Hàbákù 1
1
1Wuɖu ɓɛ́ Bounɓoɔ̀ dèìn ma Hàbákù ɓɛ́ ɔ mɔ̀ ma kpáá-ɖɛ̀-cɛ̃-nyɔ̀ kɛɛ wĩín dyììn ɖé dyí-tɛ̀mɛ̀ìn-ɖɛ̀ múɛɛ kɛà kɛ̀.
Hàbákùɛ̀ ka-wùɖù ɓá se-dyí-sɛ́ɖɛ́ìn-ɖɛ̀ jè dyíɛ
2Bounɓo, ti jĩ̀ xwɛ̌ ḿ mɛ ɖá m̀ hwɛ̀ ɓɛ́ m̀ ké ḿ gbo ɖùǔ tò, ɓɛ́ m̀ ké ḿ gbo kpáá? Tiɔ̀ nyɛ́ nì mu ḿ ɖɛ-gbà-nyu-nyɔ̀ ɓě xwaún póìn nyɛ́? 3Ɖɛ́ kɔ̃̀ jè m̀ nyuɛ ɓɛ́ ḿ dyià ɖɛ gbà dyéɛ́? Ɖɛ́ kɔ̃̀ jè m̀ táà dyi, ɓɛ́ nyɔǔn dyià ḿ fũ̀à-fṹá nyùìn nyɛ́? Mú-gbɔɔ̀-gbɔɔ̀ kè ɖɛ gbà gbǎìn ḿ wɔ̃. Ɖɛín-zà-zà kè vɔ̃-vɔ̃ nì ḿ ɖei. 4Ɔ jèɛɛ, gmaɔ̀ ɖǎ ɓíɖíi dyi kpá, ké jǎà ɖò se nìɛ̀ ɓɛ́ìn ɖe. Ɖɛ-gbà-nyu-nyu vò dyí ké ɔ zi dyí-sɛ́ɖɛ́ìn-ɖɛ̀ nyu-nyu dyí jèɛɛ, nyɔ ɖò ní nyu ɖɛ sɛ́ɖɛ́ìn dyíɛɛ ɖe.
Bounɓoɔ̀ jǔ Hàbákù gɔ̃̌
5Hwɛ̀ ké Bounɓoɔ̀ jǔ ma Hàbákù gɔ̃̌, ké ɔ ɖá, “Ɓě gmɔ̀ ɓóɖó-dù ɓěɔ̀ dya, ɓɛ́ ɓě ké dyi giniìn, sepóɛɖé ní mu ɖɛ ɖò nyuùn ɓó ti ɓě nìà cĩ́ɛń nyɛ, ké ɓě seɛ jǎà poɛ́ mu, kɛbì wa mɛ cɛ̃ ɔ jè ɓě gboɛ. 6Gmɔ̀ nɔ̄, ní mu Báɓèɖɔ́ùn-nyɔ̀ ɓě mɔ̀à kpeɖeín-nyìnììn-nyɔ̀ kè hwòɖǒ-fṹà-nyɔ̀ ɓěɛɛ kpé nyíìn. Wa mɔ̀ nyɔ ɓě nìà ɓóɖó-kpà gànáà gboi ziɛń, ɓɛ́ wa kéà nyɔ ɓě cĩ́-naín ɓě ɓɛ́ wa se kɔ̃̀ɛɛ xwa zà kɛ. 7Wa po nyɔǔn fã̀àǔn, ké wa nyuɛ ké hwòɖǒ ɓaɖa nyɔǔn xwíníín dyi. Wa ní kpɔ̃ gma ɖò dyi, ké wa cɛ̃ wa mìɔùn nììn dya dè jè.
8“Báɓèɖɔ́ùn-nyɔ̀ ɓěɔ̀ sǒ ɓěɔ̀ fɛ̃́ìn xwa ké ɔ zi ji dyí, ké wa ɓéɖé dyoɖo ké ɔ zi kpɔ̃ɔ-nìmìì ɓɛ́ mɔ́ nyuɛɛ dyí. Waà sǒ-nàìn-nyɔ̀ ɓě sɔ̀ ɓóɖó vɛ̃in ɓě kɔ̃, ké waà sǒ ɓěɔ̀ ɓo-jĩ̌ dyi gìɖì-gìɖì. Sǒ-nàìn-nyɔ̀ ɓěɔ̀ po to wàɖà kà ke bǎà ɖɛ ɓíɖíiɛ.
