มีคา 6
6
เฒี้ยว โก๋ อิสะลาเอน เมี่ยน
1อิสะลาเอน เมี่ยน อ้า! หมวัง เฒี้ยว โก๋ เญย หว่า.
“เจี์ย ต้าย ตอง เจี๊ยน ต้ม บง ก๊อง เม่ย โก๋ เญย หว่า,
ปุน บง-ไอ๊ หมวัง ไฮ์ เม่ย เญย เฉีย.
2โอ หฒวัง บง เหธา เดา เหยียด ลิ์ว ว้วน เญย กอน-โด๊ะ อ่า,
อ๋อย หฒุ หมวัง เฒี้ยว โก๋ เญย หว่า.
เหว่ย หฒุ เฒี้ยว อ๋อย โก๋ นิ่น เญย แปะ ฝีง,
อ๋อย เหธา อิสะลาเอน เมี่ยน หลวน เล์ย.
3“โอ เยีย เญย แปะ ฝีง อ่า, เยีย โหฒว หาย หญู่ง ปุน เม่ย บัว?
เยีย โหฒว หาย หญู่ง ปุน เม่ย บัว โค้ว? เตา เยีย ม่าะ!
4เยีย ต้อ เม่ย บัว เยียม อียิบ เต่ย-ปูง ธ้วด ต้าย,
หย่า หฒัวะ เม่ย บัว ธ้วด หฒุ โหฒว โน่ว เญย ต๋อง.
เยีย หย่า พ้าย โมเซ, อาโลน เหธา มิเลียม
ต้อ เม่ย บัว.#ธ้วด อียิบ 4:10-16; 12:50-51; 15:20
5โอ เยีย เญย แปะ ฝีง อ้า!
จั๋ง เจี๊ยน โมอับ เญย ฮู่ง, บาล้าก, ฮนั้ม ธ้วด กู๊ ไกว๋ เญย หฒะเอ๋ย,
เหธา เบโอ เญย ตอน, บาลาอัม, ฮนั้ง หาย นอ เตา นิ่น.#ซ้าว เมี่ยน 22:2—24:25
จั๋ง เจี๊ยน เยียม ซิดทิม เถา กินกาน ปวั้ง เญย สี่,
เหว่ย ปุน เม่ย บัว ฮิ้ว ตุ๊
เฒี้ยว โหฒว เญย สี่ เซ เหว่ย เหฌียว เม่ย บัว.#6:5 ไฟ “เฒี้ยว เหว่ย เม่ย บัว โหฒว เญย เซ แป้ง ฟิม เญย”.#โยซูวา 3:1—4:19
ทิน-ฮู่ง อ๋อย เมี่ยน ฮนั้ง หาย นอ โหฒว
6เยีย อ๋อย หฒุ ต้อ หาย หญู่ง ต้าย เยียม เฒี้ยว เญย หฑะเฮมียน,
เกว่ย เหฌี่ย ป๋าย เยียม ฮลัง เจี๋ย เญย ทิน-ฮู่ง?
เยีย หอบ หฒุ ต้อ ปั๊ว เหฒี่ย เญย กะน้าย ต้าย เยียม นิ่น เญย หฑะเฮมียน ฝ่ง ห่อ,
เซ ต้อ ต๋อย หฮญัง เญย ง่ง ตอน ไฟ?
7 เฒี้ยว อะเฮน้ย เยีย ฝ่ง ห่อ ธินๆ ปะกี ยู่ง โก๊ว ไฟ?
อ๋อย หฒุ ต้อ หว่านๆ ติ้ว กะลั้น โย่ว เญย โด๊ะ?
เยีย หอบ หฒุ เหว่ย กั้น เญย ฒุ์ย ฝ่ง ห่อ เยีย เญย ตอน-โฮล ไฟ?
เซ เหว่ย เฮญี้ยว กะญั์ว เญย ฒุ์ย ฝ่ง ห่อ กั้น เญย เธียน ตอน ไฟ?
8โอ ป้าม เมี่ยน อ่า, เฒี้ยว ฒู้ง ปุน เม่ย ฮิ้ว ตุ๊ หาย หญู่ง เซ หลง เญย,
นิ่น หย่า อ๋อย เม่ย ฮนั้ง หาย นอ โหฒว.
