Sơnròp Gơlik Gơs 45
45
Jôsep yal să khai oh mi khai in mơ sồr cau lòt rò bèp kra
1 Tŭ hơ̆, Jôsep ò jai ơt di đap ală cau gùt dar gen driau lah: “Tơlik tĕ jơh ală cau!” Dơ̆ Jôsep yal loh să khai oh mi khai in gen ò gơs dô nă cau ndai ơm tềng hơ̆. 2Khai nggà ñìm, làng bol Ejiptơ kơno mơ hìu nhă Pharaôn kung kơno sơl.
3Jôsep yal mơ oh mi khai lah: “Añ la Jôsep. Bèp añ gam kis sơl?” Mơya di đap khai ală oh mi ò suk ơm, ò rgơi ho dô êt lơi.
4Mơ khai đơs lah: “Ală oh mi tus rềp tĕ mơ añ.” Gen bol khai tus rềp. Khai đơs lah: “Añ la Jôsep, oh mơ ală bi neh tac lam tus hơ lơgar Ejiptơ. 5Tŭ do, bañ kơlôi moat jrùng, mơ kung bañ gơjrañ di să tòm ală bi bơh ală bi neh tac añ tus hơ lơgar do, bơh Yàng Tom Trồ neh sồr añ lòt tus tềng do lài mơ ală bi nàng sền gàr bơta kis ală bi dê. 6Ne, neh bàr nam rau gơs jơgloh rung tòm lơgar mơ gam pram nam tai ò gơs lơòr mơ ò gơs toès bơta lơi. 7Yàng Tom Trồ neh pơyoa añ lòt tus lài nàng lơh ală bi in gam gơtơrbŏ jơi hơđang ù, bơh dô bơta dong klàs dờng nàng sền gàr bơta kis oh mi in. 8Ò di la ală bi neh pơyoa añ tus hơ do ò, hơ̆ la Yàng Tom Trồ. Kơnràñ neh ai añ in gơs bèp Pharaôn dê, at bồ jơh hìu nhă khai, mơ at bồ làm jơh lơgar Ejiptơ.
9 Ală bi rê mhar tĕ hơ bèp añ mơ yal khai in lah: ‘Jôsep kòn bèp dê neh đơs be do: Yàng Tom Trồ neh ai añ in gơs bơtau tòm làm lơgar Ejiptơ, bèp mù tĕ tus hơ añ, dan bañ òbat nyà. 10Bèp, ală kòn, ală sau, ală belàt, ală kơnrồ mơ jơh ală phan bèp dê rơp ơm tòm lơgar Gôsen rềp mơ añ. 11Tềng hơ̆ añ rơp ròng bèp, tài bơh gam pram nam jơgloh rung tai, rngòt bèp, hìu nhă bèp, mơ jơh ală phan bèp dê gơkòl jơgloh rƀah.’ 12Do ală bi mơ Benjamin neh gŏ añ tòm toh mat mơ bơr tòm añ neh tòmbơh mơ oh mi. 13Behơ̆ yal tĕ wơl bèp in ală bơta gơklŏ añ jê tòm lơgar Ejiptơ mơ kòp broă oh mi neh gŏ, mơ lam bèp mù tĕ mhar hơ do.”
14Chòp, khai koar di ngko Benjamin oh khai mơ ñìm, Benjamin kung koar di ngko khai mơ ñìm sơl. 15Khai kung cum ală bi khai mơ ñìm. Gen oh mi khai tòmbơhbơr mơ khai.
Pharaôn dong kòl jat nùs kòñ Jôsep dê
16Mơ jơnau pơnro tus hơ hìu Pharaôn lah: “Oh mi Jôsep neh tus.” Bơta hơ̆ niam nùs Pharaôn mơ ală cau duh broă khai dê.
17Gen Pharaôn đơs mơ Jôsep lah: “Sồr tĕ oh mi mê lah: ‘Ơn tĕ phan di alàng mơ rê hơ lơgar Kanaan, 18rò bèp mơ ală hìu nhă oh mi mê dê mù tus hơ añ. Añ rơp ai oh mi mê in phan mơna màng tòm lơgar Ejiptơ, mơ ală oh mi mê rơp sa phan bơkah lơgar dê.’ 19Ai añ sồr mê yal tĕ wơl mơ bol khai be do: ‘Cèng tĕ rơndeh bơh lơgar Ejiptơ nàng pơdiang ală kòn dềt mơ ală bau bol mê dê, mơ lam bèp ală bol mê mù hơ do. 20Bañ pơlai phan mơna he dê bơh ală phan màng niam rlau jơh tòm lơgar Ejiptơ rơp la phan ală bol mê dê.’”
