โลมา 12
12
อ๋อย หฒุ เฒาะ กั้น ฝูง ปุน ทิน-ฮู่ง
1ก๋อ- โย์ว อ่า, ทิน-ฮู่ง ด่ง หน่าย ค้อ-เลี่ยน บัว, เยีย ฯฒฯ โท้! เม่ย บัว เฒาะ กั้น ฝูง ปุน ทิน-ฮู่ง ฮนั้ง เหฒี่ย เญย กะน้าย นอ, มป่า ม่าย แหม่ง เญย, ธีง-เหฑ่ง เญย, ต้ง นิ่น อะเฮน้ย เญย กะน้าย. ฮนั้ง น้าย โหฒว เซ หอบ เญย, เหว่ย เฒียนๆ เญย หฒั่ง ทิน-ฮู่ง. 2ป้าม เมี่ยน โหฒว สี่ ไม้ หอบ ทิน-ฮู่ง, ไม้ ตู๋ง หฒวด นิ่น บัว เญย หญู่ง โหฒว. มป่า อ๋อย หฒุ ปุน ทิน-ฮู่ง ก๊อย เหฑ่ง เม่ย บัว เญย เฮญี้ยว เหธา ฮนั้ม เญย เจ๊า, ตุ๊ เซียง-หญู่ง เฒ้ย. ฮนั้ง หน่าย เม่ย บัว ไฮ่ ฮิ้ว ตุ๊ ทิน-ฮู่ง เญย หฒะเอ๋ย, หาย หญู่ง เซ หลง เญย, ทิน-ฮู่ง อะเฮน้ย เญย, ตุ้น ยุ่น เญย หฒะเอ๋ย.
3ทิน-ฮู่ง เหธย เอน ปุน เยีย, เยีย หธีง บั๋ว เม่ย บัว, ไม้ ตู๋ง ฮนั้ม เถา ท่าย กั้น เจี๋ย ด่าง หอบ หฒุ ฮนั้ม เถา เญย. เก๊าะ-เมี่ยน อ๋อย หฒุ หฒิว ทิน-ฮู่ง ปุน เญย เสียน ฟิม หลงๆ ฝุน กั้น ฮนั้ง หาย นอ. 4เหยียด นอม ซิน ม่าย เหฒีย หญู่ง กั๊บ เจี๊ยน. หญู่งๆ ม่าย กั้น เญย กง โหฒว.#1 โคลินโท 12:12 5ฟี่ ฮนั้ง เญย, บัว เมี่ยน ธั้ม มป่า บัว เหธา กีตู่ จวั่ง แหม่ง เฒี่ยง, เต้าๆ ฯฒฯ กั๊บ ต้าย เป๋น เหยียด นอม ซิน. เหยียด เต้า โหฒว ซิน เญย เหยียด หญู่ง. 6บัว เต้าๆ เอย ทิน-ฮู่ง เญย เอน ตุ๊ ฒี่ง เหญ่ย มป่า เก๊าะ-เมี่ยน เญย ฒี่ง เหญ่ย ไม้ ฟี่ ฮนั้ง. เก๊าะ-เมี่ยน ตุ๊ หาย หญู่ง ฒี่ง เหญ่ย ฯฒฯ อ๋อย หฒุ หล่ง วั้ว หญู่ง ฒี่ง เหญ่ย อ๊ะ. สี ก๊อง ตุ๊ ฒี่ง เหญ่ย โต่ว ทิน-ฮู่ง เญย หว่า, อ๋อย หฒุ เอย บัว เญย เสียน ฟิม โต่ว นิ่น เญย หว่า.#1 โคลินโท 12:4-11 7บัว ตุ๊ ฒี่ง เหญ่ย ฟู-สู, อ๋อย หฒุ ฟู-สู อ๊ะ. ตุ๊ ฒี่ง เหญ่ย หฌาว เมี่ยน, อ๋อย หฒุ หฌาว. 8ตุ๊ ฒี่ง เหญ่ย ขวิน เมี่ยน, อ๋อย หฒุ ขวิน อ๊ะ. หาย เต้า ตุ๊ ฒี่ง เหญ่ย ธ้วด ฟิม เถง เมี่ยน, อ๋อย หฒุ โหฒว เฮญี้ยว จั๊ง เถง. หาย เต้า ตุ๊ ฒี่ง เหญ่ย ต้อ จิว-ปาง, อ๋อย หฒุ หล่ง เฮญี้ยว โหฒว. หาย เต้า ตุ๊ ฒี่ง เหญ่ย โหฒว หลง ปุน เมี่ยน, อ๋อย หฒุ อะเฮน้ย โหฒว.
