Máɖékà 2
2
1Ké Bounɓo mɔ̀ nyɔ nìà ɖɛ séín kɔ̃in nyɛɛ cɛ̃ɛ ma sáa-zà-nyɔ̀ ɓěɔ̀ gbo ɖe, ké ɔ ɖá, “Wuɖu nìà kɛ dyi ɓě gbo. 2Wuɖuɔ̀ mɔ̀, ɓě mɛ dè ḿ dya. Ɔ jǔ ké ɓě se ní wuɖuɔ̀ ɖùǔ gbo tò, ɓɛ́ ɓě kéɛ dyi kpɔ̃ ní, nìí, ní mu ɓě gboò-wùɖù kɔ̃ tòùn. Ní mu ɓě gboò-wùɖù kɔ̃ poùn, ké ɔ se mana ɖe. Ḿ ɖǎ ɓě gboò nɔ̀ɔ̀, sepóɛɖé ɓě se ní wuɖuɔ̀ dyi kpɔ̃. 3Gmɔ̀ nɔ̄, ní mu ɓěɛ̀ xwíníín-dyù ɓěɔ̀ gǎ kɔ̃ tòùn. Ké ní mu nyúà-ɖɛ̀ ɓě ɓɛ́ ɓě zàìn sáa kɛɛ xwáɖáún-kpa-ɖɛ̀ ɓěɔ̀ ɓě dyúa dyi fièìn, ké wa mu ɓě kè wa kè xwáɖáún kpaùn.#2:3 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 4Ɔ mu ná nììn, ɓɛ́ ɓě kéɛ dyuò kà mɔ̄ mɔ̀ nyɔ tò ɓě wuɖu nìà kɛ gboɛ, nìí ɓɛ́ dèè-wùɖù nìǒ zɔ̃̌ɔ̀ kà ɓó ḿ kè ɓě mɔ̀ Ɖíìváà-nyɔ̀ ɓěɔ̀ ɓǎ nììn ɓǎ ɓěɔ̀ pṹa kɛɛ ké nì kánáá pū. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.
5“Ní dèè-wùɖù nìà ɓó wa gboɛɛ ɓá fɛ̀ɛ̀ kè gìɖìǐ ɓɛ́ ḿ nyí zɔ̃̌ɔ̀ kà wa kɛɛ jè dyí. Ḿ nyí ma wa fɛ̀ɛ̀ kè gìɖìǐ, nìí ɓɛ́ wa ké ḿ kpéín dyé, ké wa dyé ma ḿ kpéín jǎà jɛ́ɛ́, ké wa dè ma ḿ dya. 6Tɛ̀mɛ̀ìn-ɖɛ̀ sɛ́ɖɛ́ìn dyí nì ma wa wĩín, ké ɖɛ gbà ɖò se ma wa wĩín nì. Wa cĩ́ ma ɓó ḿ dyúa ɖé gìɖìǐ kè dyí-sɛ́ɖɛ́ìn-sɛ́ɖɛ́ìn mú, ké wa nyuɛ ké nyɔ ɓáún-ɓáún táà ma ɖɛ-gbà-nyu-nyu dyi. 7Fɔ̀nɔ̀-hwòɖǒ-wùɖù mɔ̀ ɖɛ ɓéɖé ɔ ké sáa-zà-nyɔ̀ɔ̀ wĩín sɔ̀ kánáá pū, ké nyɔǔn-dyù ɓéɖé wa ké tɛ̀mɛ̀ìn-ɖɛ̀ sɛ́ɖɛ́ìn dyí dyé sɔ̀ìn ɖé ɔ wĩín, sepóɛɖé ɔ mɔ̀ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ kíá.
8“Kɛɛ ɓě mɔ̀ùn seɛ náa nyu. Ɓě ɖǎ hwìèɔ̀ dyí sɔ̀ìn. Ɓěɛ̀ tɛ̀mɛ̀ìn-ɖɛ̀ ɖǎa nyu ké nyɔ ɓáún-ɓáún ɖǎ ɓuɖu. Ɓě ɖǎ dèè-wùɖù nì ma ɓó ḿ kè ɓě ɓǎ nììn ɓǎ ɓěɔ̀ pṹa kɛɛ kɔ̃ péɖé. 9Ɔ ná nì jèɛɛ, ḿ ɖǎa nyu ké ɓě ɖǎ zùǔn sɔ̀ìn, ɓɛ́ ɓě jè ké dyií dyi kpá ɓó nyɔ séín ɓěɔ̀ dyéɖé waí, kà ɓɛ́ ɓě seà ní gma ɓěɔ̀ dyi kpɔ̃, ké ɓě zĩ̀àìn nyɔ ɖíɛ́ ɓě hwòɖǒǔn gbo ɖé ɓěɛ̀ tɛ̀mɛ̀ìn-ɖɛ̀ɔ̀ múɛ̀. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.”
