Malakiyaa̱ 2
2
Néná ko̱tíjeé chináꞌmii̱
1Ngotꞌe̱ ꞌne̱, jún chináꞌmi, jún boá xi tsꞌéntsjàjnúꞌun kui kjo̱a̱botíxomaa̱. 2Tsi ko̱si̱e̱nijónjínjnúu̱, kó tsi si̱ꞌansénjínjnúu̱ tsi̱ꞌe̱ nga ko̱e̱ꞌéjnúu̱ kjo̱a̱je jaꞌénna. Án boá xi sa̱ꞌin an nga ni xi ndajín kji̱ndi̱bániéjnú, ko̱jo ni xi ndajín sa̱ꞌin an kjo̱a̱niꞌánchikonñéjnú. Jo̱o̱n, ni xi ndajín sa̱ꞌin an ngatꞌa̱ ndaꞌyáꞌénjínjnúu̱ ni xi tsꞌénbotixoma an. Tsó Néná xí tsi̱ꞌe̱ jájuún. 3Kotijée̱ ndíjnú tsi̱ꞌe̱ nga on ka̱majnú, kó yeꞌe sa̱ꞌinkajájón an kje̱njnú, kui yeꞌee̱ cho̱ xi jún kiniꞌánkꞌasꞌienjnú, kó ki̱a̱ nijan ko̱ti̱chájnú kui nii̱. 4Kó xcha̱jnú nga án boá xi katsangiya an kui kjo̱a̱botíxomaa̱, tsi̱ꞌe̱ nga kui nii̱ xi kꞌuindajo̱ an Lebii̱. Tsó Néná xí tsi̱ꞌe̱ jájuún. 5Ni xi indajo̱ an Lebii̱, kjo̱a̱mindyion ko̱jo kjo̱a̱xió boá, kó kui nii̱ xi katsjáa̱ tsi̱ꞌe̱ nga stsa̱kjonna, ko̱jo nga sku̱i̱e̱ndikón jaꞌénna. 6Kjo̱a̱kiti xi ja̱koxi̱i̱ boá ni xi tsíchji̱a̱, kó jmíni̱xtjin nga ni xi kixi̱jín xi katsóyà. Kisꞌiee̱ kjo̱a̱xió ko̱jo kjo̱a̱kixi̱ nga ki̱a̱ katsꞌénxátꞌana, kó achichí má xota̱ xi jaꞌáxíntꞌaa̱ ni xi ndajín xi katsꞌén. 7Ngatꞌa̱ ni xi tsíchji̱a̱ chináꞌmii̱, chjiéngá kisꞌiee̱ kjo̱a̱kjíntakón, ngatꞌa̱ kjo̱a̱botíxomaa̱, chjiéngá nga ki̱a̱ ku̱i̱ndyi̱sé kjo̱a̱a̱ ni xi ka̱tso̱, ngatꞌa̱ kuí boá xi tsíchji̱a̱ én xí ja̱koxi̱i̱ kui Néná xi tsi̱ꞌe̱ jájuún. 8Ta̱nga jún jè ikitjaxíntꞌajnúu̱ ndi̱ya̱à, kó achichí má xi je kastingí ngi̱yaa̱ kjo̱a̱kitii̱ ta̱ngatꞌanii̱ jún, kó ti̱ kiniꞌándándíjnú ni xi indajo̱ an Lebii̱. Tsó Néná xí tsi̱ꞌe̱ jájuún. 9Kuíni nga án boá xi sa̱ꞌin an nga xota̱ xi ni̱ma̱ ko̱jo xi chꞌo ka̱majnú ngindyi̱ko̱n ngayeje xota̱ na̱xi̱ńdaá, ngatꞌa̱ kamáyàndikónjínjnú ndi̱yàna, kó chjaꞌájinjnú xotaa̱ ngi̱yaa̱ kjo̱a̱kitii̱. 