စံးထီၣ်ပတြၢၤ. ၅၃
၅၃
စီၤဒၤဝံးအသိၣ်တၢ်လၢတၢ်အခိၣ်အဂီၢ်, လၢတၢ်ဆါ. 1ပှၤဟးဂီၤဖိစံးလၢအသးကံၢ်ပူၤ, ယွၤတအိၣ်ဘၣ်န့ၣ် လီၤ. အၢဝဲသီဝဲတကူၢ်သ့ၣ်, မၤလံတၢ်သးဘၣ်အၢ လံ. ပှၤမၤတၢ်ဂ့ၤတအိၣ်ဘၣ်. 2ယွၤကွၢ်လီၤလၢမူခိၣ် လၢပှၤကညီဖိအဖီခိၣ်, ပှၤအသးဖး, ပှၤဃုယွၤအိၣ် တအိၣ်လဲၣ်န့ၣ်ဒ်သိးအကထံၣ်ဘၣ်လီၤ. 3လဲၤကမၣ် လံခဲလၢာ်လံ. ဘၣ်အၢလံတပူၤဃီလံ. ပှၤမၤတၢ်ဂ့ၤ တအိၣ်ဘၣ်, ထဲတဂၤဧိၤတအိၣ်ဘၣ်.
4ပှၤလၢအမၤတၢ်အၢတဖၣ်န့ၣ် တသ့ၣ်ညါဘၣ်တၢ် ဘၣ်ဧါ. အီၣ်ကွံာ်ယပှၤဂီၢ်မုၢ်ဒ်အအီၣ်ကိၣ်အသိး, ဒီး တကိးထီၣ်ဘၣ်ယွၤဘၣ်. 5ဖဲန့ၣ်ပျံၤတၢ်နးနးကလဲာ် ဖဲပျံၤတၢ်အလီၢ်တအိၣ်ဘၣ်. အဂ့ၢ်ဒ်အံၤ, ယွၤမၤလီၤ ပြံလီၤပြါပှၤသူၣ်ဒဲထီဒါနၤတဖၣ်အဃံအကွဲလီၤ. နဒုး မဲာ်ဆှးအီၤလီၤ. အဂ့ၢ်ဒ်အံၤ, ယွၤတပးကဲဘၣ်အီၤ ဘၣ်.
6မ်တၢ်ဟ့ၣ်အံၣ်စရ့လးအတၢ်အုၣ်က့ၤခီၣ်က့ၤ လၢစံ ယိၣ်အပူၤန့ၣ်တက့ၢ်. တုၤယွၤဒုးဟဲက့ၤအပှၤဂီၢ်မုၢ်အ တၢ်ကဲကုၢ်ဒီး ယၤကိာ်ကသူၣ်ဖှံသးညီ, အံၣ်စရ့လး ကသူၣ်ခုသးခုလီၤ.
Trenutno izbrano:
စံးထီၣ်ပတြၢၤ. ၅၃: KSWM
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Sgaw Mason Bible © Bible Society of Myanmar, 1853.