เสคาลิยา 6

ตะเป๊ด หญู่ง หล่าว ย่าง เญย สี่

เปยย นอม เบ๊าะ จ๋า เญย ม์า-เธีย

1เยีย แอ๋ง เธา เฮมียน หมั่ง, ปวัด เปยย นอม เบ๊าะ จ๋า เญย ม์า-เธีย ยั่ง อี นอม บง บุด๋ง-ฉัง ธ้วด ต้าย. วั้ว เต๋ย บง เป๋น ต้ง ซิ บง. 2ตะเยี้ยด จ๋า เธีย เญย ม์า ซิ เญย, ตะเหญ่ย จ๋า เญย ม์า เจี๊ยะ เญย,#หล่าว ย่าง 6:4-5 3ตะฟาม จ๋า เญย ม์า แปะ เญย, ตะเฝย จ๋า เญย ม์า เจี๊ยะ-แปะ เปน เญย, เหยียด เตี๊ยม เหยียด เตี๊ยม.#6:3 ไฟ เฮ้น. 4เยีย ฯฒฯ หน่าย เหธา เยีย ก๊อง หว่า วั้ว เต้า ฟิน-เมี่ยน, “เยีย เญย ต้ม ก๋อ อ่า, น้าย เต๋ย เซ หาย หญู่ง?”

5ฟิน-เมี่ยน เตา เยีย, “น้าย เซ ลู่ง เญย เปยย ปูง หฑยาว.#6:5 หฑยาว ไฟ ว่วน. น้าย โจ๋ว ฮิบลู หว่า ไฮ่ เปียะ อี หญู่ง เญย เอ๋ย เล์ย. นิ่น บัว โธะ โหะ เยียม ลู่ง เดี๊ย เญย เฒี้ยว เญย หฑะเฮมียน ธ้วด ต้าย.#หล่าว ย่าง 7:1 6ม์า-เจี๊ยะ วั้ว จ๋า ม์า-เธีย มี่ง ป๊ะ ปูง. ม์า-แปะ วั้ว จ๋า มี่ง ไฟ ปูง,#6:6 ไฟ กัน ฆะฮ้า มี่ง. ม์า เจี๊ยะ-แปะ เปน เญย เหยียด เตี๊ยม เหยียด เตี๊ยม วั้ว จ๋า มี่ง น่าม ปูง.”

7น้าย เต๋ย ม์า ธ้วด ต้าย เป๊ะ เจี๊ยน อ๋อย มี่ง ฒ่า ป้าม เกน. ฟิน-เมี่ยน ฯฒฯ ก๊อง, “กุ๊น มี่ง อ๊ะ, มี่ง ฒ่า ลู่ง เดี๊ย.” นิ่น บัว ฯฒฯ ธ้วด มี่ง ฒ่า ก๋อม ลู่ง เดี๊ย.

8ฟิน-เมี่ยน แอ๋ง เห่ว เจี๊ยน ก๊อง บั๋ว เยีย, “มี่ง ป๊ะ ปูง เญย ม์า ปุน เฒี้ยว เยียม ป๊ะ ปูง เญย เต่ย-ปูง กะเฉีย ฟิว.”#6:8 ไฟ “ปุน เยีย เญย สีง ลี่ง เหฑียะ ฑี์ง”.

เถง โยซูวา ด๋ง เจี๊ยน เจียม-นี้ง โหฒว จั๋ง-โห่

9เยีย แอ๋ง ตุ๊ ฒิบ เฒี้ยว เญย หว่า ก๊อง, 10“เม่ย อ๋อย หฒุ มี่ง หฒุ กว๊าด มี่ง บาบีโลน หฑวน ต้าย เญย เมี่ยน เฮนได, โทบียา, เหธา เยดายา วั้ว, เฒาะ เจียม ญ่าน. ต้ง วั้ว ฮนอย หย่า อ๋อย หฒุ มี่ง เสฟันยา เญย ตอน, โยสิยา, เญย เปย๊า. 11ต้อ น้าย เต๋ย เจียม ญ่าน โหฒว นอม นี้ง หย่า เถง โยซาดัด เญย ตอน, โยซูวา ต้ม ไซ เมี่ยน, ด๋ง เจี๊ยน มฆ้อง. 12อ๋อย หฒุ บั๋ว นิ่น, ‘หมั่ง ม่าะ! ม่าย เต้า เมี่ยน, บั๋ว เห่ว ฆว่า, เหว่ย หฒุ นิ่น อ๋อย เยียม นิ่น เญย ต๋อง หฮยาง เจี์ย ต้าย. นิ่น หย่า อ๋อย เหธย เฒี้ยว เญย เปย๊า.#เยเลมี 23:5; 33:15; เสคาลิยา 3:8 13ต้ง น้าย เต้า อ๋อย เหธย หฒั่ง เฒี้ยว เญย เปย๊า, หย่า อ๋อย ตุ๊ ฮู่ง เญย ฌัง-หล่าง. นิ่น อ๋อย เฒว์ย เจี๊ยน นิ่น เญย เหว่ย กุ๊น แอ๋ง เฒว์ย นิ่น เญย เหว่ย โหฒว ไซ เมี่ยน. อี หญู่ง เจ๊า หย่า หอบ ฟิม ต้ง เอ๋ย เญย โหฒว.’#6:13 ไฟ “หย่า ม่าย เต้า ไซ เมี่ยน โซ้ว เจี๊ยน นิ่น เญย เหว่ย กะเฮลน. นิ่น บัว อี เต้า ฯฒฯ หอบ ฟิม ต้ง เอ๋ย, แป้ง ออน เญย จวั่ง เจี๊ยน โหฒว”. 14วั้ว นอม นี้ง อ๋อย หฒุ อัน เจี๊ยน หฒั่ง เฒี้ยว เญย เปย๊า เหว่ย จั๋ง เฮนได, โทบียา, เยดายา เหธา เสฟันยา เญย ตอน, โยสิยา. 15เยียม โก เญย เมี่ยน อ๋อย ต้าย เถง เจี๊ยน เหธย หฒั่ง เฒี้ยว เญย เปย๊า. เม่ย บัว ฯฒฯ ฮิ้ว ตุ๊ เน่น เจี๋ย เญย เฒี้ยว พ้าย เยีย ต้าย เม่ย บัว น้าย. สี ก๊อง เม่ย บัว หล่ง เฮญี้ยว หมวัง เฒี้ยว, เม่ย บัว เญย ทิน-ฮู่ง, เญย หว่า, น้าย เต๋ย สี่ ฯฒฯ ธ้วด ต้าย.”

Trenutno izbrano:

เสคาลิยา 6: IuMiTH

Označeno

Kopiraj

Primerjaj

Deli