Ɖìvéɖékɔ̀ 7
7
Kpa-pɛ́ɛ̀ìn-sàǎ-zàìn-ɖɛ̀ɔ̀
1“Gma ɓě ɓá kpa-pɛ́ɛ̀ìn-sàǎ-zàìn-ɖɛ̀, ɓɛ́ ɔ hwɛ̀ mú mìɔ kɛɛ jè dyíɛɛ, wa kɛà kɛ̀. 2Dɛ̀ dyúáɖò ɓɛ́ wa ɖáɓáìn fɔ̃ɔ-sàǎ-zàìn-ɖɛ̀ɔ̀ kɛɛ, ɓóɛ̀ wa mɛ ɖáɓáìn kpa-pɛ́ɛ̀ìn-sàǎ-zàìn-ɖɛ̀ɔ̀ ɖekè, ɓɛ́ sáa-zà-nyɔ̀ɔ̀ kéɛ nyɔmɔɔ̀ sáa-kɔ̃-zàìn-gbààɔ̀ wáká hĩinyɛɔ̀ bũ̌in mɛ́nɛ́ìn. 3Ɔ ɖǎ ná nìǐn, nìí, wa mɛ zà sáa-zàìn-ɖɛ̀ɔ̀ cáná séín nìɛ̀ múɛɛ ɖé dyi. Ɔ xwíníín mɔ̀, wa mɛ zà ɓó ɔ vɔ̃ nì cánáúnɔ̀ kè cáná séín ɓáìn mɛ́ɔ̀ bũ̌in nyɛ 4kèɛ̀ pɔnɔ-mɛ́ sɔ̃́ xwɛ̃́àìn ɓó ɔ gbe-zèɖèɔ̀ dyiɛ kè cáná ɓáìn wa kɔ̃in nyɛ kèɛ̀ pìùɔ̀ dà kpa ɖɛɔ̀, 5ɓɛ́ sáa-zà-nyɔ̀ɔ̀ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn, ɓɛ́ ɔ ké ɖii-ɖɛ̀-nyìǐ-ɖɛ̀ jǔ ɓó ḿ bìì. Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀. 6Ɔ ɖǎ ná nìǐn, nìí, gàa-dyù séín wóɖó ɖé sáa-zà-nyɔ̀ ɓěɔ̀ xwíníín nyɛɛ ɓɛ́ìn suaɖɛ̀ɔ̀ ɖiɛ. Wa mɛ ɖìɛ̀n ɓóɛ pá hwɛ̀ǐn-hwɛ̀ǐnɔ̀ mú, sepóɛɖé ɔ hwɛ̀ mú mìɔ.
7“Gma dyúáɖò nìà ɓó nàmàǔn-sàǎ-zàìn-ɖɛ̀ɔ̀ bììɛɛ nì ɓó kpa-pɛ́ɛ̀ìn-sàǎ-zàìn-ɖɛ̀ɔ̀ bìì ɖekè. Gmaɔ̀ mɔ̀, sáa-zà-nyɔ̀ ɓě ɓɛ́ wa zàìn sáa-zàìn-ɖɛ̀ɔ̀ sáa ɓó nyɔ ɖòɛ̀ nàmàǔn-kɔ̃in-ɓáìn-ɖɛ̀ jèɛɛ mɔ̀ nyɔ kɔ̃̀ sáa-zàìn-ɖɛ̀ɔ̀ suaɖɛ̀ɔ̀. 8Ɔ jǔ ké sáa-zà-nyɔ̀ ɓěɔ̀ dyi fɔ̃ɔ-sàǎ-zàìn-ɖɛ̀ ɖò nyu ɓó nyɔ ɖò bìì ní, nìí, sáa-zà-nyɔ̀ ɓěɔ̀ mɔ̀ nyɔ kɔ̃̀ sáa-zàìn-ɖɛ̀ɔ̀ kúɖúùɔ̀. 9Ké ɖii-ɖɛ̀-sàǎ-zàìn-ɖɛ̀ séín ɓɛ́ wa pĩ̀ìn nyɛ-ɓɔ́ɔ́ dyíɛ mɔɔ nyɔ ɓɛ́ wa nyùìn jìà múɛ mɔɔ nyɔ ɓɛ́ wa nyùìn jìà cɛin múɛɛ mɛ mɔ̀ sáa-zà-nyɔ̀ ɓě ɓɛ́ wa nyuà sáa-zàìn-ɖɛ̀ɔ̀ kɛɛ kɔ̃̀ɔ̀-ɖɛ̀. 10Ɖii-ɖɛ̀-sàǎ-zàìn-ɖɛ̀ séín ɓɛ́ wa se pĩɛɛ, kɛbì wa mɛ caìn cáná, mɔɔ wa mɛ seɛ cáná caìn nyɛɛ, Eɖóúnɛ̀ dyú-gàà ɓěɔ̀ mɔ̀ nyɔ kɔ̃̀ɔ̀ ɖekè. Wa mɛ geɛ̀n, ɓɛ́ ɔ ké wɔ̃ ɓɛ́ìn.
