LIPOH 31
31
Laban tenü Jakob Rang Tsicho
1Laban tsurütinü “Jakob-nü uwa kohro lüpcho khyükhangko, ko abi kuthsi apüm tsü uwa kuthsi due” pü chocho Jakob-nü yuchicho. 2Adelü Laban-nü akhudi roh-i mümüirepü abinü rangchehcho. 3Hütsüde Abüdongba-nü abi te yocho, “Nüurü lih lang ko nü jünirü yang thali wüng. Ih nüte zeh linung.”
4Achotsü Jakob-nü Rachel e Lea nyüh te rangmü la santi lichah ro abi shirünung yuva jücho. 5Abinü arüh te yocho, “Nüunü adelü akhulang roh-i mümüicho Ihnü rangchehko; ta Iurü Tsingrang Ite zeh lile. 6Ihnü I tase apümnü nüu dikehcho nühjüdingnü müdhele. 7Ta abinü Ih kihyochü I khyang angang jünung dhürepili mülihchire. Ta Ih dhsakehjünung abi khyang Tsingrangba-nü mümülacho. 8Khodederü Laban-nü, ‘Lapha kehcho miza tsü nü yoepü’ yonang, miza apümnü lapha kehpü mütrücho. Khode abinü ‘Amüdrimütrahti tsü nü yoepü yocho’ miza apümnü amüdrimütrah du mütrücho. 9Hütsüta Tsingrangba-nü nüu chahnü mizati tsü khyo I khyang jücho.
10“Tsingkang bekhyah tungta mükhongcho mizapungti tsü amüdri, lapha kehcho ko xubongtüyah kehchoti du I melang ngucho. 11I melang tsü ninglang riwürünü Ite chota yocho, ‘Jakob, Ihnü lalingcho, Ih hila lile.’ 12Abinü mütozah yocho, ‘Tungtaba mizapung apüm tsü amüdri, lapha kehcho ko xubongtüyah kehchoti lile. Laban-nü nü chah bichicho apüm ngu Ihnü hi tikehsohre. 13#Lip 28.18-22Nüte Bethel la chüro ngusohba, khüila nühnü amüdhethsa lung khyümcho, ko hütsü chah tuji tungkehcho ko khüila nühnü Ite yuchümcho, hütsü Tsingrang Ih lile. Ade nü suro lih lang thali wünung rungnüm.’”
14Rachel ko Lea nyühnü Jakob te yocho, “Uwa chahnü ihrü thsiking angunung tu mühle. 15Abinü ihrü shirü kyo khichire. Abinü ihrü iko ko ade ihrü icho thsi apüm abinü pehko. 16Uwa chahnü Tsingrangba-nü khyüba kuthsi hi apüm ihrü ko ihrü tsurüti yo lile. Tsingrangba-nü nüte tu yocho hütsüta nguching.”
17Achotsü Jakob-nü Kanan lang au yang wünung rungnümcho. 18Abinü atsurü nitpürü ut chah pümsohcho ko santi ko Mesopotamia la khyübülungcho kuthsi apüm hipü abi bekhu tsisohcho. 19Laban tsü san nbüh müjüpnung wüpü lide Rachel-nü aurü yo kyothri kuh tsingrang fühcho. 20Jakob-nü abi tsiba tsü Laban khyang mümüdhesohcho. 21Abinü khyübülungcho apüm hipü dhsüdhsa tsicho. Abinü Eufrates yongkhi kehcho ko Gilead azonglang shemüsucho.
Laban-nü Jakob Iicho
22Nyümong asang khanglang du Jakob rang tsiba tsü Laban te yocho. 23Achotsü abinü anyitsarü nüpü nyümong dhünyeh Jakob iicho ko Gilead zong la wü iiphücho. 24Ta hütsü romang Tsingrangba-nü Laban te amelang yocho, “Jakob chah tu amütsa tünguchi.” 25Jakob-nü akhangchah müdongcho ko Laban-nü abi nyitsarü te Gilead zong chah müdongcho.
