กง-โฒ่ 17

เปาโล บัว เยียม เทสะโลนิกา ฒี่ง

1เปาโล เหธา ซีลา เจี๋ย อัมฟีบุลี มู้ง เหธา อาปอโลเนีย มู้ง ต้าย เถา เทสะโลนิกา ฒี่ง. เยียม วั้ว ม่าย นอม ยิวไท เมี่ยน เญย หวุ่ย ต้อง. 2เปาโล ฮนั้ง เหยียด เกา นอ, มี่ง วั้ว นอม หวุ่ย ต้อง. นิ่น ลิ่น เจี๊ยน ปัว นอม ตี้ง กง ฮนอย หล่ง กีง-โซว เหธา เมี่ยน หลวน เล์ย. 3เปาโล ก๊อง เม่ง กีง-โซว ปุน นิ่น บัว ฮิ้ว ตี่ง กีตู่ อ๋อย หฒุ เสี่ยว โค้ว เถา ไต่ แอ๋ง นั่ง ต้าย. เปาโล หย่า ก๊อง, “ต้ง เยีย ฒุ่น บั๋ว เม่ย บัว น้าย เต้า เยซู เซ ต้ง กีตู่.” 4ม่าย เต๋ย วั้ว เต๋ย เมี่ยน หมวัง ลิ์ว หย่า เสียน ฯฒฯ เหธา เปาโล เหธา ซีลา จวั่ง เจ๊า. แอ๋ง ม่าย หฒั่ง ทิน-ฮู่ง เญย จั๋น-กีก ธั้ม เหธา ม่าย เม่ง โห่ เญย มเซียะ ตอน ธั้ม เญย หย่า กัน นิ่น บัว.

5มป่า ยิวไท เมี่ยน หั่น เปาโล บัว. นิ่น บัว ฯฒฯ มี่ง วั้ว เฮย-ห่อง ล์อ เม่ง เต้า หว่าย, เฮญี้ยว ไม้ เป๋น เญย เมี่ยน, กั๊บ ฒุ้น ต่อย โหฒว เหยียด กวั้น เหธว เหยียด ฒี่ง เมี่ยน หลุ่น เหฑ่ง. นิ่น บัว หย่า ป์อง เปียะ ยาโสน เญย เปย๊า, อ๋อย เฒาะ เปาโล เหธา ซีลา ต้อ ธ้วด ปุน หฒวัง เมี่ยน. 6ล์อ เกา เปาโล บัว ไม้ ปวัด, นิ่น บัว ฯฒฯ เฒาะ ยาโสน แอ๋ง เหธา อี เหฒีย ล่าน เสียน เยซู เญย เมี่ยน ทอ มี่ง วั้ว นอม ฒี่ง เญย กุ๊น สี่ เจียน, หย่า เห่ว เจี๊ยน ก๊อง, “ฟ้าน ลู่ง เดี๊ย น้าย เต๋ย เมี่ยน อี้ หฒั่น ฟ้าน เถา น้าย ต้าย อ๊ะ. 7ยาโสน หย่า ฒิบ นิ่น บัว เยียม นิ่น เญย เปย๊า. นิ่น บัว เหยียด ฒู้ง หย่า แหง่ง เจี๊ยน ซีซา ฮู่ง เญย หลี่ง. นิ่น บัว ก๊อง แอ๋ง ม่าย กั้น เต้า ฮู่ง, บั๋ว เห่ว เยซู.” 8หฒวัง แปะ ฝีง เหธา กุ๊น ฒี่ง เญย เจียน ไฮ์ น้าย เต๋ย หว่า, เหยียด ฒู้ง ฯฒฯ หลุ่น เหฑ่ง. 9วั้ว เต๋ย เจียน อ๊าบ ยาโสน บัว อัน เจี๊ยน ดั๊บ-อ๋อน ญ่าน ฯฒฯ ปู๋ง นิ่น บัว หฑวน.