Gbo-kpɔ̃ìn-sàǎ-zàìn-ɖɛ̀ɔ̀
11“Gma ɓě ɓá gbo-kpɔ̃ìn-sàǎ-zàìn-ɖɛ̀ ɓɛ́ nyɔ ɖò mu ḿ gbo dyàà mɔ́ùn wɛ̃ɛ jè dyíɛɛ, wa kɛà kɛ̀. 12Ɔ jǔ ké ɔ dyi gbo-kpɔ̃ìn-sàǎ-zàìn-ɖɛ̀ɔ̀ dyà ɓó ḿ zùo po jè ní, nìí, ɔ mɛ dyà zùo-po-nyìǐ-ɖɛ̀ɔ̀ kè bɛɖɛɛ̀-kpò kuún-kuún ɖíɛ́ ɓě ɓɛ́ ɔ se dyáìn-ɖɛ̀ gbo po, kɛɛ ɔ poɛ cáná gboɛ kè bɛɖɛɛ̀-kpò se mú ku ɖíɛ́ ɓě ɓɛ́ ɔ se dyáìn-ɖɛ̀ gbo po, kɛɛ ɔ fièɛ̀ cáná bũ̌in nyɛ ɔ kè bɛɖɛɛ̀ ɖíɛ́ ɓě ɓɛ́ ɔ nyùìn fáɖáɓà nìɛ̀-nìɛ̀, ɓɛ́ ɔ dyiɛ cáná gbo po, ɓɛ́ ɔ dyiɛ caìn nɔ̀mɔ̀ dyíin nyɛ. 13Ké ɓó kɔ̃in ɖeɛɛ, ɔ mɛ dyà bɛɖɛɛ̀-kpò ɖíɛ́ ɓě ɓɛ́ ɔ po dyáìn-ɖɛ̀ gboɛɛ ɖekè. 14Ɔ ɖǎa náa nyuín, nìí, ɔ mɛ zà bɛɖɛɛ̀-dù kò-kò ɓěɔ̀ kpo ɖò-ɖò ɓó, ɓɛ́ ɔ kéɛ ḿ nyí. Bɛɖɛɛ̀-kpò ɓěɛ̀ mɔ̀ sáa-zà-nyɔ̀ ɓě ɓɛ́ wa mɛ́nɛ́àìn gbo-kpɔ̃ìn-sàǎ-zàìn-ɖɛ̀ɔ̀ nyɔmɔɔ̀ ɓó sáa-kɔ̃-zàìn-gbààɔ̀ bũ̌in nyɛɛ nììn. 15Ké nyúà-ɖɛ̀ mɔ̀à gbo-kpɔ̃ìn-sàǎ-zàìn-ɖɛ̀ ɓó ḿ zùo po jè, ɓɛ́ ɔ ɖáɓáà kɛɛ suaɖɛ̀ɔ̀ ní ɖá ɓɛ́ ɔ ké goò. Wa mɛ tàà séín ɓó wé dyúáɖò kɔ̃̀ xwíníín ɓɛ́ ɔ ɖáɓáà kɛ.
16“Kɛɛ ɔ jǔ ké gbo-kpɔ̃ìn-sàǎ-zàìn-ɖɛ̀ɔ̀ dyi wuɖu-ɖi-ɖi ɖò ɓɛ́ nyɔɔ̀ ɖǎ nyuɛɛ dyí ɓá, mɔɔ ké ɔ dyi hwòɖǒ-wáɖáá-nyìǐ-ɖɛ̀ jǔ ní, wa mɛ tàà ɓó wé kɔ̃̀ ɓaɖa ɓɛ́ ɔ ɖáɓáà kɛ. Ɔ jǔ ké ɖò dyi ɓó sè ní, nìí, wa mɛ tàà ɓó wéɔ̀ nyɔ mu ɓó dyí kɔùn wɛ̃ɛ xwíníín. 17Kɛɛ ɔ jǔ ké ɖò dyi ɓó sè, ké ɔ dyi wéɔ̀ tã nììn dyɛ̀ìn ní, nìí, wa mɛ fɔ̃ dyɛ̀ sèà ɓóɛ. 18Ɔ jǔ ké nyɔ ɖò dyi gbo-kpɔ̃ìn-sàǎ-zàìn-ɖɛ̀ɔ̀ ɖò tà ɓó wéɔ̀ tã nììnɔ̀ ɓaɖa ní, nìí, ḿ se sáa-zàìn-ɖɛ̀ɔ̀ dyi kpɔ̃ɔ́ mu. Sáa-zàìn-ɖɛ̀ɔ̀ se nyɔ tòàà kɛɛ kpáná ɖò dyí nyuɛ́ mu, kɛɛ ní muɛ se-mú-hwɛ̀-ɖɛ̀ ɖáìn. Ké nyɔ mɔ̀ nyɔ ɖiàà kɛɛ muɛ kpa dyí ɖúùn.
