Malakiyaa̱ 4
4
Néná tsꞌénjeé xota̱ na̱xi̱ńdaá
1Ja̱koxi̱ boá nga je ndibá ngo ni̱xtjin xi sibé ka̱ma xikoó ngo orjno̱,
nínga ngayeje xota̱ xi nkꞌakoo̱n ko̱jo xi tsꞌén ni xi ndajiín,
xikoó tsi ńchjón tsa̱nga̱ ka̱ma.
Nga kjo̱chó kui ni̱xtjii̱n, ku̱i̱ti̱,
kó nde ngiti̱ kꞌuíndojín tjiaa̱ ko̱jo ja̱ma̱a̱. Tsó Néná xí tsi̱ꞌe̱ jájuún.
2Ta̱nga kjo̱a̱a̱ jún xi ndakonjnú jaꞌénna,
ngo tsꞌué tja̱tsi̱e̱ xi tjiín kjo̱a̱kixi̱ kjo̱tjokjá,
kó kuí boá xi kji̱ndi̱bájo̱ kjo̱a̱ꞌnaxiéꞌaá ki̱a̱ nga̱són nga̱a̱,
kó kjo̱tjojnú, kó xchíkji̱nkꞌájnú,
xikó maá ndií cho̱yojo xi sꞌe̱ jatjo má nchꞌoaá.
3Kó ko̱jna̱niéjnú xota̱ xi ndajiín, kui xi xikoó xa̱ ka̱ma ngi̱ya ndsa̱kojnú,
kui ni̱xtjin xi je kotíjña̱nda an. Tsó Néná xí tsi̱ꞌe̱ jájuún.
4Ngatjaꞌátsjienjnú kjo̱a̱kitii̱ moso̱na Moisee̱,
kui xi kixiyàa̱ ki̱a̱ na̱xi̱ Oree̱b tsi̱ꞌe̱ ngayeje xota̱ Israee̱l,
ki̱a̱ nínga kjitꞌa ngayeje kjo̱a̱botíxomaa̱ ko̱jo kjo̱a̱kitii̱.
5Ngotꞌe̱ ꞌne̱, kꞌi̱e̱ tsꞌéntsangiya an nda̱chji̱ni̱e̱ꞌén xi ꞌmí Eliyaa̱,
ngindiee̱ nga kji̱ndi̱bá ni̱xtjii̱n Néná,
ni̱xtjin je, ko̱jo ni̱xtjin nga tsie ni xi ndajín ka̱maa̱.
6Kuí boá xi sa̱ꞌin nga ko̱óndajo̱ nginí ini̱ma̱a̱ na̱ꞌmii̱ ko̱jo ndií,
ko̱jo ko̱óndajo̱ nginí ini̱ma̱a̱ ndií ko̱jo na̱ꞌmii̱,
ngatꞌa̱ tsi ta̱ kjoéꞌe̱ an, kó ta̱sá sa̱ꞌinkjié kjin an tꞌanangii̱.
Trenutno izbrano:
Malakiyaa̱ 4: MAIX
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Malakiyaa̱ 4
4
Néná tsꞌénjeé xota̱ na̱xi̱ńdaá
1Ja̱koxi̱ boá nga je ndibá ngo ni̱xtjin xi sibé ka̱ma xikoó ngo orjno̱,
nínga ngayeje xota̱ xi nkꞌakoo̱n ko̱jo xi tsꞌén ni xi ndajiín,
xikoó tsi ńchjón tsa̱nga̱ ka̱ma.
Nga kjo̱chó kui ni̱xtjii̱n, ku̱i̱ti̱,
kó nde ngiti̱ kꞌuíndojín tjiaa̱ ko̱jo ja̱ma̱a̱. Tsó Néná xí tsi̱ꞌe̱ jájuún.
2Ta̱nga kjo̱a̱a̱ jún xi ndakonjnú jaꞌénna,
ngo tsꞌué tja̱tsi̱e̱ xi tjiín kjo̱a̱kixi̱ kjo̱tjokjá,
kó kuí boá xi kji̱ndi̱bájo̱ kjo̱a̱ꞌnaxiéꞌaá ki̱a̱ nga̱són nga̱a̱,
kó kjo̱tjojnú, kó xchíkji̱nkꞌájnú,
xikó maá ndií cho̱yojo xi sꞌe̱ jatjo má nchꞌoaá.
3Kó ko̱jna̱niéjnú xota̱ xi ndajiín, kui xi xikoó xa̱ ka̱ma ngi̱ya ndsa̱kojnú,
kui ni̱xtjin xi je kotíjña̱nda an. Tsó Néná xí tsi̱ꞌe̱ jájuún.
4Ngatjaꞌátsjienjnú kjo̱a̱kitii̱ moso̱na Moisee̱,
kui xi kixiyàa̱ ki̱a̱ na̱xi̱ Oree̱b tsi̱ꞌe̱ ngayeje xota̱ Israee̱l,
ki̱a̱ nínga kjitꞌa ngayeje kjo̱a̱botíxomaa̱ ko̱jo kjo̱a̱kitii̱.
5Ngotꞌe̱ ꞌne̱, kꞌi̱e̱ tsꞌéntsangiya an nda̱chji̱ni̱e̱ꞌén xi ꞌmí Eliyaa̱,
ngindiee̱ nga kji̱ndi̱bá ni̱xtjii̱n Néná,
ni̱xtjin je, ko̱jo ni̱xtjin nga tsie ni xi ndajín ka̱maa̱.
6Kuí boá xi sa̱ꞌin nga ko̱óndajo̱ nginí ini̱ma̱a̱ na̱ꞌmii̱ ko̱jo ndií,
ko̱jo ko̱óndajo̱ nginí ini̱ma̱a̱ ndií ko̱jo na̱ꞌmii̱,
ngatꞌa̱ tsi ta̱ kjoéꞌe̱ an, kó ta̱sá sa̱ꞌinkjié kjin an tꞌanangii̱.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014