9“Waà to-vɔ̃-nyɔ̀ ɓěɔ̀ kpa ɖɛ dyíin nyìnìɛ̀n, ké nyɔǔn séín hwòɖǒ tɛɖɛ wa xwíníín dyi ɔ jǔ ké wa dyi dyiɛń nìǐn. Ké wa kpɔ̃ nyɔ ɓáún-ɓáún se zɛɖɛɛ ɓɛ́ìn nyɛɛ ɖé waà toɔ̀ gbo.#1:9 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 10Ké wa zàìn kã́á ɓě zùǔn, ké wa ɓaɖa ɓóɖó-nàìn-nyɔ̀ ɓě dyɔ́. Wa se hwɔɖɔ cɛ̃̀ìn gmɔ ɖei ɖɛ ɖá. Wa poìn ɓóɖó-kòò dyí ɖé hwɔɖɔɔ̀ gmɔɔ̀ ɖei, ké wa ɖuɛ toún. 11Ɔ ɖǎ ná nìǐn, nìí, wa zi wàɖà kà dìì nyuà kɛ. Wa mɔ̀ nyɔ ɓě ɓɛ́ zaa ɖǎ kpɔ̃ɛ. Wa ɖú wa mìɔùn nììn kpéɔ̀ dyí, ɓɛ́ ɔ ké waà gèɖèpɔ́ɔ̀ jǔ.”#1:11 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè.
Hàbákùɛ̀ ka-wùɖù ɓá se-dyí-sɛ́ɖɛ́ìn-ɖɛ̀ jè dyíɛɛ sɔ̃́ nììnɔ̀
12Bounɓo, hwɛ̀ ɓóɖó-kpàà kéó zɔ̃̌ɔ̀ gbɔ dèɛɛ, m̀ mɔ̀ Gèɖèpɔ́ɔ̀. M̀ mɔ̀ ní Gèɖèpɔ́ɔ̀, ké m̀ hwɛ̀ mú, ké m̀ cĩ́ kánáá pū. Óó ní dyí-gmɔ̀ìn-sɔ̀ɔ̌-kpò, m̀ ɖǎ Báɓèɖɔ́ùn-nyɔ̀ ɓěɔ̀ gã, ké m̀ ɖǎ wa kpé nyí, ɓɛ́ wa ké à gǎ kɔ̃ dyà. 13Bounɓo, nì dyéɖéɔ̀ zi mú hwɛ̀ǐn mìɔ, ké ɔ se ɖɛ gbà dyi dyéɛ ɓɛ́ìn, ké mɔ̀ǔn táà ɖɛ-gbà-nyu-nyu dyi, ɓɛ́ ɔ ké dyúa mu. Kà ɔ nìà náa, nìí, ɖɛ́ kɔ̃̀ jè m̀ nìà ɖɛ-gbà-nyu-nyɔ̀ ɓěɛ̀ dyi táàǔn wɛ̃́? Ɖɛ́ kɔ̃̀ jè m̀ nìà gìɖìǐ, ɓɛ́ hwòɖǒ-kɔ̃in-nyìnììn-nyɔ̀ ɓěɛ̀ dyià nyɔ ɓě sɛ́ɖɛ́ìn dyí ké ɔ zi wa mɔ̀ùn dyíɛɛ kpã mànàìn nyɛ́?
14M̀ nyu nyɔǔn-dyù kà zimii ɓě kè ɓíɖíi-dyi-nà-ɖɛ̀ ɓě ɓɛ́ wa seà nàìn-nyɔ̀ ɖò ɓéɖéɛɛ nìà kɛ. 15Báɓèɖɔ́ùn-nyɔ̀ ɓěɔ̀ dyi, ké wa zà wa séín xwɛ̃ɛ́ dyí, mɔɔ wa kpɔ̃̀ìn wa kpéɖé mú, mɔɔ wa kpɔ̃̀ìn wa ɖé waà kpéɖé vɛ̀nɛ̀ɔ̀ mú. Ɔ ɖǎ ná nìǐn, nìí, wa hwòɖǒ dè dyi, ké wa kpá múàǔn. 16Sɔ̀ìn ɓóɛ gboɛɛ ní, wa nyu sáa-zàìn-ɖɛ̀ ɓě, ké wa fɔ̃ nyɔ́ún-nɔ̀mɔ̀-ɖɛ̀ ɓě ɓó waà kpéɖé ɓěɔ̀ bìì, sepóɛɖé waà kpéɖé ɓěɔ̀ mɔ̀ nyɔ nyuɛ ké wa cĩ́ bã-kà, ké wa ɖi ɖɛín-ɖɛ̀. 17Wa mu waà kpéɖé ɓěɔ̀ dyí ɖúùn, ɓɛ́ wa ké ɓóɖó-dù ɓěɔ̀ mú gbɔɔ̀ kpa kànàǎ-kà kánáá pūù?
