Sơnròp Gơlik Gơs 49
49
Jơnau đơs hwơr Jakôp dê bơh ală Kòn klau khai dê
1Jakôp hòi ală kòn klau khai dê lòt tus mơ đơs lah: “Pơjum tĕ tềng do, añ rơp đơs ală bơta rơp gơlik ală bol mê in tòm ngai tơnơ̆.
2Ơ ală kòn klau Jakôp dê, lòt tus tĕ pơjum mơ iat;
iat jơnau Israel bèp ală bol mê dê.
3Ơ Ruben! Mê la kòn tơnhoa añ jê,
Bơta pràn mơ plai đo bơta pràn kơldang sơnròp añ jê,
Mê la lin rlau tòm bơta ryŭ ryơm, mơ lin rlau tòm gơnap gơnoar.
4Mê khuh rơndul be dà, gen ò lin rlau mơ cau lơi,
Bơh mê neh guh hơđang cơnòng bic añ
Tus hơ cơnòng bic añ mơ lơh ƀơ̆ ƀơl!
5Simeôn mơ Lebi la oh mi tòm.
Đào bol khai ngan la phan tòmlơh jàñ bơsak;
6Dan bañ ai hwềng añ jê dô nùs bal tòm bơta bơyai bol khai dê.
Bañ lòi añ gơs pơnah bal mơ mpồl jơnum bol khai dê.
Bơh bơta gơjrañ bol khai neh tơnchơt cau,
Mơ bơh nùs is bol khai neh sreh kơjòn ală kơnrồ dam.
7Pal srat rma bơta gơhào gơjrañ bol khai dê, bơh ngan la jàñ bơsak!
Pal srat rma bơta gơjrañ bol khai dê, bơh gơ la iơh rmơh!
Añ rơp cah bol khai bơh tòm Jakôp,
Mơ lơh bol khai nrah nring tòm Israel.
8Ơ Juda! Ală oh mê rơp jòng ro mê,
Tê mê rơp sơmbat di ngko cau sò tơm mê,
Ală kòn klau añ rơp tơmbic să di đap mê.
9 Juda la dô nơm klìu triă,
Ơ kòn, mê rê bơh phan mê neh kup geh.
Cùn gơltang, kơp brồ be klìu triă brồ dam,
Mơ be klìu triă me, ñcau khin pơrlai khai taih?
10Gai gơnap gơnoar bơtau dê ò gơtă bơh di Juda,
Gai jra cau at bồ ò ngài bơh di jơng khai,
Tus di tŭ Bơtau Silô tus,
Mơ ală làng bol dòn duh Kơnràñ.
11Khai kơt alàng dra khai dê di tòm ño,
mơ kơt alàng kòn khai dê di ntê ño niam rlau jơh,
Khai pìh ào khai tòm tơrnòm,
Mơ ào jrùh khai tòm mhàm ño.
12Mat khai pơrhê rlau mơ tơrnòm,
sề khai bò rlau mơ dà toh.
13Jebulun rơp ơm di gah dàlềng,
Khai ơm di tiah kìng crŭ ală ơhò dê;
Nhàr lơgar khai lòt tus hơ đah Sidôn.
14Isaka la dô nơm alàng pràn kơldang,
Bic digùl wàng;
15Khai gŏ tiah khai rlô la niam,
Mơ lơgar niam nùs ngan.
Khai neh ai pơnì nàng àñ ơnòng,
mơ gơlik gơs dô nă cau dĭ duh broă bòl glar.
16Dan rơp cahrña làng bol khai dê,
Be dô jơi bơtiàn tòm ală jơi bơtiàn Israel.
17Dan rơp la dô nơm bơs tòm gùng,
Dô nơm bơs tur kơmboal tòm gùng dềt,
Kap kơndòl jơng ơseh,
Lơh cau hào in dùh sơrplàng ntơh.
18Ơ Jehôwa! Añ neh kơp gơn bơta dong klàs Kơnràñ dê!
19Gat rơp gơkòl cau sò tơm, brồ lơh,
Mơya khai rơp sòdră wơl mơ ting bàn bol khai.
20Aser gơs phan sa lìu làc,
Khai rơp yò phan sa bơkah ală cau bơtau in.
21Neptali la dô nơm jùn me hồ khat gơboh,
Khai đơs ală jơnau niam bơkah tồr.
22Jôsep la dô nơm ntê chi bềng plai,
ntê chi bềng plai hòn rềp di hiòng dà,
Ală ntê gơ gơtơƀă đah ne dơrñang.
23Cau pañ àtak neh sò tơm di khai pràn ngan,
Pañ khai mơ kam, mơ rồn bơklơn.
24Khai kơnòm di tê Bơtau Gơnap Gơnoar Làm Jơh Jakôp dê,
Gen àtak khai gam kơ̆ sùm.
Kơnòm di Bơtau Ê Belàt, la Pơnai Lŭ Israel dê.