10A mí tsí ta̱ ngo tsí má na̱ꞌminá. A mí tsí ti̱kuíní Néná xi katsꞌéndaná. Kó míkjo̱a̱a̱ nga kixi̱jín niꞌánjo̱ ja̱kꞌi̱e̱ ja̱ngaján xota̱, nga ndyi̱niꞌánkjatsón ni xi índa xota̱ xi xcháná. 11Jundáa̱ kixi̱jín kamá, kó achichí ni xi ndajín kjima nangi Israee̱l ko̱jo na̱xi̱ńdáꞌniú Jerusalee̱n, ngatꞌa̱ Jundáa̱, ngiti̱ kamábendikónjín ngase Ndiꞌandikoón Néná, kui Néná xí tjoó kui, kó je ixánjo̱ tsa̱kji̱ín ngo ne xi yàjín ꞌyákuií bo̱a̱. 12Néná ngatjaꞌáxín ngi̱ya ndiꞌaa̱ Jakoo̱b xota̱ xi kui nii̱ ndyi̱tsꞌèn, ti̱kuínií tsi mostroo̱ ko̱jo tsi xi tjibókoyaá nga ndyi̱tsꞌènkꞌásꞌién kjo̱a̱tjó ngindyi̱ko̱n Néná xí tsi̱ꞌe̱ jájuún. 13Kó ko̱jo kui nii̱ xi tsꞌén nga: ꞌBikítsie maá ndándyíko̱n nga̱són ṉchaa̱n Néná, kó kjandá, kó ni̱ma̱ tsó, ngatꞌa̱ Néná nginijánjín kjíbé kjo̱a̱tjoó, ti̱nde ngiti̱ tsjajín maá nga kjíbé ngi̱ya ndsa̱jnú. 14Kó to̱kó bi̱ ꞌmíjnú nga bosíyájnú: Míkjo̱a̱a̱. Ngatꞌa̱ Néná boá xi chistiko̱ kamá kjo̱a̱a̱ ji, ko̱jo kui na̱ xi kixindyinje̱ ji ndeskande koó nga kjindí jí, kui xi tiniꞌíntꞌée̱kjo̱a̱, kó nga kuí boá xi tikónjoo̱, ko̱jo nga kuí boá kui na̱ xi ikꞌíndeje̱ ji ngo ni. 15A ti̱ kuijín Néná xí katsꞌénda yojoo̱ ko̱jo a̱si̱énni̱xtjii̱n kui naa̱ nga. Kó mí xí tsꞌénmíꞌá kuí. Ngo xota̱ tji̱e̱ xi tsi̱ꞌe̱ Néná ka̱ma. Ja̱ chónjnúu̱ a̱si̱énni̱xtjinjnú, kó nga niꞌántꞌajínjnúu̱kjo̱a̱ na̱ xi tindyionjo̱jnú ndeskande koó nga kjindíjnú. 16Ngatꞌa̱ bi̱ tsó Néná xí tsi̱ꞌe̱ xota̱ Israee̱l: Kui xi tsꞌenchꞌó chjo̱ón kjo̱a̱a̱ nga je ngiti̱ tjójiín, ndajín tjítsꞌeén ti̱kuii yojoo̱. Tsó Néná xí tsi̱ꞌe̱ jájuún. Kuíni nga chónjnúu̱ a̱si̱énni̱xtjinjnú, kó ngata̱ niꞌántꞌajínjnúu̱kjo̱a̱ chjo̱ónjnú. 17Jè tsꞌajoón Néná kjo̱a̱a̱ én xí ndokjo̱a̱jnú. Kó bi̱ ꞌmíjnú: Mí ni xi je tsꞌajonnii̱. Ja̱ kjo̱a̱a̱ nga bi̱ ꞌmíjnú: Ngayeje xota̱ xi ni xi ndajín tsꞌeén, tsja maa̱ Néná, kó tsja maa̱ kjo̱a̱a̱ kui xotaa̱, kó, ja̱ ñání tikón kui Ne xi kixi̱i̱ ꞌne̱.