19“Ɔ jǔ ké se-mú-hwɛ̀-ɖɛ̀ ɖò dyi gbo-kpɔ̃ìn-sàǎ-zàìn-ɖɛ̀ɔ̀ suaɖɛ̀ ɖò dyi tìnììn ní, nyɔ ɖò mɛ ɓɔ́ɔ tàà, kɛɛ wa mɛ fɔ̃ɔ. Ɓá gbo-kpɔ̃ìn-sàǎ-zàìn-ɖɛ̀ɔ̀ suaɖɛ̀ tɔ̀ɔ̀ jè dyíɛɛ, nyɔ ḿ ɖá ɔ hwɛ̀à múɛɛ ɓɛ́ìn tàà. 20Kɛɛ ɔ jǔ ké nyɔ ɖò ɓɛ́ ɔ se mú hwɛ̀ɛ dyi ná gã̀, ké ɔ dyi gbo-kpɔ̃ìn-sàǎ-zàìn-ɖɛ̀ ɓɛ́ ḿ kɔ̃̀à kɛɛ ɖò tà ní, nìí, wa mɛ cɛ̃ nyɔɔ̀ woɖo gbo sɔ̀ìn ɖé ɔ nyɔ ɓěɔ̀ hwìɛ̀. 21Ɔ jǔ ké nyɔ ɖò dyi ɖɛ ḿ ɖá ɔ se mú hwɛ̀ɛ ɖò, ɔ hwɔìn kà se-mú-hwɛ̀-ɖɛ̀ ɓɛ́ ɔ sɔ̀ nyɔ ɖò bũ̌ɛ mɔɔ se-mú-hwɛ̀-nìmìì ɖò mɔɔ se-mú-hwɛ̀-ɖɛ̀ ɖò ɓɛ́ ɔ mɔ̀ dyi-nyàìn-ɖɛ̀ kɛɛ ɖò dyi tìnììn, hwɛ̀ ké ɔ dyi gbo-kpɔ̃ìn-sàǎ-zàìn-ɖɛ̀ ɓɛ́ ḿ kɔ̃̀à kɛɛ ɖò tà ní, nìí, wa mɛ cɛ̃ nyɔɔ̀ woɖo gbo sɔ̀ìn ɖé ɔ nyɔ ɓěɔ̀ hwìɛ̀.”
22Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 23“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá nyɔ ɖò mɛ ɓɔ́ ɓìɖǐ ɖòɛ̀ cáná mɔɔ ɓáɖáá ɖòɛ̀ cáná mɔɔ wiɖi ɖòɛ̀ cáná ɖò ɖiɛ fɔɔ cá kɛ. 24Nyɔ ɖò ɓɛ́ìn cáná sɔ̀ nimii ɓɛ́ ɔ mɛ́ìn ɓíɖíiɛ mɔɔ ɓɛ́ nimii ɖò kpɔ̃ɛ múɛɛ ɖɛ tɔ̀ɔ̀ ɓě mú nyùɛ̀n, kɛɛ nyɔ ɖò mɛ ɓɔ́ɔ ɖiɛ fɔɔ cá. 25Nyɔ mɔ̀ nyɔ mu nimii ɓɛ́ wa ɓɛ́ìn ɖii-ɖɛ̀-nyìǐ-ɖɛ̀ mú nyuɛ ɓó ḿ bììɛɛ ɖòɛ̀ cáná ɖiìn nyɛɛ, nìí, wa mɛ cɛ̃ ɔ woɖo gbo sɔ̀ìn ɖé ɔ nyɔ ɓěɔ̀ hwìɛ̀. 26Ké dɛ̀ kã̀ìn séín Éézùɖùɛ̀-dyù ɓěɔ̀ mu nììn nyɛɛ, waà nyɔ ɖò ní ɖá ɔ ké nyɔmɔɔ ɖò ɖi fɔɔ cá, kɛbì ɔ mɛ mɔ̀ naà mɔɔ nimii ɖòɛ. 27Nyɔ kã̀ìn séín mu nyɔmɔɔ ɖò ɖiìn nyɛɛ, nìí, wa mɛ cɛ̃ ɔ woɖo gbo sɔ̀ìn ɖé ɔ nyɔ ɓěɔ̀ hwìɛ̀.”
28Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 29“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɔ jǔ ké nyɔ ɖò dyi gbo-kpɔ̃ìn-sàǎ-zàìn-ɖɛ̀ ɖò dyà ní, nìí, ɔ mɛ zà ɓó ɖò, ɓɛ́ ɔ ké nyíí-ɖɛ̀ jǔ ɓó ḿ bììɛ. 30Ɔ mìɔùn nììn sɔ̃ mɛ ɖú ɖii-ɖɛ̀-nyìǐ-ɖɛ̀ nìà ɓó ḿ bììɛɛ dyí, ɓɛ́ ɔ kéɛ dyà. Ɔ mɛ dyàà cánáɔ̀ kèɛ̀ kɛ́ɔ̀, ɓɛ́ ɔ kéɛ kɛ́ɔ̀ dyi vũà, ɓɛ́ ɔ ké nyíí-ɖɛ̀ kpa ɖɛ jǔ ɓó ḿ bìì. 31Sɔ̀ìn ɓóɛ gboɛɛ, nìí, sáa-zà-nyɔ̀ ɓěɔ̀ ɖò mɛ fɔ̃̀ìn sáa-zàìn-ɖɛ̀ɔ̀ cánáɔ̀ ɓó sáa-kɔ̃-zàìn-gbààɔ̀ kɔ̃. Kɛɛ Eɖóún kè ɔ dyú-gàà ɓěɔ̀ mɔ̀ nyɔ kɔ̃̀ sáa-zàìn-ɖɛ̀ɔ̀ kɛ́ɔ̀. 32Ké nyɔɔ̀ mɛ nyí ɔ gbo-kpɔ̃ìn-sàǎ-zàìn-ɖɛ̀ɔ̀ ɖiaún-pɔ̃̀ɔ̀ sáa-zà-nyɔ̀ ɓěɔ̀, ɓɛ́ ɔ ké wa nììn jǔ. 33Eɖóúnɛ̀ dyú-gàà ɓě ɓɛ́ wa zàìn gbo-kpɔ̃ìn-sàǎ-zàìn-ɖɛ̀ɔ̀ nyɔmɔɔ̀ kèɛ̀ cánáɔ̀ sáa kɛɛ mɔ̀ nyɔ mɛ ɖúɛ ɖiaún-pɔ̃̀ɔ̀ dyí. Ɔ mɔ̀ wa nììn. 34Sepóɛɖé ḿ ɖǎ ɓě mɔ̀ Éézùɖùɛ̀-dyù ɓěɔ̀ gbo-kpɔ̃ìn-sàǎ-zàìn-ɖɛ̀ ɓěɔ̀ kɛ́ ɓě ɓɛ́ ɓě vũàà dyiɛ kè waà ɖiaún-pɔ̃̀ ɓě ɓɛ́ ɓě tòà sáa-zà-nyɔ̀ ɓěɔ̀ dyíɛɛ dyí ɖú, ké ḿ ɖǎa Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛ kè ɔ dyú-gàà ɓěɔ̀ nyí. Ɖɛ nìà kɛ mɛ mɔ̀ gma kánáá pū ɓá gbo-kpɔ̃ìn-sàǎ-zàìn-ɖɛ̀ɔ̀ nyɔ ɓě Éézùɖùɛ̀-dyù ɓěɔ̀ ké sáa-zà-nyɔ̀ ɓěɔ̀ nyíɛɛ jè dyí.”
35Ɔ jèɛɛ, sɔ̀ìn ɓó ti ɓɛ́ Mózè po ma Eɖóún kè ɔ dyú-gàà ɓěɔ̀ wáká ɓó Bounɓoɔ̀ bìì, ɓɛ́ wa ké ma sáa-zà-nyɔ̀ ɓě jǔɛ gboɛɛ, ɖɛ ɓě nìà kɛ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ Éézùɖùɛ̀-nyɔ̀ ɓěɔ̀ dyà Bounɓoɔ̀ gboɛɛ nììn wáká mɔ̀ sáa-zà-nyɔ̀ ɓěɔ̀ nììn nyɛ. 36Ɓó wé kɔ̃̀ ɓaɖa ɓɛ́ Mózè po ma sáa-zà-nyɔ̀ ɓěɔ̀ kũ̀à kɔ̃ún dyììn ɖé wa cáná-dúún-po-po múɛɛ, Bounɓoɔ̀ cɛ̃ɛ ma Éézùɖùɛ̀-nyɔ̀ ɓěɔ̀ gbo kà wa ké sáa-zà-nyɔ̀ ɓěɔ̀ ɖɛ ɓě nìà kɛ nyíɛ. Ké ɖɛ nìà kɛ mɔ̀ gma kánáá pū ɓó Éézùɖùɛ̀-nyɔ̀ ɓěɔ̀ kè waà xwíníín-dyù ɓě bìì.
37Kǎà gma ɓě ɓá fɔ̃ɔ-sàǎ-zàìn-ɖɛ̀ ɓěɔ̀ kè ɖii-ɖɛ̀-sàǎ-zàìn-ɖɛ̀ ɓěɔ̀ kè nàmàǔn-sàǎ-zàìn-ɖɛ̀ ɓěɔ̀ kè kpa-pɛ́ɛ̀ìn-sàǎ-zàìn-ɖɛ̀ ɓěɔ̀ kè nyɔ-kũ̀à-kɔ̃ún-po-sàǎ-zàìn-ɖɛ̀ ɓěɔ̀ kè gbo-kpɔ̃ìn-sàǎ-zàìn-ɖɛ̀ ɓěɔ̀ jè dyíɛɛ nyu nìɛ̀. 38Bounɓoɔ̀ nyíìn ma Mózè gma ɓěɛ̀ ɖé Sányà-tòɖòɔ̀ dya. Ɔ mɔ̀ wé kɔ̃̀ ɓaɖa ɔ cɛ̃ɛ ma Éézùɖùɛ̀-nyɔ̀ ɓěɔ̀ gbo ɖé Sányà-tòɖòɔ̀ gbǎùn-fúɖúáɔ̀ kɔ̃, ɓɛ́ wa ké ma waà sáa-zàìn-ɖɛ̀ ɓěɔ̀ ɔ gbo dyà kɛ.
