Salmos 123
123
Tinkáchónkini ti jaha Díos
1Jeheni kontani ti nka̱jní
ti itjen, jaha Díos tjetéto̱an.
2Éxi ijnko nkexro ichꞌe ixra̱ komá ti làmoé
o̱ éxi ijnko chojnichjin chꞌexín xra̱ komá
ti làmoé
mé xi̱kaha tjejóchóheni, kománi ti jaha Itꞌéni, Díos kuènténi,
tjejóchóheni kixin jaha chrókui̱konoéhe ti jeheni.
3Ti̱konoéhé ti jeheni, jaha Díos, ti̱konoéhéni
kixin tsjachahyani kixin imá tꞌándaxíhi̱n chojni ti jeheni.
4Chaxín imá kjuasóteni
kixin ti sin rico imá tꞌándaxíhi̱n sin ti jeheni
la ko ti sin nchejié a̱sén la tjanoá sin ti jeheni.
Trenutno izbrano:
Salmos 123: poeNTplus
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2016, Wycliffe Bible Translators, Inc. All rights reserved.