เปาโล เหธา ซีลา เยียม เบโลอา ฒี่ง ฒุ่น โต์

10ต้ง หน่าย ฮนอย หฮมวัง, ก๋อ-โย์ว บัว ฝูง เปาโล เหธา ซีลา ธ้วด เจ๊า มี่ง เบโลอา ฒี่ง. เถา วั้ว นอม ฒี่ง, เปาโล บัว มี่ง ยิวไท เมี่ยน เญย หวุ่ย ต้อง. 11น้าย เต๋ย ยิวไท เมี่ยน เก้า ฮนั้ม ตุ๊ ฆอย วั้ว เต๋ย เทสะโลนิกา เมี่ยน, เหว่ย หฒุ นิ่น บัว จอม เฮญี้ยว เญย หมวัง โต์, ฮนอยๆ ฒ่า กีง-โซว หมั่ง ก๋า เปาโล เญย หว่า ต๋อย ไฟ ไม้ ต๋อย. 12ม่าย เมี่ยน ธั้ม เญย เสียน เยซู. ม่าย เม่ง โห่ เญย จั๋น-กีก มเซียะ ตอน เสียน ธั้ม. แอ๋ง ม่าย จั๋น-กีก มจั่ง ตอน หย่า เสียน ธั้ม.

13มป่า เยียม เทสะโลนิกา เญย ยิวไท เมี่ยน ฮิ้ว ตุ๊ เปาโล เยียม เบโลอา ฒี่ง ฒุ่น โต์, นิ่น บัว แอ๋ง กัน ฆาง มี่ง โธะ วั้ว นอม ฒี่ง เญย เมี่ยน หลุ่น เหฑ่ง. 14เสียน เยซู เญย เมี่ยน เลี่ยม เฒ่ย ฝูง เปาโล มี่ง วั้ว ค้อย-เฮลน, มป่า ซีลา เหธา ทิโมไท หธ่อ เยียม วั้ว เบโลอา ฒี่ง. 15ฝูง เปาโล วั้ว เต๋ย เมี่ยน ฝูง นิ่น มี่ง เถา อาเทน ฒี่ง ฯฒฯ ต๋าว ฆาง หฑวน. เปาโล จา หว่า บั๋ว ซีลา เหธา ทิโมไท ก๊าน ต้าย เหธา นิ่น กั๊บ ต่อย.