Trenutno izbrano:
Malakiyaa̱ 2: MAIX
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Malakiyaa̱ 2
2
Néná ko̱tíjeé chináꞌmii̱
1Ngotꞌe̱ ꞌne̱, jún chináꞌmi, jún boá xi tsꞌéntsjàjnúꞌun kui kjo̱a̱botíxomaa̱. 2Tsi ko̱si̱e̱nijónjínjnúu̱, kó tsi si̱ꞌansénjínjnúu̱ tsi̱ꞌe̱ nga ko̱e̱ꞌéjnúu̱ kjo̱a̱je jaꞌénna. Án boá xi sa̱ꞌin an nga ni xi ndajín kji̱ndi̱bániéjnú, ko̱jo ni xi ndajín sa̱ꞌin an kjo̱a̱niꞌánchikonñéjnú. Jo̱o̱n, ni xi ndajín sa̱ꞌin an ngatꞌa̱ ndaꞌyáꞌénjínjnúu̱ ni xi tsꞌénbotixoma an. Tsó Néná xí tsi̱ꞌe̱ jájuún. 3Kotijée̱ ndíjnú tsi̱ꞌe̱ nga on ka̱majnú, kó yeꞌe sa̱ꞌinkajájón an kje̱njnú, kui yeꞌee̱ cho̱ xi jún kiniꞌánkꞌasꞌienjnú, kó ki̱a̱ nijan ko̱ti̱chájnú kui nii̱. 4Kó xcha̱jnú nga án boá xi katsangiya an kui kjo̱a̱botíxomaa̱, tsi̱ꞌe̱ nga kui nii̱ xi kꞌuindajo̱ an Lebii̱. Tsó Néná xí tsi̱ꞌe̱ jájuún. 5Ni xi indajo̱ an Lebii̱, kjo̱a̱mindyion ko̱jo kjo̱a̱xió boá, kó kui nii̱ xi katsjáa̱ tsi̱ꞌe̱ nga stsa̱kjonna, ko̱jo nga sku̱i̱e̱ndikón jaꞌénna. 6Kjo̱a̱kiti xi ja̱koxi̱i̱ boá ni xi tsíchji̱a̱, kó jmíni̱xtjin nga ni xi kixi̱jín xi katsóyà. Kisꞌiee̱ kjo̱a̱xió ko̱jo kjo̱a̱kixi̱ nga ki̱a̱ katsꞌénxátꞌana, kó achichí má xota̱ xi jaꞌáxíntꞌaa̱ ni xi ndajín xi katsꞌén. 7Ngatꞌa̱ ni xi tsíchji̱a̱ chináꞌmii̱, chjiéngá kisꞌiee̱ kjo̱a̱kjíntakón, ngatꞌa̱ kjo̱a̱botíxomaa̱, chjiéngá nga ki̱a̱ ku̱i̱ndyi̱sé kjo̱a̱a̱ ni xi ka̱tso̱, ngatꞌa̱ kuí boá xi tsíchji̱a̱ én xí ja̱koxi̱i̱ kui Néná xi tsi̱ꞌe̱ jájuún. 8Ta̱nga jún jè ikitjaxíntꞌajnúu̱ ndi̱ya̱à, kó achichí má xi je kastingí ngi̱yaa̱ kjo̱a̱kitii̱ ta̱ngatꞌanii̱ jún, kó ti̱ kiniꞌándándíjnú ni xi indajo̱ an Lebii̱. Tsó Néná xí tsi̱ꞌe̱ jájuún. 9Kuíni nga án boá xi sa̱ꞌin an nga xota̱ xi ni̱ma̱ ko̱jo xi chꞌo ka̱majnú ngindyi̱ko̱n ngayeje xota̱ na̱xi̱ńdaá, ngatꞌa̱ kamáyàndikónjínjnú ndi̱yàna, kó chjaꞌájinjnú xotaa̱ ngi̱yaa̱ kjo̱a̱kitii̱. 