Pi zi tiki 48
48
Yakob a ɓikiɗi alini Yosef
1Amma asakalni wazagai hanɗa par, e hilisi e miɗini wiini Yosef ɓa: Apuku a na veglek, a miliɗi alini na sulu gaini, Efrayim gaini Manase. 2E sini labar wiini Yakob ɓa: Yosef n'ahiku a na halasi suku, Izrayel a pa sini amai a sumna miɗini walani zi feŋ dam. 3Yakob a miɗini wiini Yosef: Alaw zi spak paŋ a siŋka sini ara a Luz midini afti na Kanaan. A ɓakaŋa, 4A muɗaŋa ɓa aga mu bunduku ku sisiɗa viya, ku bunda viya, kapai ku bunda aŋ vokɗi pinzibaɗi ɗai viya. Aga mu siɗi afti hanɗa wiiɗi pinzibaku asakal sek aŋ wiiɗi haa kureɗ. 5Tiyana ali na sulu na ku wiiɗi midini afti n'Egipte wuzani hlai na mu halasi suku war Egipte kai hai, e ɗi wiya, Efrayim gaini Manase, e ɗi wiya maini Ruben na gaini Simeyon nɵa. 6Amma ali na ku wiiɗi asakalɗi nagai par e ɗi wiiku. Nagai aga e nivi yiki gaini galni afti na wiiɗi amlai piɗi tawalakaiɗi. 7Ta ɗa, war wiyiŋasi n'edi war Mezopotamiya par, mri na wiiɗi Rakel a navaŋa warɗi futi, aha midini afti na Kanaan gobi gaini niyi n'aha war Öfrata. Mu piti woni ɵimaɗi futi n'Öfrata a dara a muɗa war Betlehem. 8Izrayel a tiliɗi alini Yosef a muɗa: Hanɗa e ɗi miɗi asiya ɗa? 9Yosef a wiyini seŋ wiini epini: E ɗi aliyagoi n'Alaw a siɗiŋa aha war Egipte na. Epini a waya a muɗa: Kiɗisi sa gobi kapai mu ɓikiɗi.
10Arni Izrayel a bunda a tala kruf kruf burini wel, a tala kir kai. Won hlai na Yosef a tûrɗisi li, Izrayel a kɵa amai wulaɗi, a yimiɗi amlai sini. 11Asakal par a miɗini wiini Yosef: Mu hiina ɓa aga mu tala wuzani arku kai, tiyana Alaw a hinaŋa aŋ tiliɗi aliku gaini ara. 12Yosef a miliɗisi edi miɗini kurnaini epini par, a hurga azumai, a pa arni azumai midini afti. 13Asakal par, Yosef a miliɗi alini na sulu, a yima Efrayim war tini na wus, miɗini graŋni Izrayel na muni, Manase war tini na muni, miɗini graŋni Izrayel na wus. A tûrɗisi sini. 14Izrayel a miɗiti tini na wus edi, a tikiti miɗini Efrayim n'agwi ɗa, a tikiti tini na muni miɗini Manase. Yosef a bunda tini pla buri Manase ahi n'abai. 15Yakob a ɓaka Yosef a muɗa:
Alaw na wiiɗi tamaiya: Abraham gaini Isaak e piyi wuzani arni,
Alaw Ni a ɗif zi giɗimi na wiya, ɗipar haa girna.
16Ɵeŋ n'a kotoŋa burini meefeŋ paŋ
a ɓikiɗi aliyagoi hanɗa,
nagai aga e wii yikiŋa edi,
yikiɗi tamaiya: Abraham gaini Isaak a wa edi nɵa lai.
E sisiɗi viya viya midini afti.
17Yosef a tala ɗa, epini a tikiti tini na wus miɗini Efrayim, wala hanɗa a sini firiyi kai, a yimiti tini epini buri a binditi edi miɗini Manase sek. 18A miɗini: Apa, ɵa kai, buri n'abai ɗa a hanɗa, tikiti tuku na wus miɗini. 19Amma epini a ɗiya kai a muɗa: Mu sɗa ya ahiya, mu sɗa ɓa ni lai aga a bunda aŋ pinzibaɗi ɗai, ni lai aga a bunda abai. Amma tawalni n'agwi aga a bunda abai a suwaŋ, pinzibani aga e zi aŋ piniziba viya.
20A ɓikiɗi, mefeŋ ni a muɗa: Aliɗi Izrayel aga e ɓiki gaini yikiki maini nɵa:
Alaw a bunduku maini Efrayim gaini Manase ɵa
atika Efrayim wuzani Manase. 21Izrayel a miɗini wiini Yosef: Aga mu mra, amma Alaw aga a za gaiki, aga a wiyikisi aha midini afti na wiiɗi tamaiki.
22Ta ɗa, mu sutuku Sikem aŋ gal n'aga ku sûwiɗi tawalakaiku edi gaini, hlai ni ɗa mu tikaŋsi tiɗi Amoritekai par gaini kaɵkar gaini ɓaraw.