Nyɔ ɓěɔ̀ se Gèɖèpɔ́ɔ̀ jè gboi kpɔ̃
10Má, à mɔ̀ nyɔ séín ɓěɛɛ, à ɓǎ nì dyúáɖòe? Má, Gèɖèpɔ́ɔ̀ dyúáɖòɔ̀ mɔ̀ nyɔ mɛ à séíne? Kà ɔ nìà náa, nìí, ɖɛ́ kɔ̃̀ jè à ní nyuìn nyùìn jǎà gbo, ɓɛ́ à dyià Gèɖèpɔ́ɔ̀ kè à ɓǎ ɓěɛ̀ dèè-wùɖùɔ̀ mú jaɖauń nì kɛ́? 11Júɖà-nyɔ̀ ɓě, ɓě se jǎà nyu, ké ɓě ɖǎ ɖɛ nyìnììn dyíin mìɔ kɛɛ nyu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɔ kè ɖé ɓóɖóɔ̀ dà séín. Ɓě ɖǎ gbǒ ɓɛ́ Bounɓoɔ̀ ɖɛ̀ɓɛ̀à mú mìɔ kɛɛ zùǔn zàìn, ké ɓě ɖǎ màa ɓě ɓɛ́ wa ɓiè kũùn-kpò-gèɖèpɔ́ɔ̀ kɛɛ dyi kpɔ̃. 12Bounɓoɔ̀ mɛ zà nyɔ nyu ɖɛ nì kà nìà kɛɛ ɓě hwìɛ̀, ɓɛ́ ɔ ní kɔ̃̀ ɖà sáa-zàìn-ɖɛ̀ ɓě ɓɛ́ à nyɔ ɓěɔ̀ dyà Bounɓo mɔ̀ nyɔ nìà ɖɛ séín kɔ̃in nyɛ gboɛɛ jè hwìɛ̀ kpá fɔɔ cá.
13Ké ɖɛ ɓě nyu ɖeɛɛ kɛà kɛ̀. Ɓě nyuɛ ké ɓěɛ̀ mícɛ̃̀ɔ̀ dyíìn Bounɓoɔ̀ sáa-kɔ̃-zàìn-gbààɔ̀ kɔ̃in. Ɓě nì vĩ̌ɛń, ké ɓě nì kpòɛ̌n, sepóɛɖé Bounɓoɔ̀ hwòɖǒ se ɓěɛ̀ sáa-zàìn-ɖɛ̀ ɓěɔ̀ múin dèìn, mɔɔ ké ɔ ní kpɔ̃ wa ɓě xwaún ɖe. 14Ɓě diè ɖɛi, ké ɓě ɖá, “Ɖɛ́ kɔ̃̀ jè ɔ hwòɖǒ seà à sáa-zàìn-ɖɛ̀ ɓěɔ̀ múin dèìn nyɛ́?” Ɔ mɔ̀ sepóɛɖé ɓě se ɓěɛ̀ gmàà ɓě ɓɛ́ ɓě kè wa wóɖó ma ɓíɖíiɛɛ jǎà gbo nyuɛń nì ɖe. Wa mɔ̀ nyɔ ɓě ɓɛ́ ɓě kè wa po ma kà wuɖu ɓíín, ké wa mɔ̀à ɓě mǔè péé-nyu-nyɔ̀ ɓě kɛ. Ti ɓɛ́ ɓě kè ɓěɛ̀ gmàà ɓěɔ̀ ké ma kà dyi kpɔ̃ǐn nìɛɛ, wuɖu ɓɛ́ ɓě po ma kà ɓíín nyɛɛ Bounɓoɔ̀ mɔ̀ zàse. 15Má, Gèɖèpɔ́ɔ̀ nyu ma ɓě gàa ɖò-ɖò kè ɔ gmààɔ̀ kpóɖó-dyùà dyúáɖò kè fɛ̀ɛ̀ dyúáɖò múe? Ɖɛ́ kɔ̃̀ jè ɔ nyuɛ ma kà náa kɛ́? Ɔ nyuɛ ma náa, ɓɛ́ ɓě ké dyú ɓě ɓɛ́ wa ɖɛ̀ɓɛ̀ Gèɖèpɔ́ɔ̀ múɛɛ wóɖóìn. Ɔ ná nì jèɛɛ, ɓě mɛ nyu ɓěɛ̀ gmàà ɓě ɓɛ́ ɓě kè wa wóɖóà ɓíɖíiɛɛ jǎà gbo. 16Sepóɛɖé Bounɓo mɔ̀à Éézùɖùɛ̀ Gèɖèpɔ́ɔ̀ kɛɛ ɖá ɔ nyɛ́ gàa kè ɔ gmàà ɓɔ́ìn-ɓɔ́ìn mú. Ɔ nyɛ́ ɓɛ́ gàa ɖò ké hwòɖǒ-kɔ̃in-nyìnììn-ɖɛ̀ nì náa ɔ gmàà bũ̌ nyuɛɛ mú. Ɔ ná nì jèɛɛ, ɓě màìn ɓě mìɔùn mú. Ɓěǐn ɖá ɓɛ́ ɓě ké wuɖu ɓɛ́ ɓě ɖǎ ma kà ɖiɛɛ mú jaɖa. Ɓě mɛ nyu ɓěɛ̀ gmàà ɓěɔ̀ jǎà gbo.