26Ko Laban-nü Jakob te yocho, “Tuepü nühnü Ih kihyochü I tsularüti rothsala rangcho khingkurü kyo notsiro? 27Tuepü nühnü Ite müyopü rang tsiro? Nühnü yorelang, Ihnü tbhang tii ko honglilah meh akünyang khithsa nüh müyangyohchüba thsacho. 28I shümtsurüti chah mii I khyang be mümüthsüpsoh, ko I tsularüti te aza yu mii müyosoh. Nühnü dee amüsithsa nguchiko! 29Ihnü nührü chah amütsa nguchinung kohle, ta shomang nüurü Tsingrang-nü nührü chah tu amütsa münguchinung Ite yoko. 30Nührü lih lang dee wünyücho Ihnü müdhele, ta tuepü nühnü I kuh tsingrang fühcho?”
31Jakob-nü lalingcho, “Nühnü nü tsularüti thali khyüjükhang mütsapü Ihnü drüchoe. 32Ta hila khürü kheh la nührü tsingrang tsü zehkhang, abilü süsohng. Hila, I nyitsarünü yuzithsa, nüyo tu müzehnang dhing ko zehkhang khyüng.” Rachel-nü Laban tsingrang fühcho tsü Jakob-nü mümüdhecho.
33Achotsü Laban-nü Jakob shükuh la; hütsüpü Lea shükuh la, ko kulilarü anyüh shükuh la yangchicho, ta abinü hütsü müngucho. Hütsüpü abinü Rachel shükuh la züdu yangchicho. 34Ade, kuh tsingrang tsü Rachel-nü khyo ut pümji pohki yohpü hütsü michah pümcho. Laban-nü shükuh la tsü longi yangchicho ta müngucho. 35Rachel-nü au te yocho, “Uwa, Ite zii tüchüro, ta Ih nü bete yanung mükoh; tunüo Ih ayah role.”#31.35: Ih ayah role: Khingkurü choo mükhu anyah wüba bekhyah. Hütsüta abinü yangchicho ta kuh tsingrang tsü müngucho.
36Hütsüde Jakob azi chürocho. Abinü yocho, “Ihnü tu thsamehcho? Nühnü Ih iironungthsa Ihnü tu yuzeng thsangnyangcho? 37Nühnü ade I kohro apüm la yangchiko, nü kukhi yo tu ngucho? Hila zangchehng, Ihjü nyitsarü bete ngusohng, ko Ihjü sü yujenang arühnü khasohng. 38Ih nü yola adelü kang mükyü lirore; nü san ko miza khüdusü aza müpeh, mahkhang Ihnü nü yo lanü sanpung khüdusü mütsu. 39Rangmü kanglungrünü mükahsehnye, hütsü Ipunü sahcho. Hütsü I mülang mah pü khodesü nüte müyo. Anyümong chahnye, mahkhang amala chahnye achahcho apüm I khyang münohsohcho. 40Anyümong adhsanü ko aromang athsahchonü Ih adrongpi chongchako. Ko Ih müyüpmüsü du licho. 41Hütsü roh-i du nüte kang mükyü liroko. Nü tsulatpü nyüh nengdang kang dhüremüyü ko santi nengdang kang dhüroh nüh dikehko. Hütsüpü mii nühnü I nyükheh ngang dhürepili mülichicho. 42Iurü Tsingrang, Abraham ko Isak Tsingrang Ite müzehlanglü, nühnü Ih khehshü iipehpü liba thsako. Ta Tsingrangba-nü I chongchacho ko Ihnü nguchicho ngucho ko shomang Abinü nüh yübüko.”