Trenutno izbrano:
Ɖìvéɖékɔ̀ 7: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Ɖìvéɖékɔ̀ 7
7
Kpa-pɛ́ɛ̀ìn-sàǎ-zàìn-ɖɛ̀ɔ̀
1“Gma ɓě ɓá kpa-pɛ́ɛ̀ìn-sàǎ-zàìn-ɖɛ̀, ɓɛ́ ɔ hwɛ̀ mú mìɔ kɛɛ jè dyíɛɛ, wa kɛà kɛ̀. 2Dɛ̀ dyúáɖò ɓɛ́ wa ɖáɓáìn fɔ̃ɔ-sàǎ-zàìn-ɖɛ̀ɔ̀ kɛɛ, ɓóɛ̀ wa mɛ ɖáɓáìn kpa-pɛ́ɛ̀ìn-sàǎ-zàìn-ɖɛ̀ɔ̀ ɖekè, ɓɛ́ sáa-zà-nyɔ̀ɔ̀ kéɛ nyɔmɔɔ̀ sáa-kɔ̃-zàìn-gbààɔ̀ wáká hĩinyɛɔ̀ bũ̌in mɛ́nɛ́ìn. 3Ɔ ɖǎ ná nìǐn, nìí, wa mɛ zà sáa-zàìn-ɖɛ̀ɔ̀ cáná séín nìɛ̀ múɛɛ ɖé dyi. Ɔ xwíníín mɔ̀, wa mɛ zà ɓó ɔ vɔ̃ nì cánáúnɔ̀ kè cáná séín ɓáìn mɛ́ɔ̀ bũ̌in nyɛ 4kèɛ̀ pɔnɔ-mɛ́ sɔ̃́ xwɛ̃́àìn ɓó ɔ gbe-zèɖèɔ̀ dyiɛ kè cáná ɓáìn wa kɔ̃in nyɛ kèɛ̀ pìùɔ̀ dà kpa ɖɛɔ̀, 5ɓɛ́ sáa-zà-nyɔ̀ɔ̀ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn, ɓɛ́ ɔ ké ɖii-ɖɛ̀-nyìǐ-ɖɛ̀ jǔ ɓó ḿ bìì. Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀. 6Ɔ ɖǎ ná nìǐn, nìí, gàa-dyù séín wóɖó ɖé sáa-zà-nyɔ̀ ɓěɔ̀ xwíníín nyɛɛ ɓɛ́ìn suaɖɛ̀ɔ̀ ɖiɛ. Wa mɛ ɖìɛ̀n ɓóɛ pá hwɛ̀ǐn-hwɛ̀ǐnɔ̀ mú, sepóɛɖé ɔ hwɛ̀ mú mìɔ.
7“Gma dyúáɖò nìà ɓó nàmàǔn-sàǎ-zàìn-ɖɛ̀ɔ̀ bììɛɛ nì ɓó kpa-pɛ́ɛ̀ìn-sàǎ-zàìn-ɖɛ̀ɔ̀ bìì ɖekè. Gmaɔ̀ mɔ̀, sáa-zà-nyɔ̀ ɓě ɓɛ́ wa zàìn sáa-zàìn-ɖɛ̀ɔ̀ sáa ɓó nyɔ ɖòɛ̀ nàmàǔn-kɔ̃in-ɓáìn-ɖɛ̀ jèɛɛ mɔ̀ nyɔ kɔ̃̀ sáa-zàìn-ɖɛ̀ɔ̀ suaɖɛ̀ɔ̀. 8Ɔ jǔ ké sáa-zà-nyɔ̀ ɓěɔ̀ dyi fɔ̃ɔ-sàǎ-zàìn-ɖɛ̀ ɖò nyu ɓó nyɔ ɖò bìì ní, nìí, sáa-zà-nyɔ̀ ɓěɔ̀ mɔ̀ nyɔ kɔ̃̀ sáa-zàìn-ɖɛ̀ɔ̀ kúɖúùɔ̀. 9Ké ɖii-ɖɛ̀-sàǎ-zàìn-ɖɛ̀ séín ɓɛ́ wa pĩ̀ìn nyɛ-ɓɔ́ɔ́ dyíɛ mɔɔ nyɔ ɓɛ́ wa nyùìn jìà múɛ mɔɔ nyɔ ɓɛ́ wa nyùìn jìà cɛin múɛɛ mɛ mɔ̀ sáa-zà-nyɔ̀ ɓě ɓɛ́ wa nyuà sáa-zàìn-ɖɛ̀ɔ̀ kɛɛ kɔ̃̀ɔ̀-ɖɛ̀. 10Ɖii-ɖɛ̀-sàǎ-zàìn-ɖɛ̀ séín ɓɛ́ wa se pĩɛɛ, kɛbì wa mɛ caìn cáná, mɔɔ wa mɛ seɛ cáná caìn nyɛɛ, Eɖóúnɛ̀ dyú-gàà ɓěɔ̀ mɔ̀ nyɔ kɔ̃̀ɔ̀ ɖekè. Wa mɛ geɛ̀n, ɓɛ́ ɔ ké wɔ̃ ɓɛ́ìn.