เปาโล เยียม อาเทน ฒี่ง ฒุ่น โต์

16เปาโล เยียม อาเทน ฒี่ง ฒั้ว ซีลา เหธา ทิโมไท วั้ว หฒั่น, ปวัด วั้ว นอม ฒี่ง ม่าย หมิ่ว-ฝัง ปวั๊ง เหฑ่ง, ไฮ์ เฮญี้ยว มุน ไห่, เฑ่า ไห่. 17นิ่น ฯฒฯ เยียม วั้ว หวุ่ย ต้อง เหธา ยิวไท เมี่ยน เหธา หฒั่ง ทิน-ฮู่ง เญย จั๋น-กีก หลวน เล์ย. นิ่น บัว หย่า ฮนอยๆ เยียม ต้ม หฒวัง หฒ่าม เหธา มี่ง วั้ว หฑย่าว เญย เมี่ยน หลวน เล์ย. 18ม่าย กวั้น เอปิคูเลียน ฟิน-แซง เหธา กวั้น สะโตอิก ฟิน-แซง ต้าย เหธา เปาโล ปู๋ง เล์ย. ม่าย เต๋ย ก๊อง, “เอ๊! น้าย ล่าน เมี่ยน หละไกว้ ก๊อง น้าย เต๋ย เฮ่น หว่า โหฒว หาย หญู่ง แล่?” แอ๋ง ม่าย เต๋ย ก๊อง, “ไฮ์ ฮนั้ง นิ่น ต้อ กั้น ฝีง เมี่ยน เญย เฒี่ยน ต้าย ก๊อง ฮนั้ง.” นิ่น บัว ฮนั้ง น้าย นอ ก๊อง เหว่ย หฒุ เปาโล ฒุ่น ก๊อง เถา เยซู หย่า ก๊อง นิ่น นั่ง ต้าย เญย คู้ เฝียน. 19นิ่น บัว ฯฒฯ ต้อ เปาโล มี่ง อาเลโอปากัด, ต้ง วั้ว นอม ฒี่ง เญย กุ๊น สี่ หวุ่ย, ก๊อง บั๋ว นิ่น, “เยีย บัว อ๋อย ฮิ้ว ตุ๊ เม่ย ก๊อง น้าย เต๋ย เซียง-หฌาว เญย หว่า. 20เม่ย ก๊อง เญย สี่ ม่าย เต๋ย เยีย บัว ไฮ์ กั้น หญู่ง ไห่, อ๋อย ฮิ้ว ตุ๊ เอ๋ย เล์ย ฮนั้ง หาย นอ.” 21นิ่น บัว ฮนั้ง น้าย นอ ก๊อง เหว่ย หฒุ อาเทน ป๊วน-ฒี่ง เญย เมี่ยน เหธา ต้าย เยียม เจี๊ยน วั้ว เต๋ย กั้น ฝีง เมี่ยน ไม้ หล่ง นิ่น บัว เญย เฒี่ยง โห่ โหฒว หาย หญู่ง. ขูง อ๋อย ก๊อง, อ๋อย หมวัง เซียง-เล์ย ฮนั้ง.

22เปาโล ฯฒฯ เยียม อาเลโอปากัด เญย หวุ่ย บุด๋ง โซ้ว เจี์ย ต้าย ก๊อง, “อาเทน เญย หฒวัง เมี่ยน อ้า! เอย เยีย ปวัด, เม่ย บัว เยียม หม่าน สี่ เซ เฟียว เฒี่ยน เก๋ง สีง เญย เมี่ยน. 23เยีย มี่ง ซาว, สัม หมั่ง เม่ย บัว หฒั่ง เญย กะน้าย, ฯฒฯ ปวัด นอม เหฒี่ย-ต้อง ดี้ง เจี๊ยน หฑั่ง ก๊อง, ‘เหว่ย ไม้ ฮิ้ว ตุ๊ วั้ว เต้า เฒี่ยน เญย เหฒี่ย-ต้อง.’ ต้ง เม่ย บัว หฒั่ง เจี๊ยน มป่า ไม้ ฮิ้ว วั้ว เต้า เฒี่ยน, เยีย อี้ หฒั่น ฒุ่น บั๋ว เม่ย บัว.

24“ทิน-ฮู่ง, ต้ง เหฒย ป้าม เกน เหธา เยียม ป้าม เกน เญย หม่าน หมวด วั้ว เต้า,#อิสะยา 42:5 โหฒว ลู่ง เหธา เดา เญย เฒี้ยว. นิ่น ไม้ เยียม ป้าม เมี่ยน โหฒว ต้าย เญย ติ่น.#กง-โฒ่ 7:48 25นิ่น หย่า ไม้ หล่ง ป้าม เมี่ยน เญย ปั์ว ฟู-สู นิ่น ฮนั้ง นิ่น เฉียม หฒุ หาย หญู่ง นอ. ต๋าว หฑวน นิ่น กั้น ปุน บัว ม่าย แหม่ง, ม่าย เฉีย เท้า, หย่า เหธย หม่าน หมวด ปุน หม่าน เมี่ยน. 26ทิน-ฮู่ง หล่ง เหยียด ล่าน เมี่ยน โหฒว ป๊วน เหฒย ธ้วด หม่าน ฝีง ปุน เยียม ปวั๊ง ลู่ง เดี๊ย. นิ่น จา-ด่าง ตี่ง เหฒียง เฒี่ยง โห่ เหธา นิ่น บัว เยียม เญย กั๊บ-จ๋าย. 27ทิน-ฮู่ง ฮนั้ง น้าย นอ โหฒว เหว่ย ปุน ป้าม เมี่ยน ล์อ นิ่น, เหฑีย ไฮ่ ฮลัว ตุ๊ หฒุ นิ่น มเปย. มป่า ทิน-ฮู่ง หฒะเก้ง เล่ย บัว เต้าๆ ไม้ โก. 28ม่าย เต้า เมี่ยน ก๊อง, ‘บัว เยียม นิ่น เฒี่ยง เจี๊ยน, ไฮ่ นั่ง, ไฮ่ มี่งๆ ต้ายๆ.’ หย่า ฮนั้ง ม่าย เต๋ย เม่ย บัว เญย เมี่ยน ที่ เฟย ก๊อง, ‘บัว หย่า โหฒว นิ่น เญย น่าม โญ์ว.’