อ๋อย หฒุ แป้ง ฟิม เญย โหฒว, ม่าย เฮญี้ยว อ๋อย ค้อ-เลี่ยน เมี่ยน,#6:8 ไฟ “เหฒียบ ฒัวะ เญย ฮนั้ม ทิน-ฮู่ง หย่า ฮนั้ม เมี่ยน”.
เหญี่ยม กั้น โหฒว ไฝ, กัน เจี๊ยน เม่ย เญย ทิน-ฮู่ง มี่ง.
9 เฒี้ยว เญย เฉีย เห่ว เจี๊ยน ฒุ่น บั๋ว น้าย นอม ฒี่ง.
ธง-เม่ง เมี่ยน อ๋อย หฒุ ท่าย เม่ย เญย เม่ง.
“โอ เยียม ฒี่ง กั๊บ ฒุ้น เญย หฒวัง เมี่ยน อ้า! หมวัง ม่าะ!
10เยีย ไม้ ไฮ่ หละคุ เยียม เอ๊าะ เมี่ยน เญย เปย๊า
หล่ง เฮญี้ยว ไม้ หฒีง เผียน ต้าย เญย กะน้าย.
นิ่น บัว หล่ง กะน้าย-ฮลาว เผียน เมี่ยน, เยีย หย่า ฑอง ไห่.#6:10 หฒิว ฮิบลู หว่า น้าย เหยี่ยม เซ ไม้ หนั่ง เม่ง.
11สี ก๊อง เมี่ยน หล่ง แหว่ง เมี่ยน เญย เหฑียง
เหธา เควย เมี่ยน เญย เหฑียง-ต้อ,
เยีย ไฮ่ กวั่ง ฆอย ปุน นิ่น ไฟ?
12เยียม ฒี่ง กะญั์ว เม่ย บัว เญย ปุ๊ด-ฒ่อย เมี่ยน หฒะเก้ง! โตะ ไห่,
เยียม ฒี่ง เญย เมี่ยน ขูง ก๊อง-แปะ ดั๊ว เมี่ยน ฮนั้ง.
13เหว่ย น้าย เยีย เจี์ย กอน เบ๊าะ เม่ย บัว,
อ๋อย ปุน เม่ย บัว หฒุ ป่าย หว่าย เหฑ่ง หลาย เม่ย บัว เญย ฒุ์ย.
14เม่ย บัว ตุ๊ หญั่น มป่า หญั่น ไม้ เป๊ว,
กะเซีย-บัวะ หธ่อ ขูง เญย.
เม่ย บัว เซียว มป่า เหฌียว ไม้ ตุ๊,
ต้ง เม่ย บัว เซียว ต้าย เญย เยีย ปุน เบ๊าะ จ๋า เญย เจ๊า เหมียด เหฑ่ง.#6:14 ฟาน หฒะ ฮิบลู หว่า ก๊อง “เยีย อ๋อย จิว ปุน หฑุ ด๊าว”.
15เม่ย บัว ตุ๊ หฒวัง มป่า ไม้ ตุ๊ เซียว.
เม่ย บัว ตุ๊ หฒา กะลั้น เปี๊ยว
มป่า ไม้ ตุ๊ หล่ง กะลั้น โย่ว ฑ้าด กั้น เญย ซิน.
เม่ย บัว ตุ๊ อะหงุ่น เปี๊ยว มป่า ไม้ ตุ๊ ฮบ อะหงุ่น ติ๊ว,
16เม่ย บัว หฒวด โอมลี ฮู่ง เอ๊าะ เญย เล์ย,
เหธา นิ่น เญย ตอน, อาหับ ฮู่ง, เญย เฒ้ย-ฟุน โหฒว เญย เหยียด ฒู้ง.#1 ฮู่ง โต้ว 16:23-34; 21:25-26
เม่ย บัว เอย เจี๊ยน นิ่น บัว เญย หฒะเอ๋ย โหฒว.
เหว่ย น้าย เยีย อ๋อย ปุน เม่ย บัว หฒุ ป่าย ฮวาง เหฑ่ง,
เยีย อ๋อย ปุน เม่ย บัว หฒุ เมี่ยน จั๊ด.
เม่ย บัว อ๋อย หฒุ เตี๊ย หม่าน ฝีง เมี่ยน ฮว้วด เม่ย บัว.”
Trenutno izbrano:
มีคา 6: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007