Trenutno izbrano:
Hàbákù 1: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Hàbákù 1
1
1Wuɖu ɓɛ́ Bounɓoɔ̀ dèìn ma Hàbákù ɓɛ́ ɔ mɔ̀ ma kpáá-ɖɛ̀-cɛ̃-nyɔ̀ kɛɛ wĩín dyììn ɖé dyí-tɛ̀mɛ̀ìn-ɖɛ̀ múɛɛ kɛà kɛ̀.
Hàbákùɛ̀ ka-wùɖù ɓá se-dyí-sɛ́ɖɛ́ìn-ɖɛ̀ jè dyíɛ
2Bounɓo, ti jĩ̀ xwɛ̌ ḿ mɛ ɖá m̀ hwɛ̀ ɓɛ́ m̀ ké ḿ gbo ɖùǔ tò, ɓɛ́ m̀ ké ḿ gbo kpáá? Tiɔ̀ nyɛ́ nì mu ḿ ɖɛ-gbà-nyu-nyɔ̀ ɓě xwaún póìn nyɛ́? 3Ɖɛ́ kɔ̃̀ jè m̀ nyuɛ ɓɛ́ ḿ dyià ɖɛ gbà dyéɛ́? Ɖɛ́ kɔ̃̀ jè m̀ táà dyi, ɓɛ́ nyɔǔn dyià ḿ fũ̀à-fṹá nyùìn nyɛ́? Mú-gbɔɔ̀-gbɔɔ̀ kè ɖɛ gbà gbǎìn ḿ wɔ̃. Ɖɛín-zà-zà kè vɔ̃-vɔ̃ nì ḿ ɖei. 4Ɔ jèɛɛ, gmaɔ̀ ɖǎ ɓíɖíi dyi kpá, ké jǎà ɖò se nìɛ̀ ɓɛ́ìn ɖe. Ɖɛ-gbà-nyu-nyu vò dyí ké ɔ zi dyí-sɛ́ɖɛ́ìn-ɖɛ̀ nyu-nyu dyí jèɛɛ, nyɔ ɖò ní nyu ɖɛ sɛ́ɖɛ́ìn dyíɛɛ ɖe.
Bounɓoɔ̀ jǔ Hàbákù gɔ̃̌
5Hwɛ̀ ké Bounɓoɔ̀ jǔ ma Hàbákù gɔ̃̌, ké ɔ ɖá, “Ɓě gmɔ̀ ɓóɖó-dù ɓěɔ̀ dya, ɓɛ́ ɓě ké dyi giniìn, sepóɛɖé ní mu ɖɛ ɖò nyuùn ɓó ti ɓě nìà cĩ́ɛń nyɛ, ké ɓě seɛ jǎà poɛ́ mu, kɛbì wa mɛ cɛ̃ ɔ jè ɓě gboɛ. 6Gmɔ̀ nɔ̄, ní mu Báɓèɖɔ́ùn-nyɔ̀ ɓě mɔ̀à kpeɖeín-nyìnììn-nyɔ̀ kè hwòɖǒ-fṹà-nyɔ̀ ɓěɛɛ kpé nyíìn. Wa mɔ̀ nyɔ ɓě nìà ɓóɖó-kpà gànáà gboi ziɛń, ɓɛ́ wa kéà nyɔ ɓě cĩ́-naín ɓě ɓɛ́ wa se kɔ̃̀ɛɛ xwa zà kɛ. 7Wa po nyɔǔn fã̀àǔn, ké wa nyuɛ ké hwòɖǒ ɓaɖa nyɔǔn xwíníín dyi. Wa ní kpɔ̃ gma ɖò dyi, ké wa cɛ̃ wa mìɔùn nììn dya dè jè.
8“Báɓèɖɔ́ùn-nyɔ̀ ɓěɔ̀ sǒ ɓěɔ̀ fɛ̃́ìn xwa ké ɔ zi ji dyí, ké wa ɓéɖé dyoɖo ké ɔ zi kpɔ̃ɔ-nìmìì ɓɛ́ mɔ́ nyuɛɛ dyí. Waà sǒ-nàìn-nyɔ̀ ɓě sɔ̀ ɓóɖó vɛ̃in ɓě kɔ̃, ké waà sǒ ɓěɔ̀ ɓo-jĩ̌ dyi gìɖì-gìɖì. Sǒ-nàìn-nyɔ̀ ɓěɔ̀ po to wàɖà kà ke bǎà ɖɛ ɓíɖíiɛ.