Gbo-kpɔ̃ìn-sàǎ-zàìn-ɖɛ̀ɔ̀
11“Gma ɓě ɓá gbo-kpɔ̃ìn-sàǎ-zàìn-ɖɛ̀ ɓɛ́ nyɔ ɖò mu ḿ gbo dyàà mɔ́ùn wɛ̃ɛ jè dyíɛɛ, wa kɛà kɛ̀. 12Ɔ jǔ ké ɔ dyi gbo-kpɔ̃ìn-sàǎ-zàìn-ɖɛ̀ɔ̀ dyà ɓó ḿ zùo po jè ní, nìí, ɔ mɛ dyà zùo-po-nyìǐ-ɖɛ̀ɔ̀ kè bɛɖɛɛ̀-kpò kuún-kuún ɖíɛ́ ɓě ɓɛ́ ɔ se dyáìn-ɖɛ̀ gbo po, kɛɛ ɔ poɛ cáná gboɛ kè bɛɖɛɛ̀-kpò se mú ku ɖíɛ́ ɓě ɓɛ́ ɔ se dyáìn-ɖɛ̀ gbo po, kɛɛ ɔ fièɛ̀ cáná bũ̌in nyɛ ɔ kè bɛɖɛɛ̀ ɖíɛ́ ɓě ɓɛ́ ɔ nyùìn fáɖáɓà nìɛ̀-nìɛ̀, ɓɛ́ ɔ dyiɛ cáná gbo po, ɓɛ́ ɔ dyiɛ caìn nɔ̀mɔ̀ dyíin nyɛ. 13Ké ɓó kɔ̃in ɖeɛɛ, ɔ mɛ dyà bɛɖɛɛ̀-kpò ɖíɛ́ ɓě ɓɛ́ ɔ po dyáìn-ɖɛ̀ gboɛɛ ɖekè. 14Ɔ ɖǎa náa nyuín, nìí, ɔ mɛ zà bɛɖɛɛ̀-dù kò-kò ɓěɔ̀ kpo ɖò-ɖò ɓó, ɓɛ́ ɔ kéɛ ḿ nyí. Bɛɖɛɛ̀-kpò ɓěɛ̀ mɔ̀ sáa-zà-nyɔ̀ ɓě ɓɛ́ wa mɛ́nɛ́àìn gbo-kpɔ̃ìn-sàǎ-zàìn-ɖɛ̀ɔ̀ nyɔmɔɔ̀ ɓó sáa-kɔ̃-zàìn-gbààɔ̀ bũ̌in nyɛɛ nììn. 15Ké nyúà-ɖɛ̀ mɔ̀à gbo-kpɔ̃ìn-sàǎ-zàìn-ɖɛ̀ ɓó ḿ zùo po jè, ɓɛ́ ɔ ɖáɓáà kɛɛ suaɖɛ̀ɔ̀ ní ɖá ɓɛ́ ɔ ké goò. Wa mɛ tàà séín ɓó wé dyúáɖò kɔ̃̀ xwíníín ɓɛ́ ɔ ɖáɓáà kɛ.
16“Kɛɛ ɔ jǔ ké gbo-kpɔ̃ìn-sàǎ-zàìn-ɖɛ̀ɔ̀ dyi wuɖu-ɖi-ɖi ɖò ɓɛ́ nyɔɔ̀ ɖǎ nyuɛɛ dyí ɓá, mɔɔ ké ɔ dyi hwòɖǒ-wáɖáá-nyìǐ-ɖɛ̀ jǔ ní, wa mɛ tàà ɓó wé kɔ̃̀ ɓaɖa ɓɛ́ ɔ ɖáɓáà kɛ. Ɔ jǔ ké ɖò dyi ɓó sè ní, nìí, wa mɛ tàà ɓó wéɔ̀ nyɔ mu ɓó dyí kɔùn wɛ̃ɛ xwíníín. 17Kɛɛ ɔ jǔ ké ɖò dyi ɓó sè, ké ɔ dyi wéɔ̀ tã nììn dyɛ̀ìn ní, nìí, wa mɛ fɔ̃ dyɛ̀ sèà ɓóɛ. 18Ɔ jǔ ké nyɔ ɖò dyi gbo-kpɔ̃ìn-sàǎ-zàìn-ɖɛ̀ɔ̀ ɖò tà ɓó wéɔ̀ tã nììnɔ̀ ɓaɖa ní, nìí, ḿ se sáa-zàìn-ɖɛ̀ɔ̀ dyi kpɔ̃ɔ́ mu. Sáa-zàìn-ɖɛ̀ɔ̀ se nyɔ tòàà kɛɛ kpáná ɖò dyí nyuɛ́ mu, kɛɛ ní muɛ se-mú-hwɛ̀-ɖɛ̀ ɖáìn. Ké nyɔ mɔ̀ nyɔ ɖiàà kɛɛ muɛ kpa dyí ɖúùn.