29“ฮนั้ง หน่าย บัว โหฒว ทิน-ฮู่ง เญย น่าม โญ์ว, บัว ไม้ หอบ หฒุ ฮนั้ม ทิน-ฮู่ง เญย เฟียม-ฝีง เซ ฮนั้ง หฒะเอ๋ย หลง, ม่าย ปั์ว-เต้า เญย เมี่ยน หล่ง เจียม, หล่ง ญ่าน ไฟ หล่ง หละเปย๊ย โหฒว ต้าย เญย หมิ่ว-ฝัง. 30ฒิ่น ด่าง เมี่ยน ไม้ ฮิ้ว เญย เฒี่ยง โห่, ทิน-ฮู่ง ไม้ เฒาะ นิ่น บัว เญย ฒุ์ย. มป่า อี้ หฒั่น ทิน-ฮู่ง หัด เหยียด ฒู้ง ลู่ง เดี๊ย นอมๆ ต๋อง เญย เมี่ยน อ๋อย หฒุ ก๊อย เฮญี้ยว กวั่ง ฒุ์ย. 31เหว่ย หฒุ ทิน-ฮู่ง ตี่ง เหฒียง ฮนอย เซี้ยม ลู่ง เดี๊ย เมี่ยน เญย ฒุ์ย. นิ่น หย่า หล่ง นิ่น กิ๊น ต้าย เญย เมี่ยน แป้ง ฟิม เญย เซี้ยม. น้าย เต้า เมี่ยน ไต่ มี่ง มป่า ทิน-ฮู่ง ปุน นิ่น นั่ง ต้าย ปุน หฒวัง เมี่ยน ฮิ้ว ตี่ง น้าย เต๋ย สี่.”

32เยี้ยด ไฮ์ เปาโล ก๊อง เถา เมี่ยน ไต่ แอ๋ง นั่ง ต้าย เญย สี่, ม่าย เต๋ย เมี่ยน จั๊ด นิ่น มป่า ม่าย เต๋ย ก๊อง, “เยีย บัว แอ๋ง อ๋อย หมวัง เม่ย ก๊อง หฑุ่น น้าย เต๋ย สี่.” 33เปาโล ฯฒฯ ธ้วด หวุ่ย หมี่ อ๊ะ. 34ม่าย เต๋ย เมี่ยน กัน เปาโล มี่ง หย่า เสียน เยซู. ม่าย เต้า เซ อาเลโอปากัด กุ๊น สี่ หวุ่ย เญย เมี่ยน, บั๋ว เห่ว ดีโอนิสิอัด. แอ๋ง ม่าย เต้า มเซียะ ตอน, บั๋ว เห่ว ดามาลิด, เหธา เจี๊ยน ธั้ม-ล่าน เมี่ยน เสียน.

Trenutno izbrano:

กง-โฒ่ 17: IuMiTH

Označeno

Kopiraj

Primerjaj

Deli