21Ală kòn klau Israel dê lơh jat behơ̆, Jôsep jat jơnau sồr Pharaôn dê, ai oh mi khai in rơndeh mơ phan sa ngui rò gùng. 22Khai kung ai kòp nă in ào bơsoh mơ khai ai Benjamin in pe rhiang pet priă mơ pram nơm ào bơsoh. 23Khai kung pơyoa bèp khai in jơt nơm alàng pơdiang ală phan màng tòm lơgar Ejiptơ, mơ jơt nơm alàng me pơdiang kòi, piang lă mơ ală phan nàng bèp khai ai sa rò gùng.
24Behơ̆ Jôsep sồr oh mi khai rê. Mơ khai nting bơr mơ bol khai lah: “Oh mi bañ pơndang bal rò gùng.”
Jakôp rcang mù hơ lơgar Ejiptơ
25Ală oh mi bơh lơgar Ejiptơ rê tus lơgar Kanaan, tiah Jakôp bèp bol khai ơm. 26Bol khai yal wơl mơ bèp lah: “Jôsep gam kis, mơ să tòm khai at bồ jơh lơgar Ejiptơ.” Mơ nùs Jakôp ò gơjal bơh khai ò dòn jơnau bol khai yal wơl. 27Bol khai yal wơl jơh ală jơnau Jôsep neh đơs. Dơ̆ Jakôp gŏ ală rơndeh Jôsep neh pơyoa nàng rò khai gen sồng nùs tồr khai kah rngal wơl. 28Gen Israel đơs lah: “Di, añ git rau, Jôsep, kòn klau añ gam kis, añ rơp lòt nàng tìp mơ khai lài mơ tŭ añ chơt.”
Currently Selected:
Sơnròp Gơlik Gơs 45: KPM2018
Označeno
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
Sơnròp Gơlik Gơs 45
45
Jôsep yal să khai oh mi khai in mơ sồr cau lòt rò bèp kra
1 Tŭ hơ̆, Jôsep ò jai ơt di đap ală cau gùt dar gen driau lah: “Tơlik tĕ jơh ală cau!” Dơ̆ Jôsep yal loh să khai oh mi khai in gen ò gơs dô nă cau ndai ơm tềng hơ̆. 2Khai nggà ñìm, làng bol Ejiptơ kơno mơ hìu nhă Pharaôn kung kơno sơl.
3Jôsep yal mơ oh mi khai lah: “Añ la Jôsep. Bèp añ gam kis sơl?” Mơya di đap khai ală oh mi ò suk ơm, ò rgơi ho dô êt lơi.
4Mơ khai đơs lah: “Ală oh mi tus rềp tĕ mơ añ.” Gen bol khai tus rềp. Khai đơs lah: “Añ la Jôsep, oh mơ ală bi neh tac lam tus hơ lơgar Ejiptơ. 5Tŭ do, bañ kơlôi moat jrùng, mơ kung bañ gơjrañ di să tòm ală bi bơh ală bi neh tac añ tus hơ lơgar do, bơh Yàng Tom Trồ neh sồr añ lòt tus tềng do lài mơ ală bi nàng sền gàr bơta kis ală bi dê. 6Ne, neh bàr nam rau gơs jơgloh rung tòm lơgar mơ gam pram nam tai ò gơs lơòr mơ ò gơs toès bơta lơi. 7Yàng Tom Trồ neh pơyoa añ lòt tus lài nàng lơh ală bi in gam gơtơrbŏ jơi hơđang ù, bơh dô bơta dong klàs dờng nàng sền gàr bơta kis oh mi in. 8Ò di la ală bi neh pơyoa añ tus hơ do ò, hơ̆ la Yàng Tom Trồ. Kơnràñ neh ai añ in gơs bèp Pharaôn dê, at bồ jơh hìu nhă khai, mơ at bồ làm jơh lơgar Ejiptơ.
