Pi zi tiki 28
28
1Isaak a yika Yakob a ɓakaŋ, a sini gadai maini nɵa: Aga ku tikiti ahiyagwi na Kanaan aŋ muni kai. 2Faka amai, hala midini hlai na plas na Mezopotamiya ahani Betuwel n'apiɗi amuku. Ku tikasi ktai arbaɗi alini Laban na kinaku par aŋ muniku. 3Alaw zi spak paŋ a ɓukuku, a sisiɗuku viya, a bunduku viya kapai ku bunda aŋ vok na wiiɗi ɗai viya. 4A suku ɓiki na wiini Abraham wiiku tuku gaini pinzibaku, kapai ku tika afti na ku sumna miɗini aŋ jak, afti n'Alaw a siŋni wiini Abraham ɗa.
5Isaak a tikini pini Yakob a hala midini hlai na plas, ahani Laban n'ahini Betuwel na Mezopotamiya par, na tawalɗi Rebekka n'emini Yakob gaini Ezaw.
6Ezaw a sɗa ɓa, Isaak a ɓaka Yakob ta, a ɵinaŋ edi midini hlai na plas na Mezopotamiya aŋ tikitisi muni woni par. A sɗa ɓa won hlai n'a ɓakaŋ ta ɗa a sini gadai maini nɵa: Aga ku tikiti ahiyagwi na Kanaan par aŋ muni kai. 7Yakob a ɵina pini epini gaiɗi emini a hala midini hlai na plas na Mezopotamiya. 8A yima miɗini Ezaw ɓa, ɓulamai na Kanaan ɗa Isaak n'epini a na diriɗi kai. 9A hala sini Ismayel, buri a dara a tikiti muni na zamai pra. Nɵa a tikitisi Mahalat n'ahini Ismayel n'ahini Abraham na tawalni Nebaiot.
Yakob ahani Laban
Weseŋ n'a pɵa Yakob
10Yakob a fakasi a Beer-seba par buri a hala a Haran. 11Futi te nawaŋ war hlai ktai. A tika ahi-fuŋ na woni ktai, a tikaŋ azumai midini, a fana war hlai ni ɗa. 12War duvuk weseŋ a pɵaŋ, a tala saga gai ɗiyi zaw, pini azumai midini afti par tiɓ, merfeŋni haa amai arni ɗugul ta. Ɗai zi ɵeŋ na wiini Alaw e niyi amai, e niyisi azumai lai sini ɗaw.
13A tala EPIƊ-ƊAI a ɗiya ɵimani saga zaw a miɗini: Mu ta m'EPIƊ-ƊAI Alaw na wiini tiyiku Abraham, Alaw na wiini Isaak lai, afti na ku fana midini aga mu suŋku aŋ wiiku gaiɗi pinzibaku. 14Pinzibaku aga a sisiɗa viya maini alogodo na midini afti nɵa, aga ku wa tuku edi war gal na piɗi futi na koskoi sek, na piɗi futi na dawai par sek, na azumai sek, na amai sek lai, warku war pinzibaku par lai, ɗai na midiɗi yai paŋ aga e nivi ɓiki. 15Tala mu na gaiku, aga mu giɗimuku woɗi paŋ n'aga ku hala, aga mu wuyukusi pra midini afti hanɗa buri aga mu hunuku edi kai haa wala paŋ na mu muɗuŋku a va li amai haw.
16Yakob a ɵiyasi amai war weseŋni par a ɗuula a muɗa: EPIƊ-ƊAI aŋ won na gazi gazi, amma ta mu sɗaŋ ɵa kai. 17A huna a ɗuula a muɗa: Hlai hanɗa a zi dawaŋ kai, hanɗa a dalamni Alaw, a mini magala na wiini fuŋ-n'Alaw. 18Yakob a ɵiya amai gorof, a tika ahi-fuŋ n'a tikaŋ azumai midini, a bundaŋ aŋ ahi-fuŋ z'alaw, a ma emel amai par miɗini lai. 19A sini yiki wiini hlai hanɗa ɓa Betel, a dara a muɗa dalamni Alaw. Amma wuzani mefeŋ hanɗa par, fuŋ n'abai hanɗa yikini ɓa: Luz.
20Asakal par Yakob a za ɵinini-ha a muɗa: Na ɓa Alaw aŋ gaya, na ɓa a giɗimaŋa warɗi morkoiŋa na m'aŋ warɗi hanɗa, na ɓa a saŋa wala zi simi gaini sapa zi wii si, 21na ɓa mu wayasi aha war dalamni apa jam, EPIƊ-ƊAI aga a bunda aŋ Alawŋa. 22Ahi-fuŋ na mu zaŋ aŋ ahi-fuŋ z'alaw hanɗa, aga a bunda aŋ dalamni Alaw, wala paŋ n'aga ku saŋa paŋ ɗa, aga mu suku doogoni.