Zaa-wɔ̃-po-wèɔ̀ ɖǎ dyi xwɛ̃́ìn
17Ɓě ɖǎa nyu ké Bounɓoɔ̀ ɖǎ ɓěɛ̀ wuɖu ɓěɔ̀ dyí sa. Kɛɛ ɓě cɛ̃ɛ, ké ɓě ɖá, “Xwɛ̌ à nyuɛ ɓɛ́ ɔ dyià à wuɖuɔ̀ dyí sa kɛ́?” Ɓě cɛ̃ɛ kà ɖɛ-gbà-nyu-nyɔ̀ séín ɓěɔ̀ mɔ̀ dyí-sɛ́ɖɛ́ìn-nyɔ̀ pū ɖé Bounɓoɔ̀ dyéɖéín nyɛ. Ɓě ɖá Bounɓoɔ̀ hwòɖǒ dèìn wa múin. Ké ɓě diè ɖɛi ɖe, ké ɓě ɖá, “Dɛ̌ Gèɖèpɔ́ɔ̀ mɔ̀à dyí-sɛ́ɖɛ́ìn-ɖɛ̀-nyu-nyɔ̀ɛɛ nì kɛ́?”
Trenutno izbrano:
Máɖékà 2: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Máɖékà 2
2
1Ké Bounɓo mɔ̀ nyɔ nìà ɖɛ séín kɔ̃in nyɛɛ cɛ̃ɛ ma sáa-zà-nyɔ̀ ɓěɔ̀ gbo ɖe, ké ɔ ɖá, “Wuɖu nìà kɛ dyi ɓě gbo. 2Wuɖuɔ̀ mɔ̀, ɓě mɛ dè ḿ dya. Ɔ jǔ ké ɓě se ní wuɖuɔ̀ ɖùǔ gbo tò, ɓɛ́ ɓě kéɛ dyi kpɔ̃ ní, nìí, ní mu ɓě gboò-wùɖù kɔ̃ tòùn. Ní mu ɓě gboò-wùɖù kɔ̃ poùn, ké ɔ se mana ɖe. Ḿ ɖǎ ɓě gboò nɔ̀ɔ̀, sepóɛɖé ɓě se ní wuɖuɔ̀ dyi kpɔ̃. 3Gmɔ̀ nɔ̄, ní mu ɓěɛ̀ xwíníín-dyù ɓěɔ̀ gǎ kɔ̃ tòùn. Ké ní mu nyúà-ɖɛ̀ ɓě ɓɛ́ ɓě zàìn sáa kɛɛ xwáɖáún-kpa-ɖɛ̀ ɓěɔ̀ ɓě dyúa dyi fièìn, ké wa mu ɓě kè wa kè xwáɖáún kpaùn.#2:3 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 4Ɔ mu ná nììn, ɓɛ́ ɓě kéɛ dyuò kà mɔ̄ mɔ̀ nyɔ tò ɓě wuɖu nìà kɛ gboɛ, nìí ɓɛ́ dèè-wùɖù nìǒ zɔ̃̌ɔ̀ kà ɓó ḿ kè ɓě mɔ̀ Ɖíìváà-nyɔ̀ ɓěɔ̀ ɓǎ nììn ɓǎ ɓěɔ̀ pṹa kɛɛ ké nì kánáá pū. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.
