòɖò-tòɖò ɓɛ́ ɔ ɖǎ boɛɛ nìà kɛ. Ti ɔ ɖi-nyɔ̀ ɓěɔ̀ dyi ké wa túò cuɔ̀ dyi nyɛ̀nɛ̀ɛ̀ kɛɛ, nìí, ɔ ɓo bo-boɔ̀ kpá wa wɔ̃ún nyɛ̀nɛ̀ɛ̀. 13Gmɔ̀ nɔ̄, ɓěɛ̀ sójà ɓěɔ̀ se hwòɖǒ ku ɖe. Wa nì kà màa ɓě nìà kɛ. Ɓěɛ̀ ɓóɖóɔ̀ se ɔ mìɔùn kɔ̃in vɔ̃̀ìn ɓɛ́ìn ɖe. Ké nyɛ mu ɓěɛ̀ gmɔ-wɔ̃̀ ɓěɔ̀ kè waà gbǎìn-ɖɛ̀ ɓěɔ̀ ɓó dyi fɔ̃ùn séín nyɛ̀nɛ̀ɛ̀. 14Ɓě hwùɖǔ ní nɔ̀ɔ̀, hwɛ̀ ɓɛ́ wa ké ɓěɛ̀ hwɔɖɔɔ̀ kpɔ̃. Ɓě kùìn ɓěɛ̀ to-pèɖèìn-naín ɓěɔ̀ dyi kóɖó-kóɖó. Ɓě ɖu mɛɔ̀ biì mú, ɓɛ́ ɔ ké nìɛ̀-nìɛ̀ nì, ɓɛ́ ɓě ké bèɖěkè-gbɔ̀ɖɔ̀ɔ̀ dyà, ɓɛ́ ɓě ké bèɖěkè mɛ. 15Kɛɛ nyɛ mu ɖé ɓě dyi fɔ̃ùn nyɛ̀nɛ̀ɛ̀, mɔɔ gàsíà mu ɓě ɖáɓáùn nyɛ̀nɛ̀ɛ̀. Ɓěɛ̀ mú-nyɛ́-nyɔ̀ ɓěɔ̀ mu ɓó ɓě dyi sámáùn kà kpã̌ùn ɓɛà ɓáá-ɖɛ̀ ɓó dà ɖò dyiɛ. Ɓě zaìn dúún kà kpã̌ùn nyuà kɛ. 16Ɓěɛ̀ ɖɛ-peɖe-nyɔ̀ ɓěɔ̀ ɖǎ dyí vò, ké wa ɖǎ dɛ̀nɛ̀ mɛ́nɛ́ɛ́ ɓě nìà dyɔɔ̀ dyíɛɛ dyí zi. Kɛɛ ɓó kàǔn wɛ̃ɛ, wa séín ɖǎ muɛ hwɛ̀. Ɔ hwɔìn kà kpã̌ùn kúɖúú ɓě ɓɛ́ wa ɓɛà ɓáá-ɖɛ̀ ɓěɔ̀, ké wa wãà kɛ. 17Ɓěɛ̀ gɔ̌mànà-nyɔ̀ ɓěɔ̀ nì kà kpã̌ùn-tò nìà kɛ. Wa koìn ɓó gmɔ ɓěɔ̀ kɔ̃ dyi ɓó wé kɔ̃̀ ɓaɖa sɔ̃̀ɔ̀ nì dyiɛń nyɛ. Kɛɛ ti ɓɛ́ dyóɖóɔ̀ ku wɔ̃ nyɛ̀nɛ̀ɛ̀ kɛɛ ní, wa wã nyɛ̀nɛ̀ɛ̀, ké nyɔ ɖò se dɛ̀ wa ké mùìn nyɛɛ dyuò.
18Mɔ̀ mɔ̀à Àsíwíɖíà-ɓòɖòɔ̀ kã́á kɛɛ, nì gɔ̌mànà-nyɔ̀ ɓěɔ̀ kè nì nyɔ kpa ɖɛ ɓěɔ̀ ɖǎ mɛ́. Nì nyɔ ɓěɔ̀ ɖǎ dyi gbɛ̀ìn ɖé toɖo ɓěɔ̀ dya, ké nyɔ ɖò se nì ɓɛ́ ɔ ké wa taún dyà ɖe. 19Nì puà-bɛ̃̀ ɓě mɔ̀à jě ɓěɔ̀ kɛɛ se kũùn ɖò kɔ̃̀. Nyɔ kã̀ìn séín ɓɛ́ wa wɔ̃́ nì mú-gbɔɔ̀-jèɔ̀ kɛɛ, kpá múàǔn, ké wa ɓaɖa xwa-gbàǎ. Ti mɔ̀ùn nì ma kà nììn hwòɖǒ-kɔ̃in-nyìnììn-ɖɛ̀ ɓěɔ̀ nyuɛń nyɛɛ, nyɛ́ pó ma m̀ xwaún wɛ̃́?
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.