Mơ bàr nơm tê khai gam sơrbac sơrbang sùm.
25Yàng Tom Trồ bèp mê dê rơp dong mê;
Bơtau Gơnap Gơnoar Làm Jơh rơp ai lơngai mê in;
Hơ̆ la bơta lơngai bơh hơđang trồ mù,
Mơ la bơta lơngai guh bơh cìr jrô hơđơm,
Bơta lơngai ală toh mè dê, mơ hìu kòn dê.
26Bơta lơngai añ ai mê in
la lin rlau mơ ală bơta lơngai mò pàng añ jê,
lin rlau mơ ală bồ mơnơm gam sùm sùm;
Dan ală bơta lơngai do rơp ơm di bồ Jôsep,
hơđang bồ cau bơtau ơm digùl oh mi khai dê.
27Benjamin la dô nơm so rhau jak crè,
Àng drim khai brồ kup phan khai kup geh,
Mho khai tòmpà phan sa khai neh geh.”
28Ală cau hơ̆ rơp la jơt bàr jơi bơtiàn Israel dê, mơ hơ̆ la ală jơnau bèp bol khai neh đơs tòm tŭ ai lơngai bol khai in, kòp nă dô bơta lơngai is.
Bơta chơt Jakôp dê
29Gen, khai sồr bol khai lah: “Añ rơp rê hơ tiah mò pàng añ jê, ală bol mê tơp tĕ añ bal mơ mò pàng añ di bơtô mơ lŭ tòm ƀlàng sre Eprôn cau Hetit, 30 hơ̆ la trồm lŭ tòm ƀlàng Makpela, rềp Mamre tòm lơgar Kanaan, mơ Abraham neh blơi nàng lơh tiah tơp ƀồc bal mơ ƀlàng sre Eprôn dê. 31 Tềng hơ̆ cau neh tơp Abraham mơ Sara bau khai dê, Isak mơ Rebeka bau khai dê, mơ tai añ neh tơp Lea tềng hơ̆ sơl. 32Ƀlàng sre bal mơ bơtô lŭ tềng hơ̆ neh blơi mơ ală kòn sau Het dê.”
33 Tòm tŭ neh sir nting bơr mơ ală kòn klau khai dê rau, gen Jakôp ơn wơl jơng di cơnòng bic, khai tac nhơm, mơ rê hơ mò pàng khai dê.
Currently Selected:
Sơnròp Gơlik Gơs 49: KPM2018
Označeno
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Sơnròp Gơlik Gơs 49
49
Jơnau đơs hwơr Jakôp dê bơh ală Kòn klau khai dê
1Jakôp hòi ală kòn klau khai dê lòt tus mơ đơs lah: “Pơjum tĕ tềng do, añ rơp đơs ală bơta rơp gơlik ală bol mê in tòm ngai tơnơ̆.
2Ơ ală kòn klau Jakôp dê, lòt tus tĕ pơjum mơ iat;
iat jơnau Israel bèp ală bol mê dê.
3Ơ Ruben! Mê la kòn tơnhoa añ jê,
Bơta pràn mơ plai đo bơta pràn kơldang sơnròp añ jê,
Mê la lin rlau tòm bơta ryŭ ryơm, mơ lin rlau tòm gơnap gơnoar.
4Mê khuh rơndul be dà, gen ò lin rlau mơ cau lơi,
Bơh mê neh guh hơđang cơnòng bic añ
Tus hơ cơnòng bic añ mơ lơh ƀơ̆ ƀơl!
5Simeôn mơ Lebi la oh mi tòm.
Đào bol khai ngan la phan tòmlơh jàñ bơsak;
6Dan bañ ai hwềng añ jê dô nùs bal tòm bơta bơyai bol khai dê.
Bañ lòi añ gơs pơnah bal mơ mpồl jơnum bol khai dê.
Bơh bơta gơjrañ bol khai neh tơnchơt cau,
Mơ bơh nùs is bol khai neh sreh kơjòn ală kơnrồ dam.
7Pal srat rma bơta gơhào gơjrañ bol khai dê, bơh ngan la jàñ bơsak!
Pal srat rma bơta gơjrañ bol khai dê, bơh gơ la iơh rmơh!
Añ rơp cah bol khai bơh tòm Jakôp,
Mơ lơh bol khai nrah nring tòm Israel.
8Ơ Juda! Ală oh mê rơp jòng ro mê,
Tê mê rơp sơmbat di ngko cau sò tơm mê,
Ală kòn klau añ rơp tơmbic să di đap mê.
9 Juda la dô nơm klìu triă,
Ơ kòn, mê rê bơh phan mê neh kup geh.
Cùn gơltang, kơp brồ be klìu triă brồ dam,
Mơ be klìu triă me, ñcau khin pơrlai khai taih?