9 Ală bi rê mhar tĕ hơ bèp añ mơ yal khai in lah: ‘Jôsep kòn bèp dê neh đơs be do: Yàng Tom Trồ neh ai añ in gơs bơtau tòm làm lơgar Ejiptơ, bèp mù tĕ tus hơ añ, dan bañ òbat nyà. 10Bèp, ală kòn, ală sau, ală belàt, ală kơnrồ mơ jơh ală phan bèp dê rơp ơm tòm lơgar Gôsen rềp mơ añ. 11Tềng hơ̆ añ rơp ròng bèp, tài bơh gam pram nam jơgloh rung tai, rngòt bèp, hìu nhă bèp, mơ jơh ală phan bèp dê gơkòl jơgloh rƀah.’ 12Do ală bi mơ Benjamin neh gŏ añ tòm toh mat mơ bơr tòm añ neh tòmbơh mơ oh mi. 13Behơ̆ yal tĕ wơl bèp in ală bơta gơklŏ añ jê tòm lơgar Ejiptơ mơ kòp broă oh mi neh gŏ, mơ lam bèp mù tĕ mhar hơ do.”
14Chòp, khai koar di ngko Benjamin oh khai mơ ñìm, Benjamin kung koar di ngko khai mơ ñìm sơl. 15Khai kung cum ală bi khai mơ ñìm. Gen oh mi khai tòmbơhbơr mơ khai.
Pharaôn dong kòl jat nùs kòñ Jôsep dê
16Mơ jơnau pơnro tus hơ hìu Pharaôn lah: “Oh mi Jôsep neh tus.” Bơta hơ̆ niam nùs Pharaôn mơ ală cau duh broă khai dê.
17Gen Pharaôn đơs mơ Jôsep lah: “Sồr tĕ oh mi mê lah: ‘Ơn tĕ phan di alàng mơ rê hơ lơgar Kanaan, 18rò bèp mơ ală hìu nhă oh mi mê dê mù tus hơ añ. Añ rơp ai oh mi mê in phan mơna màng tòm lơgar Ejiptơ, mơ ală oh mi mê rơp sa phan bơkah lơgar dê.’ 19Ai añ sồr mê yal tĕ wơl mơ bol khai be do: ‘Cèng tĕ rơndeh bơh lơgar Ejiptơ nàng pơdiang ală kòn dềt mơ ală bau bol mê dê, mơ lam bèp ală bol mê mù hơ do. 20Bañ pơlai phan mơna he dê bơh ală phan màng niam rlau jơh tòm lơgar Ejiptơ rơp la phan ală bol mê dê.’”
21Ală kòn klau Israel dê lơh jat behơ̆, Jôsep jat jơnau sồr Pharaôn dê, ai oh mi khai in rơndeh mơ phan sa ngui rò gùng. 22Khai kung ai kòp nă in ào bơsoh mơ khai ai Benjamin in pe rhiang pet priă mơ pram nơm ào bơsoh. 23Khai kung pơyoa bèp khai in jơt nơm alàng pơdiang ală phan màng tòm lơgar Ejiptơ, mơ jơt nơm alàng me pơdiang kòi, piang lă mơ ală phan nàng bèp khai ai sa rò gùng.
24Behơ̆ Jôsep sồr oh mi khai rê. Mơ khai nting bơr mơ bol khai lah: “Oh mi bañ pơndang bal rò gùng.”
Jakôp rcang mù hơ lơgar Ejiptơ
25Ală oh mi bơh lơgar Ejiptơ rê tus lơgar Kanaan, tiah Jakôp bèp bol khai ơm. 26Bol khai yal wơl mơ bèp lah: “Jôsep gam kis, mơ să tòm khai at bồ jơh lơgar Ejiptơ.” Mơ nùs Jakôp ò gơjal bơh khai ò dòn jơnau bol khai yal wơl. 27Bol khai yal wơl jơh ală jơnau Jôsep neh đơs. Dơ̆ Jakôp gŏ ală rơndeh Jôsep neh pơyoa nàng rò khai gen sồng nùs tồr khai kah rngal wơl. 28Gen Israel đơs lah: “Di, añ git rau, Jôsep, kòn klau añ gam kis, añ rơp lòt nàng tìp mơ khai lài mơ tŭ añ chơt.”
Currently Selected:
:
Označeno
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.