5“Ní dèè-wùɖù nìà ɓó wa gboɛɛ ɓá fɛ̀ɛ̀ kè gìɖìǐ ɓɛ́ ḿ nyí zɔ̃̌ɔ̀ kà wa kɛɛ jè dyí. Ḿ nyí ma wa fɛ̀ɛ̀ kè gìɖìǐ, nìí ɓɛ́ wa ké ḿ kpéín dyé, ké wa dyé ma ḿ kpéín jǎà jɛ́ɛ́, ké wa dè ma ḿ dya. 6Tɛ̀mɛ̀ìn-ɖɛ̀ sɛ́ɖɛ́ìn dyí nì ma wa wĩín, ké ɖɛ gbà ɖò se ma wa wĩín nì. Wa cĩ́ ma ɓó ḿ dyúa ɖé gìɖìǐ kè dyí-sɛ́ɖɛ́ìn-sɛ́ɖɛ́ìn mú, ké wa nyuɛ ké nyɔ ɓáún-ɓáún táà ma ɖɛ-gbà-nyu-nyu dyi. 7Fɔ̀nɔ̀-hwòɖǒ-wùɖù mɔ̀ ɖɛ ɓéɖé ɔ ké sáa-zà-nyɔ̀ɔ̀ wĩín sɔ̀ kánáá pū, ké nyɔǔn-dyù ɓéɖé wa ké tɛ̀mɛ̀ìn-ɖɛ̀ sɛ́ɖɛ́ìn dyí dyé sɔ̀ìn ɖé ɔ wĩín, sepóɛɖé ɔ mɔ̀ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ kíá.
8“Kɛɛ ɓě mɔ̀ùn seɛ náa nyu. Ɓě ɖǎ hwìèɔ̀ dyí sɔ̀ìn. Ɓěɛ̀ tɛ̀mɛ̀ìn-ɖɛ̀ ɖǎa nyu ké nyɔ ɓáún-ɓáún ɖǎ ɓuɖu. Ɓě ɖǎ dèè-wùɖù nì ma ɓó ḿ kè ɓě ɓǎ nììn ɓǎ ɓěɔ̀ pṹa kɛɛ kɔ̃ péɖé. 9Ɔ ná nì jèɛɛ, ḿ ɖǎa nyu ké ɓě ɖǎ zùǔn sɔ̀ìn, ɓɛ́ ɓě jè ké dyií dyi kpá ɓó nyɔ séín ɓěɔ̀ dyéɖé waí, kà ɓɛ́ ɓě seà ní gma ɓěɔ̀ dyi kpɔ̃, ké ɓě zĩ̀àìn nyɔ ɖíɛ́ ɓě hwòɖǒǔn gbo ɖé ɓěɛ̀ tɛ̀mɛ̀ìn-ɖɛ̀ɔ̀ múɛ̀. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.”
Nyɔ ɓěɔ̀ se Gèɖèpɔ́ɔ̀ jè gboi kpɔ̃
10Má, à mɔ̀ nyɔ séín ɓěɛɛ, à ɓǎ nì dyúáɖòe? Má, Gèɖèpɔ́ɔ̀ dyúáɖòɔ̀ mɔ̀ nyɔ mɛ à séíne? Kà ɔ nìà náa, nìí, ɖɛ́ kɔ̃̀ jè à ní nyuìn nyùìn jǎà gbo, ɓɛ́ à dyià Gèɖèpɔ́ɔ̀ kè à ɓǎ ɓěɛ̀ dèè-wùɖùɔ̀ mú jaɖauń nì kɛ́? 11Júɖà-nyɔ̀ ɓě, ɓě se jǎà nyu, ké ɓě ɖǎ ɖɛ nyìnììn dyíin mìɔ kɛɛ nyu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɔ kè ɖé ɓóɖóɔ̀ dà séín. Ɓě ɖǎ gbǒ ɓɛ́ Bounɓoɔ̀ ɖɛ̀ɓɛ̀à mú mìɔ kɛɛ zùǔn zàìn, ké ɓě ɖǎ màa ɓě ɓɛ́ wa ɓiè kũùn-kpò-gèɖèpɔ́ɔ̀ kɛɛ dyi kpɔ̃. 12Bounɓoɔ̀ mɛ zà nyɔ nyu ɖɛ nì kà nìà kɛɛ ɓě hwìɛ̀, ɓɛ́ ɔ ní kɔ̃̀ ɖà sáa-zàìn-ɖɛ̀ ɓě ɓɛ́ à nyɔ ɓěɔ̀ dyà Bounɓo mɔ̀ nyɔ nìà ɖɛ séín kɔ̃in nyɛ gboɛɛ jè hwìɛ̀ kpá fɔɔ cá.