Currently Selected:
Pi zi tiki 48: MUSGUM
Označeno
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Pi zi tiki 48
48
Yakob a ɓikiɗi alini Yosef
1Amma asakalni wazagai hanɗa par, e hilisi e miɗini wiini Yosef ɓa: Apuku a na veglek, a miliɗi alini na sulu gaini, Efrayim gaini Manase. 2E sini labar wiini Yakob ɓa: Yosef n'ahiku a na halasi suku, Izrayel a pa sini amai a sumna miɗini walani zi feŋ dam. 3Yakob a miɗini wiini Yosef: Alaw zi spak paŋ a siŋka sini ara a Luz midini afti na Kanaan. A ɓakaŋa, 4A muɗaŋa ɓa aga mu bunduku ku sisiɗa viya, ku bunda viya, kapai ku bunda aŋ vokɗi pinzibaɗi ɗai viya. Aga mu siɗi afti hanɗa wiiɗi pinzibaku asakal sek aŋ wiiɗi haa kureɗ. 5Tiyana ali na sulu na ku wiiɗi midini afti n'Egipte wuzani hlai na mu halasi suku war Egipte kai hai, e ɗi wiya, Efrayim gaini Manase, e ɗi wiya maini Ruben na gaini Simeyon nɵa. 6Amma ali na ku wiiɗi asakalɗi nagai par e ɗi wiiku. Nagai aga e nivi yiki gaini galni afti na wiiɗi amlai piɗi tawalakaiɗi. 7Ta ɗa, war wiyiŋasi n'edi war Mezopotamiya par, mri na wiiɗi Rakel a navaŋa warɗi futi, aha midini afti na Kanaan gobi gaini niyi n'aha war Öfrata. Mu piti woni ɵimaɗi futi n'Öfrata a dara a muɗa war Betlehem. 8Izrayel a tiliɗi alini Yosef a muɗa: Hanɗa e ɗi miɗi asiya ɗa? 9Yosef a wiyini seŋ wiini epini: E ɗi aliyagoi n'Alaw a siɗiŋa aha war Egipte na. Epini a waya a muɗa: Kiɗisi sa gobi kapai mu ɓikiɗi.
10Arni Izrayel a bunda a tala kruf kruf burini wel, a tala kir kai. Won hlai na Yosef a tûrɗisi li, Izrayel a kɵa amai wulaɗi, a yimiɗi amlai sini. 11Asakal par a miɗini wiini Yosef: Mu hiina ɓa aga mu tala wuzani arku kai, tiyana Alaw a hinaŋa aŋ tiliɗi aliku gaini ara. 12Yosef a miliɗisi edi miɗini kurnaini epini par, a hurga azumai, a pa arni azumai midini afti. 13Asakal par, Yosef a miliɗi alini na sulu, a yima Efrayim war tini na wus, miɗini graŋni Izrayel na muni, Manase war tini na muni, miɗini graŋni Izrayel na wus. A tûrɗisi sini. 14Izrayel a miɗiti tini na wus edi, a tikiti miɗini Efrayim n'agwi ɗa, a tikiti tini na muni miɗini Manase. Yosef a bunda tini pla buri Manase ahi n'abai. 15Yakob a ɓaka Yosef a muɗa:
Alaw na wiiɗi tamaiya: Abraham gaini Isaak e piyi wuzani arni,
Alaw Ni a ɗif zi giɗimi na wiya, ɗipar haa girna.
16Ɵeŋ n'a kotoŋa burini meefeŋ paŋ
a ɓikiɗi aliyagoi hanɗa,
nagai aga e wii yikiŋa edi,
yikiɗi tamaiya: Abraham gaini Isaak a wa edi nɵa lai.
E sisiɗi viya viya midini afti.
17Yosef a tala ɗa, epini a tikiti tini na wus miɗini Efrayim, wala hanɗa a sini firiyi kai, a yimiti tini epini buri a binditi edi miɗini Manase sek. 18A miɗini: Apa, ɵa kai, buri n'abai ɗa a hanɗa, tikiti tuku na wus miɗini. 19Amma epini a ɗiya kai a muɗa: Mu sɗa ya ahiya, mu sɗa ɓa ni lai aga a bunda aŋ pinzibaɗi ɗai, ni lai aga a bunda abai. Amma tawalni n'agwi aga a bunda abai a suwaŋ, pinzibani aga e zi aŋ piniziba viya.
20A ɓikiɗi, mefeŋ ni a muɗa: Aliɗi Izrayel aga e ɓiki gaini yikiki maini nɵa:
Alaw a bunduku maini Efrayim gaini Manase ɵa
atika Efrayim wuzani Manase. 21Izrayel a miɗini wiini Yosef: Aga mu mra, amma Alaw aga a za gaiki, aga a wiyikisi aha midini afti na wiiɗi tamaiki.
22Ta ɗa, mu sutuku Sikem aŋ gal n'aga ku sûwiɗi tawalakaiku edi gaini, hlai ni ɗa mu tikaŋsi tiɗi Amoritekai par gaini kaɵkar gaini ɓaraw.
Currently Selected:
:
Označeno
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964