19“Ɔ jǔ ké se-mú-hwɛ̀-ɖɛ̀ ɖò dyi gbo-kpɔ̃ìn-sàǎ-zàìn-ɖɛ̀ɔ̀ suaɖɛ̀ ɖò dyi tìnììn ní, nyɔ ɖò mɛ ɓɔ́ɔ tàà, kɛɛ wa mɛ fɔ̃ɔ. Ɓá gbo-kpɔ̃ìn-sàǎ-zàìn-ɖɛ̀ɔ̀ suaɖɛ̀ tɔ̀ɔ̀ jè dyíɛɛ, nyɔ ḿ ɖá ɔ hwɛ̀à múɛɛ ɓɛ́ìn tàà. 20Kɛɛ ɔ jǔ ké nyɔ ɖò ɓɛ́ ɔ se mú hwɛ̀ɛ dyi ná gã̀, ké ɔ dyi gbo-kpɔ̃ìn-sàǎ-zàìn-ɖɛ̀ ɓɛ́ ḿ kɔ̃̀à kɛɛ ɖò tà ní, nìí, wa mɛ cɛ̃ nyɔɔ̀ woɖo gbo sɔ̀ìn ɖé ɔ nyɔ ɓěɔ̀ hwìɛ̀. 21Ɔ jǔ ké nyɔ ɖò dyi ɖɛ ḿ ɖá ɔ se mú hwɛ̀ɛ ɖò, ɔ hwɔìn kà se-mú-hwɛ̀-ɖɛ̀ ɓɛ́ ɔ sɔ̀ nyɔ ɖò bũ̌ɛ mɔɔ se-mú-hwɛ̀-nìmìì ɖò mɔɔ se-mú-hwɛ̀-ɖɛ̀ ɖò ɓɛ́ ɔ mɔ̀ dyi-nyàìn-ɖɛ̀ kɛɛ ɖò dyi tìnììn, hwɛ̀ ké ɔ dyi gbo-kpɔ̃ìn-sàǎ-zàìn-ɖɛ̀ ɓɛ́ ḿ kɔ̃̀à kɛɛ ɖò tà ní, nìí, wa mɛ cɛ̃ nyɔɔ̀ woɖo gbo sɔ̀ìn ɖé ɔ nyɔ ɓěɔ̀ hwìɛ̀.”
22Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 23“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá nyɔ ɖò mɛ ɓɔ́ ɓìɖǐ ɖòɛ̀ cáná mɔɔ ɓáɖáá ɖòɛ̀ cáná mɔɔ wiɖi ɖòɛ̀ cáná ɖò ɖiɛ fɔɔ cá kɛ. 24Nyɔ ɖò ɓɛ́ìn cáná sɔ̀ nimii ɓɛ́ ɔ mɛ́ìn ɓíɖíiɛ mɔɔ ɓɛ́ nimii ɖò kpɔ̃ɛ múɛɛ ɖɛ tɔ̀ɔ̀ ɓě mú nyùɛ̀n, kɛɛ nyɔ ɖò mɛ ɓɔ́ɔ ɖiɛ fɔɔ cá. 25Nyɔ mɔ̀ nyɔ mu nimii ɓɛ́ wa ɓɛ́ìn ɖii-ɖɛ̀-nyìǐ-ɖɛ̀ mú nyuɛ ɓó ḿ bììɛɛ ɖòɛ̀ cáná ɖiìn nyɛɛ, nìí, wa mɛ cɛ̃ ɔ woɖo gbo sɔ̀ìn ɖé ɔ nyɔ ɓěɔ̀ hwìɛ̀. 26Ké dɛ̀ kã̀ìn séín Éézùɖùɛ̀-dyù ɓěɔ̀ mu nììn nyɛɛ, waà nyɔ ɖò ní ɖá ɔ ké nyɔmɔɔ ɖò ɖi fɔɔ cá, kɛbì ɔ mɛ mɔ̀ naà mɔɔ nimii ɖòɛ. 27Nyɔ kã̀ìn séín mu nyɔmɔɔ ɖò ɖiìn nyɛɛ, nìí, wa mɛ cɛ̃ ɔ woɖo gbo sɔ̀ìn ɖé ɔ nyɔ ɓěɔ̀ hwìɛ̀.”
28Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 29“Cɛ̃ɛ Éézùɖùɛ̀-dyù ɓěɔ̀ gbo kà ḿ ɖá ɔ jǔ ké nyɔ ɖò dyi gbo-kpɔ̃ìn-sàǎ-zàìn-ɖɛ̀ ɖò dyà ní, nìí, ɔ mɛ zà ɓó ɖò, ɓɛ́ ɔ ké nyíí-ɖɛ̀ jǔ ɓó ḿ bììɛ. 30Ɔ mìɔùn nììn sɔ̃ mɛ ɖú ɖii-ɖɛ̀-nyìǐ-ɖɛ̀ nìà ɓó ḿ bììɛɛ dyí, ɓɛ́ ɔ kéɛ dyà. Ɔ mɛ dyàà cánáɔ̀ kèɛ̀ kɛ́ɔ̀, ɓɛ́ ɔ kéɛ kɛ́ɔ̀ dyi vũà, ɓɛ́ ɔ ké nyíí-ɖɛ̀ kpa ɖɛ jǔ ɓó ḿ bìì. 31Sɔ̀ìn ɓóɛ gboɛɛ, nìí, sáa-zà-nyɔ̀ ɓěɔ̀ ɖò mɛ fɔ̃̀ìn sáa-zàìn-ɖɛ̀ɔ̀ cánáɔ̀ ɓó sáa-kɔ̃-zàìn-gbààɔ̀ kɔ̃. Kɛɛ Eɖóún kè ɔ dyú-gàà ɓěɔ̀ mɔ̀ nyɔ kɔ̃̀ sáa-zàìn-ɖɛ̀ɔ̀ kɛ́ɔ̀. 32Ké nyɔɔ̀ mɛ nyí ɔ gbo-kpɔ̃ìn-sàǎ-zàìn-ɖɛ̀ɔ̀ ɖiaún-pɔ̃̀ɔ̀ sáa-zà-nyɔ̀ ɓěɔ̀, ɓɛ́ ɔ ké wa nììn jǔ. 33Eɖóúnɛ̀ dyú-gàà ɓě ɓɛ́ wa zàìn gbo-kpɔ̃ìn-sàǎ-zàìn-ɖɛ̀ɔ̀ nyɔmɔɔ̀ kèɛ̀ cánáɔ̀ sáa kɛɛ mɔ̀ nyɔ mɛ ɖúɛ ɖiaún-pɔ̃̀ɔ̀ dyí. Ɔ mɔ̀ wa nììn. 34Sepóɛɖé ḿ ɖǎ ɓě mɔ̀ Éézùɖùɛ̀-dyù ɓěɔ̀ gbo-kpɔ̃ìn-sàǎ-zàìn-ɖɛ̀ ɓěɔ̀ kɛ́ ɓě ɓɛ́ ɓě vũàà dyiɛ kè waà ɖiaún-pɔ̃̀ ɓě ɓɛ́ ɓě tòà sáa-zà-nyɔ̀ ɓěɔ̀ dyíɛɛ dyí ɖú, ké ḿ ɖǎa Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛ kè ɔ dyú-gàà ɓěɔ̀ nyí. Ɖɛ nìà kɛ mɛ mɔ̀ gma kánáá pū ɓá gbo-kpɔ̃ìn-sàǎ-zàìn-ɖɛ̀ɔ̀ nyɔ ɓě Éézùɖùɛ̀-dyù ɓěɔ̀ ké sáa-zà-nyɔ̀ ɓěɔ̀ nyíɛɛ jè dyí.”
35Ɔ jèɛɛ, sɔ̀ìn ɓó ti ɓɛ́ Mózè po ma Eɖóún kè ɔ dyú-gàà ɓěɔ̀ wáká ɓó Bounɓoɔ̀ bìì, ɓɛ́ wa ké ma sáa-zà-nyɔ̀ ɓě jǔɛ gboɛɛ, ɖɛ ɓě nìà kɛ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ Éézùɖùɛ̀-nyɔ̀ ɓěɔ̀ dyà Bounɓoɔ̀ gboɛɛ nììn wáká mɔ̀ sáa-zà-nyɔ̀ ɓěɔ̀ nììn nyɛ. 36Ɓó wé kɔ̃̀ ɓaɖa ɓɛ́ Mózè po ma sáa-zà-nyɔ̀ ɓěɔ̀ kũ̀à kɔ̃ún dyììn ɖé wa cáná-dúún-po-po múɛɛ, Bounɓoɔ̀ cɛ̃ɛ ma Éézùɖùɛ̀-nyɔ̀ ɓěɔ̀ gbo kà wa ké sáa-zà-nyɔ̀ ɓěɔ̀ ɖɛ ɓě nìà kɛ nyíɛ. Ké ɖɛ nìà kɛ mɔ̀ gma kánáá pū ɓó Éézùɖùɛ̀-nyɔ̀ ɓěɔ̀ kè waà xwíníín-dyù ɓě bìì.
37Kǎà gma ɓě ɓá fɔ̃ɔ-sàǎ-zàìn-ɖɛ̀ ɓěɔ̀ kè ɖii-ɖɛ̀-sàǎ-zàìn-ɖɛ̀ ɓěɔ̀ kè nàmàǔn-sàǎ-zàìn-ɖɛ̀ ɓěɔ̀ kè kpa-pɛ́ɛ̀ìn-sàǎ-zàìn-ɖɛ̀ ɓěɔ̀ kè nyɔ-kũ̀à-kɔ̃ún-po-sàǎ-zàìn-ɖɛ̀ ɓěɔ̀ kè gbo-kpɔ̃ìn-sàǎ-zàìn-ɖɛ̀ ɓěɔ̀ jè dyíɛɛ nyu nìɛ̀. 38Bounɓoɔ̀ nyíìn ma Mózè gma ɓěɛ̀ ɖé Sányà-tòɖòɔ̀ dya. Ɔ mɔ̀ wé kɔ̃̀ ɓaɖa ɔ cɛ̃ɛ ma Éézùɖùɛ̀-nyɔ̀ ɓěɔ̀ gbo ɖé Sányà-tòɖòɔ̀ gbǎùn-fúɖúáɔ̀ kɔ̃, ɓɛ́ wa ké ma waà sáa-zàìn-ɖɛ̀ ɓěɔ̀ ɔ gbo dyà kɛ.
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.