13Ké ɖɛ ɓě nyu ɖeɛɛ kɛà kɛ̀. Ɓě nyuɛ ké ɓěɛ̀ mícɛ̃̀ɔ̀ dyíìn Bounɓoɔ̀ sáa-kɔ̃-zàìn-gbààɔ̀ kɔ̃in. Ɓě nì vĩ̌ɛń, ké ɓě nì kpòɛ̌n, sepóɛɖé Bounɓoɔ̀ hwòɖǒ se ɓěɛ̀ sáa-zàìn-ɖɛ̀ ɓěɔ̀ múin dèìn, mɔɔ ké ɔ ní kpɔ̃ wa ɓě xwaún ɖe. 14Ɓě diè ɖɛi, ké ɓě ɖá, “Ɖɛ́ kɔ̃̀ jè ɔ hwòɖǒ seà à sáa-zàìn-ɖɛ̀ ɓěɔ̀ múin dèìn nyɛ́?” Ɔ mɔ̀ sepóɛɖé ɓě se ɓěɛ̀ gmàà ɓě ɓɛ́ ɓě kè wa wóɖó ma ɓíɖíiɛɛ jǎà gbo nyuɛń nì ɖe. Wa mɔ̀ nyɔ ɓě ɓɛ́ ɓě kè wa po ma kà wuɖu ɓíín, ké wa mɔ̀à ɓě mǔè péé-nyu-nyɔ̀ ɓě kɛ. Ti ɓɛ́ ɓě kè ɓěɛ̀ gmàà ɓěɔ̀ ké ma kà dyi kpɔ̃ǐn nìɛɛ, wuɖu ɓɛ́ ɓě po ma kà ɓíín nyɛɛ Bounɓoɔ̀ mɔ̀ zàse. 15Má, Gèɖèpɔ́ɔ̀ nyu ma ɓě gàa ɖò-ɖò kè ɔ gmààɔ̀ kpóɖó-dyùà dyúáɖò kè fɛ̀ɛ̀ dyúáɖò múe? Ɖɛ́ kɔ̃̀ jè ɔ nyuɛ ma kà náa kɛ́? Ɔ nyuɛ ma náa, ɓɛ́ ɓě ké dyú ɓě ɓɛ́ wa ɖɛ̀ɓɛ̀ Gèɖèpɔ́ɔ̀ múɛɛ wóɖóìn. Ɔ ná nì jèɛɛ, ɓě mɛ nyu ɓěɛ̀ gmàà ɓě ɓɛ́ ɓě kè wa wóɖóà ɓíɖíiɛɛ jǎà gbo. 16Sepóɛɖé Bounɓo mɔ̀à Éézùɖùɛ̀ Gèɖèpɔ́ɔ̀ kɛɛ ɖá ɔ nyɛ́ gàa kè ɔ gmàà ɓɔ́ìn-ɓɔ́ìn mú. Ɔ nyɛ́ ɓɛ́ gàa ɖò ké hwòɖǒ-kɔ̃in-nyìnììn-ɖɛ̀ nì náa ɔ gmàà bũ̌ nyuɛɛ mú. Ɔ ná nì jèɛɛ, ɓě màìn ɓě mìɔùn mú. Ɓěǐn ɖá ɓɛ́ ɓě ké wuɖu ɓɛ́ ɓě ɖǎ ma kà ɖiɛɛ mú jaɖa. Ɓě mɛ nyu ɓěɛ̀ gmàà ɓěɔ̀ jǎà gbo.
Zaa-wɔ̃-po-wèɔ̀ ɖǎ dyi xwɛ̃́ìn
17Ɓě ɖǎa nyu ké Bounɓoɔ̀ ɖǎ ɓěɛ̀ wuɖu ɓěɔ̀ dyí sa. Kɛɛ ɓě cɛ̃ɛ, ké ɓě ɖá, “Xwɛ̌ à nyuɛ ɓɛ́ ɔ dyià à wuɖuɔ̀ dyí sa kɛ́?” Ɓě cɛ̃ɛ kà ɖɛ-gbà-nyu-nyɔ̀ séín ɓěɔ̀ mɔ̀ dyí-sɛ́ɖɛ́ìn-nyɔ̀ pū ɖé Bounɓoɔ̀ dyéɖéín nyɛ. Ɓě ɖá Bounɓoɔ̀ hwòɖǒ dèìn wa múin. Ké ɓě diè ɖɛi ɖe, ké ɓě ɖá, “Dɛ̌ Gèɖèpɔ́ɔ̀ mɔ̀à dyí-sɛ́ɖɛ́ìn-ɖɛ̀-nyu-nyɔ̀ɛɛ nì kɛ́?”
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.