Currently Selected:
Pi zi tiki 28: MUSGUM
Označeno
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Pi zi tiki 28
28
1Isaak a yika Yakob a ɓakaŋ, a sini gadai maini nɵa: Aga ku tikiti ahiyagwi na Kanaan aŋ muni kai. 2Faka amai, hala midini hlai na plas na Mezopotamiya ahani Betuwel n'apiɗi amuku. Ku tikasi ktai arbaɗi alini Laban na kinaku par aŋ muniku. 3Alaw zi spak paŋ a ɓukuku, a sisiɗuku viya, a bunduku viya kapai ku bunda aŋ vok na wiiɗi ɗai viya. 4A suku ɓiki na wiini Abraham wiiku tuku gaini pinzibaku, kapai ku tika afti na ku sumna miɗini aŋ jak, afti n'Alaw a siŋni wiini Abraham ɗa.
5Isaak a tikini pini Yakob a hala midini hlai na plas, ahani Laban n'ahini Betuwel na Mezopotamiya par, na tawalɗi Rebekka n'emini Yakob gaini Ezaw.
6Ezaw a sɗa ɓa, Isaak a ɓaka Yakob ta, a ɵinaŋ edi midini hlai na plas na Mezopotamiya aŋ tikitisi muni woni par. A sɗa ɓa won hlai n'a ɓakaŋ ta ɗa a sini gadai maini nɵa: Aga ku tikiti ahiyagwi na Kanaan par aŋ muni kai. 7Yakob a ɵina pini epini gaiɗi emini a hala midini hlai na plas na Mezopotamiya. 8A yima miɗini Ezaw ɓa, ɓulamai na Kanaan ɗa Isaak n'epini a na diriɗi kai. 9A hala sini Ismayel, buri a dara a tikiti muni na zamai pra. Nɵa a tikitisi Mahalat n'ahini Ismayel n'ahini Abraham na tawalni Nebaiot.
Yakob ahani Laban
Weseŋ n'a pɵa Yakob
10Yakob a fakasi a Beer-seba par buri a hala a Haran. 11Futi te nawaŋ war hlai ktai. A tika ahi-fuŋ na woni ktai, a tikaŋ azumai midini, a fana war hlai ni ɗa. 12War duvuk weseŋ a pɵaŋ, a tala saga gai ɗiyi zaw, pini azumai midini afti par tiɓ, merfeŋni haa amai arni ɗugul ta. Ɗai zi ɵeŋ na wiini Alaw e niyi amai, e niyisi azumai lai sini ɗaw.
13A tala EPIƊ-ƊAI a ɗiya ɵimani saga zaw a miɗini: Mu ta m'EPIƊ-ƊAI Alaw na wiini tiyiku Abraham, Alaw na wiini Isaak lai, afti na ku fana midini aga mu suŋku aŋ wiiku gaiɗi pinzibaku. 14Pinzibaku aga a sisiɗa viya maini alogodo na midini afti nɵa, aga ku wa tuku edi war gal na piɗi futi na koskoi sek, na piɗi futi na dawai par sek, na azumai sek, na amai sek lai, warku war pinzibaku par lai, ɗai na midiɗi yai paŋ aga e nivi ɓiki. 15Tala mu na gaiku, aga mu giɗimuku woɗi paŋ n'aga ku hala, aga mu wuyukusi pra midini afti hanɗa buri aga mu hunuku edi kai haa wala paŋ na mu muɗuŋku a va li amai haw.
16Yakob a ɵiyasi amai war weseŋni par a ɗuula a muɗa: EPIƊ-ƊAI aŋ won na gazi gazi, amma ta mu sɗaŋ ɵa kai. 17A huna a ɗuula a muɗa: Hlai hanɗa a zi dawaŋ kai, hanɗa a dalamni Alaw, a mini magala na wiini fuŋ-n'Alaw. 18Yakob a ɵiya amai gorof, a tika ahi-fuŋ n'a tikaŋ azumai midini, a bundaŋ aŋ ahi-fuŋ z'alaw, a ma emel amai par miɗini lai. 19A sini yiki wiini hlai hanɗa ɓa Betel, a dara a muɗa dalamni Alaw. Amma wuzani mefeŋ hanɗa par, fuŋ n'abai hanɗa yikini ɓa: Luz.
20Asakal par Yakob a za ɵinini-ha a muɗa: Na ɓa Alaw aŋ gaya, na ɓa a giɗimaŋa warɗi morkoiŋa na m'aŋ warɗi hanɗa, na ɓa a saŋa wala zi simi gaini sapa zi wii si, 21na ɓa mu wayasi aha war dalamni apa jam, EPIƊ-ƊAI aga a bunda aŋ Alawŋa. 22Ahi-fuŋ na mu zaŋ aŋ ahi-fuŋ z'alaw hanɗa, aga a bunda aŋ dalamni Alaw, wala paŋ n'aga ku saŋa paŋ ɗa, aga mu suku doogoni.
Currently Selected:
:
Označeno
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964