10Gai gơnap gơnoar bơtau dê ò gơtă bơh di Juda,
Gai jra cau at bồ ò ngài bơh di jơng khai,
Tus di tŭ Bơtau Silô tus,
Mơ ală làng bol dòn duh Kơnràñ.
11Khai kơt alàng dra khai dê di tòm ño,
mơ kơt alàng kòn khai dê di ntê ño niam rlau jơh,
Khai pìh ào khai tòm tơrnòm,
Mơ ào jrùh khai tòm mhàm ño.
12Mat khai pơrhê rlau mơ tơrnòm,
sề khai bò rlau mơ dà toh.
13Jebulun rơp ơm di gah dàlềng,
Khai ơm di tiah kìng crŭ ală ơhò dê;
Nhàr lơgar khai lòt tus hơ đah Sidôn.
14Isaka la dô nơm alàng pràn kơldang,
Bic digùl wàng;
15Khai gŏ tiah khai rlô la niam,
Mơ lơgar niam nùs ngan.
Khai neh ai pơnì nàng àñ ơnòng,
mơ gơlik gơs dô nă cau dĭ duh broă bòl glar.
16Dan rơp cahrña làng bol khai dê,
Be dô jơi bơtiàn tòm ală jơi bơtiàn Israel.
17Dan rơp la dô nơm bơs tòm gùng,
Dô nơm bơs tur kơmboal tòm gùng dềt,
Kap kơndòl jơng ơseh,
Lơh cau hào in dùh sơrplàng ntơh.
18Ơ Jehôwa! Añ neh kơp gơn bơta dong klàs Kơnràñ dê!
19Gat rơp gơkòl cau sò tơm, brồ lơh,
Mơya khai rơp sòdră wơl mơ ting bàn bol khai.
20Aser gơs phan sa lìu làc,
Khai rơp yò phan sa bơkah ală cau bơtau in.
21Neptali la dô nơm jùn me hồ khat gơboh,
Khai đơs ală jơnau niam bơkah tồr.
22Jôsep la dô nơm ntê chi bềng plai,
ntê chi bềng plai hòn rềp di hiòng dà,
Ală ntê gơ gơtơƀă đah ne dơrñang.
23Cau pañ àtak neh sò tơm di khai pràn ngan,
Pañ khai mơ kam, mơ rồn bơklơn.
24Khai kơnòm di tê Bơtau Gơnap Gơnoar Làm Jơh Jakôp dê,
Gen àtak khai gam kơ̆ sùm.
Kơnòm di Bơtau Ê Belàt, la Pơnai Lŭ Israel dê.
Mơ bàr nơm tê khai gam sơrbac sơrbang sùm.
25Yàng Tom Trồ bèp mê dê rơp dong mê;
Bơtau Gơnap Gơnoar Làm Jơh rơp ai lơngai mê in;
Hơ̆ la bơta lơngai bơh hơđang trồ mù,
Mơ la bơta lơngai guh bơh cìr jrô hơđơm,
Bơta lơngai ală toh mè dê, mơ hìu kòn dê.
26Bơta lơngai añ ai mê in
la lin rlau mơ ală bơta lơngai mò pàng añ jê,
lin rlau mơ ală bồ mơnơm gam sùm sùm;
Dan ală bơta lơngai do rơp ơm di bồ Jôsep,
hơđang bồ cau bơtau ơm digùl oh mi khai dê.
27Benjamin la dô nơm so rhau jak crè,
Àng drim khai brồ kup phan khai kup geh,
Mho khai tòmpà phan sa khai neh geh.”
28Ală cau hơ̆ rơp la jơt bàr jơi bơtiàn Israel dê, mơ hơ̆ la ală jơnau bèp bol khai neh đơs tòm tŭ ai lơngai bol khai in, kòp nă dô bơta lơngai is.
Bơta chơt Jakôp dê
29Gen, khai sồr bol khai lah: “Añ rơp rê hơ tiah mò pàng añ jê, ală bol mê tơp tĕ añ bal mơ mò pàng añ di bơtô mơ lŭ tòm ƀlàng sre Eprôn cau Hetit, 30 hơ̆ la trồm lŭ tòm ƀlàng Makpela, rềp Mamre tòm lơgar Kanaan, mơ Abraham neh blơi nàng lơh tiah tơp ƀồc bal mơ ƀlàng sre Eprôn dê. 31 Tềng hơ̆ cau neh tơp Abraham mơ Sara bau khai dê, Isak mơ Rebeka bau khai dê, mơ tai añ neh tơp Lea tềng hơ̆ sơl. 32Ƀlàng sre bal mơ bơtô lŭ tềng hơ̆ neh blơi mơ ală kòn sau Het dê.”
33 Tòm tŭ neh sir nting bơr mơ ală kòn klau khai dê rau, gen Jakôp ơn wơl jơng di cơnòng bic, khai tac nhơm, mơ rê hơ mò pàng khai dê.
Currently Selected:
:
Označeno
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.