9“Waà to-vɔ̃-nyɔ̀ ɓěɔ̀ kpa ɖɛ dyíin nyìnìɛ̀n, ké nyɔǔn séín hwòɖǒ tɛɖɛ wa xwíníín dyi ɔ jǔ ké wa dyi dyiɛń nìǐn. Ké wa kpɔ̃ nyɔ ɓáún-ɓáún se zɛɖɛɛ ɓɛ́ìn nyɛɛ ɖé waà toɔ̀ gbo.#1:9 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 10Ké wa zàìn kã́á ɓě zùǔn, ké wa ɓaɖa ɓóɖó-nàìn-nyɔ̀ ɓě dyɔ́. Wa se hwɔɖɔ cɛ̃̀ìn gmɔ ɖei ɖɛ ɖá. Wa poìn ɓóɖó-kòò dyí ɖé hwɔɖɔɔ̀ gmɔɔ̀ ɖei, ké wa ɖuɛ toún. 11Ɔ ɖǎ ná nìǐn, nìí, wa zi wàɖà kà dìì nyuà kɛ. Wa mɔ̀ nyɔ ɓě ɓɛ́ zaa ɖǎ kpɔ̃ɛ. Wa ɖú wa mìɔùn nììn kpéɔ̀ dyí, ɓɛ́ ɔ ké waà gèɖèpɔ́ɔ̀ jǔ.”#1:11 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè.
Hàbákùɛ̀ ka-wùɖù ɓá se-dyí-sɛ́ɖɛ́ìn-ɖɛ̀ jè dyíɛɛ sɔ̃́ nììnɔ̀
12Bounɓo, hwɛ̀ ɓóɖó-kpàà kéó zɔ̃̌ɔ̀ gbɔ dèɛɛ, m̀ mɔ̀ Gèɖèpɔ́ɔ̀. M̀ mɔ̀ ní Gèɖèpɔ́ɔ̀, ké m̀ hwɛ̀ mú, ké m̀ cĩ́ kánáá pū. Óó ní dyí-gmɔ̀ìn-sɔ̀ɔ̌-kpò, m̀ ɖǎ Báɓèɖɔ́ùn-nyɔ̀ ɓěɔ̀ gã, ké m̀ ɖǎ wa kpé nyí, ɓɛ́ wa ké à gǎ kɔ̃ dyà. 13Bounɓo, nì dyéɖéɔ̀ zi mú hwɛ̀ǐn mìɔ, ké ɔ se ɖɛ gbà dyi dyéɛ ɓɛ́ìn, ké mɔ̀ǔn táà ɖɛ-gbà-nyu-nyu dyi, ɓɛ́ ɔ ké dyúa mu. Kà ɔ nìà náa, nìí, ɖɛ́ kɔ̃̀ jè m̀ nìà ɖɛ-gbà-nyu-nyɔ̀ ɓěɛ̀ dyi táàǔn wɛ̃́? Ɖɛ́ kɔ̃̀ jè m̀ nìà gìɖìǐ, ɓɛ́ hwòɖǒ-kɔ̃in-nyìnììn-nyɔ̀ ɓěɛ̀ dyià nyɔ ɓě sɛ́ɖɛ́ìn dyí ké ɔ zi wa mɔ̀ùn dyíɛɛ kpã mànàìn nyɛ́?
14M̀ nyu nyɔǔn-dyù kà zimii ɓě kè ɓíɖíi-dyi-nà-ɖɛ̀ ɓě ɓɛ́ wa seà nàìn-nyɔ̀ ɖò ɓéɖéɛɛ nìà kɛ. 15Báɓèɖɔ́ùn-nyɔ̀ ɓěɔ̀ dyi, ké wa zà wa séín xwɛ̃ɛ́ dyí, mɔɔ wa kpɔ̃̀ìn wa kpéɖé mú, mɔɔ wa kpɔ̃̀ìn wa ɖé waà kpéɖé vɛ̀nɛ̀ɔ̀ mú. Ɔ ɖǎ ná nìǐn, nìí, wa hwòɖǒ dè dyi, ké wa kpá múàǔn. 16Sɔ̀ìn ɓóɛ gboɛɛ ní, wa nyu sáa-zàìn-ɖɛ̀ ɓě, ké wa fɔ̃ nyɔ́ún-nɔ̀mɔ̀-ɖɛ̀ ɓě ɓó waà kpéɖé ɓěɔ̀ bìì, sepóɛɖé waà kpéɖé ɓěɔ̀ mɔ̀ nyɔ nyuɛ ké wa cĩ́ bã-kà, ké wa ɖi ɖɛín-ɖɛ̀. 17Wa mu waà kpéɖé ɓěɔ̀ dyí ɖúùn, ɓɛ́ wa ké ɓóɖó-dù ɓěɔ̀ mú gbɔɔ̀ kpa kànàǎ-kà kánáá pūù?
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.