10A mí tsí ta̱ ngo tsí má na̱ꞌminá. A mí tsí ti̱kuíní Néná xi katsꞌéndaná. Kó míkjo̱a̱a̱ nga kixi̱jín niꞌánjo̱ ja̱kꞌi̱e̱ ja̱ngaján xota̱, nga ndyi̱niꞌánkjatsón ni xi índa xota̱ xi xcháná. 11Jundáa̱ kixi̱jín kamá, kó achichí ni xi ndajín kjima nangi Israee̱l ko̱jo na̱xi̱ńdáꞌniú Jerusalee̱n, ngatꞌa̱ Jundáa̱, ngiti̱ kamábendikónjín ngase Ndiꞌandikoón Néná, kui Néná xí tjoó kui, kó je ixánjo̱ tsa̱kji̱ín ngo ne xi yàjín ꞌyákuií bo̱a̱. 12Néná ngatjaꞌáxín ngi̱ya ndiꞌaa̱ Jakoo̱b xota̱ xi kui nii̱ ndyi̱tsꞌèn, ti̱kuínií tsi mostroo̱ ko̱jo tsi xi tjibókoyaá nga ndyi̱tsꞌènkꞌásꞌién kjo̱a̱tjó ngindyi̱ko̱n Néná xí tsi̱ꞌe̱ jájuún. 13Kó ko̱jo kui nii̱ xi tsꞌén nga: ꞌBikítsie maá ndándyíko̱n nga̱són ṉchaa̱n Néná, kó kjandá, kó ni̱ma̱ tsó, ngatꞌa̱ Néná nginijánjín kjíbé kjo̱a̱tjoó, ti̱nde ngiti̱ tsjajín maá nga kjíbé ngi̱ya ndsa̱jnú. 14Kó to̱kó bi̱ ꞌmíjnú nga bosíyájnú: Míkjo̱a̱a̱. Ngatꞌa̱ Néná boá xi chistiko̱ kamá kjo̱a̱a̱ ji, ko̱jo kui na̱ xi kixindyinje̱ ji ndeskande koó nga kjindí jí, kui xi tiniꞌíntꞌée̱kjo̱a̱, kó nga kuí boá xi tikónjoo̱, ko̱jo nga kuí boá kui na̱ xi ikꞌíndeje̱ ji ngo ni. 15A ti̱ kuijín Néná xí katsꞌénda yojoo̱ ko̱jo a̱si̱énni̱xtjii̱n kui naa̱ nga. Kó mí xí tsꞌénmíꞌá kuí. Ngo xota̱ tji̱e̱ xi tsi̱ꞌe̱ Néná ka̱ma. Ja̱ chónjnúu̱ a̱si̱énni̱xtjinjnú, kó nga niꞌántꞌajínjnúu̱kjo̱a̱ na̱ xi tindyionjo̱jnú ndeskande koó nga kjindíjnú. 16Ngatꞌa̱ bi̱ tsó Néná xí tsi̱ꞌe̱ xota̱ Israee̱l: Kui xi tsꞌenchꞌó chjo̱ón kjo̱a̱a̱ nga je ngiti̱ tjójiín, ndajín tjítsꞌeén ti̱kuii yojoo̱. Tsó Néná xí tsi̱ꞌe̱ jájuún. Kuíni nga chónjnúu̱ a̱si̱énni̱xtjinjnú, kó ngata̱ niꞌántꞌajínjnúu̱kjo̱a̱ chjo̱ónjnú. 17Jè tsꞌajoón Néná kjo̱a̱a̱ én xí ndokjo̱a̱jnú. Kó bi̱ ꞌmíjnú: Mí ni xi je tsꞌajonnii̱. Ja̱ kjo̱a̱a̱ nga bi̱ ꞌmíjnú: Ngayeje xota̱ xi ni xi ndajín tsꞌeén, tsja maa̱ Néná, kó tsja maa̱ kjo̱a̱a̱ kui xotaa̱, kó, ja̱ ñání tikón kui Ne xi kixi̱i̱ ꞌne̱.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014