อ๋อย หฒุ หล่ง เฮญี้ยว ฮนั้ม เมี่ยน
9ฮนั้ม เมี่ยน อ๋อย หฒุ หฒะเก้ง หล่ง เฮญี้ยว ฮนั้ม. เอ๊าะ เญย, อ๋อย หฒุ ฑอง. หลง เญย อ๋อย หฒุ นั้น ว้วน. 10ล่าน อ๋อย หฒุ จอม เฮญี้ยว ฮนั้ม ล่าน ฮนั้ง ฮนั้ม กั้น เญย เธียน มั์ว-ต่อย นอ. ล่าน หย่า อ๋อย หฒุ ท่าย ล่าน, ฝุน เมี่ยน เก้า หลง กั้น. 11ไม้ ตู๋ง เหลว่ย. อ๋อย หฒุ จอม เฮญี้ยว เจี้ยน ฟู-สู เฒี้ยว. 12เม่ย บัว ม่าย ลั่ม ฮนั้ม ต๋อง ฯฒฯ อ๋อย หฒุ เฌียน-โย่ว. ม่าย ขวน น่าน อ๋อย หฒุ หล่ง หน่อย เตี๊ย. หย่า อ๋อย หฒุ หฒั่นๆ เต๋า เก๋า. 13อ๋อย หฒุ เถง ตั๋ง-ต๋น เญย ก๋อ-โย์ว,#12:13 ก๋อ-โย์ว เยียม น้าย นอม ต๋อง ก๊อง หฒุ ทิน-ฮู่ง เญย เมี่ยน. หย่า อ๋อย หฒุ ม่าย เฮญี้ยว ฒิบ แคะ.
14อ๋อย หฒุ โท้ ทิน-ฮู่ง เหธย ฟุ ปุน โหฒว โตะ ห่อย เม่ย บัว วั้ว เต๋ย เมี่ยน. หฒะเก้ง อ๋อย หฒุ โท้ ทิน-ฮู่ง เหธย ฟุ นิ่น บัว, ไม้ เฒ์ย เหฒียว.#มัดทาย 5:44; ลูกา 6:28 15เมี่ยน เฌียน-โย่ว, อ๋อย หฒุ เหธา เจี๊ยน เฌียน-โย่ว. เมี่ยน เญี้ยม, อ๋อย หฒุ เหธา เจี๊ยน เญี้ยม. 16ล่าน อ๋อย หฒุ เหธา ล่าน หอบ ฟิม ต้ง เอ๋ย เญย เยียม. ไม้ ตู๋ง โหฒว เหมา. อ๋อย หฒุ อะเฮน้ย เหธา เมี่ยน จ่ม เมี่ยน โหฒว ต่อย.#12:16 ไฟ “ไอ๊ เญย กง ไม้ ตู๋ง เฆ่ม”. ไม้ ตู๋ง เธง กั้น ม่าย ธง-เม่ง.#ธง-เม่ง หว่า 3:7
17ไม้ ตู๋ง โหฒว เอ๊าะ วิ่น เอ๊าะ ปุน หาย เต้า. หฒวัง เมี่ยน ฝุน หาย หญู่ง หลง เญย, อ๋อย หฒุ หล่ง เฮญี้ยว โหฒว วั้ว หญู่ง. 18เยียม เม่ย บัว ไฮ่ โหฒว ตุ๊ หาย หญู่ง เหว่ย เหธา หฒวัง เมี่ยน แป้ง ออน เญย เยียม, ฯฒฯ อ๋อย หฒุ โหฒว วั้ว หญู่ง อ๊ะ. 19ฮนั้ม เญย ก๋อ-โย์ว อ่า, ไม้ ตู๋ง จ๊าว วิน. อ๋อย หฒุ จิว ปุน ทิน-ฮู่ง, เซว่ย ทิน-ฮู่ง เบ่น. เหว่ย หฒุ ม่าย หว่า เฟี้ย เจี๊ยน กีง- โซว ก๊อง,
“เฒี้ยว ก๊อง,
‘จ๊าว วิน เซ เยียม เยีย.
เยีย หฒะเก้ง จ๊าว อ๊ะ.’”#หฑั่ม เล์ย-หลัด 32:35
20กีง-โซว หย่า เฟี้ย เจี๊ยน ก๊อง,
“สี ก๊อง เม่ย เญย วิน-วั้ง เฮญี้ยว เซีย,
อ๋อย หฒุ ปุน หฮนาง นิ่น หญั่น.
จาง ฆ้าด นอ, อ๋อย หฒุ ปุน ววม นิ่น ฮบ.
เม่ย ฮนั้ง น้าย โหฒว, นิ่น ฯฒฯ ไญ้ อ๊ะ.”#12:20 ฟาน หฒะ กีก หว่า ก๊อง “เม่ย ฯฒฯ เฒาะ เหฒียะ เจี๊ยน เญย โต์ว-ถาน ดุย เจี๊ยน นิ่น เญย มฆ้อง.” เป๊ย หมั่ง ธง-เม่ง หว่า 25:21-22.
21ไม้ ตู๋ง ปุน เอ๊าะ เญย ฮี่ง เม่ย. ต๋าว หฑวน อ๋อย หฒุ ปุน หลง เญย ฮี่ง เอ๊าะ เญย.
Trenutno izbrano:
โลมา 12: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007