Jakob-e Laban nyüh Nyengchotacho
43Laban-nü Jakob te lalingcho, “Khingkurü hiri I tsurüe; arüh tsurüti Iyo ko santi hiri Iyo lile. Yoekhang, hila nühnü nguba apüm hi Iyo lile. Ta Ihnü tsularüti ko arüh tsurüti ranglinung mükohchonü, 44nüte azengtaba khüdu külüpnung Ih rungnüm lile. Ko Ihjü anyengchotaba lümkehnung shulüm lung zang khangnung.”
45Achotsü Jakob-nü lung khüdu hiro amüdhethsa khyümcho. 46Abinü abi nyitsarü te lung zang bhümnung yocho. Hütsüpü arühnü lung zangcho shündhün tsü tsuyongcho. 47Hütsüde Laban-nü Jegar Sahadutha,#31.47 Jegar Sahadutha: Aramaik yula hi adüzü “Alümkehnung lungkuh zang khangcho.” Ko Jakob-nü Galeed#31.47 Galeed: Hi Ibri yunü “Ihsanü alümkehnung lungkuh zang khangcho pü” dsire. aneng jücho. 48Laban-nü Jakob te yocho, “Ihjüding nengdang hiba lung khangcho hi alümkehnung linung.” Hütsünü hiba müdüm te Galeed dsicho. 49Laban nüsü yocho, “Ihjü za lide Abüdongba-nü Ihjü nyah lieng.” Hütsünü hiba te Mizpa püsü dsicho. 50Laban-nü mütozah yocho, “Nühnü I tsularüti mümüi-müdhsümnye, ko Ihnü mümüdhepü nühnü khingkurü apa khyünye, Tsingrangba-nü Ihsa dhing yalepü lümkehng. 51Ihnü Ihjü kahla khangba lung tsü ko amüdhethsa lung tsü hila lile. 52Hiba lung khangcho ko amüdhethsa anyüding tsü alümkehnung thsanung. Ihnü nüte khatanung hiba lung zangcho khu müronung ko nühnüsü Ite khatanung hiba amüdhethsa hi khu türo. 53Abraham Tsingrang ko Nahor Tsingrang-nü Ihjü kahla yu khaang.” Hütsüpü Jakob-nü au Isak Tsingrang nengla anyengchotacho tsü yohpünung yuchümcho. 54Abinü kanglungrü khüdu müpseh akhangchah tsü kangmübü jücho ko abi nyitsarüti tsuyongnung dsiyohcho. Arühnü tsuyongpü khanglang akhangchah tsü yüpcho. 55Nyangnyü khüu mütoh Laban-nü ashümtsurüti chah bemüthsüpcho ko atsularüti te aza yu yopü thali tsicho.
Currently Selected:
LIPOH 31: SANGBSI
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 31
31
Laban tenü Jakob Rang Tsicho
1Laban tsurütinü “Jakob-nü uwa kohro lüpcho khyükhangko, ko abi kuthsi apüm tsü uwa kuthsi due” pü chocho Jakob-nü yuchicho. 2Adelü Laban-nü akhudi roh-i mümüirepü abinü rangchehcho. 3Hütsüde Abüdongba-nü abi te yocho, “Nüurü lih lang ko nü jünirü yang thali wüng. Ih nüte zeh linung.”
4Achotsü Jakob-nü Rachel e Lea nyüh te rangmü la santi lichah ro abi shirünung yuva jücho. 5Abinü arüh te yocho, “Nüunü adelü akhulang roh-i mümüicho Ihnü rangchehko; ta Iurü Tsingrang Ite zeh lile. 6Ihnü I tase apümnü nüu dikehcho nühjüdingnü müdhele. 7Ta abinü Ih kihyochü I khyang angang jünung dhürepili mülihchire. Ta Ih dhsakehjünung abi khyang Tsingrangba-nü mümülacho. 8Khodederü Laban-nü, ‘Lapha kehcho miza tsü nü yoepü’ yonang, miza apümnü lapha kehpü mütrücho. Khode abinü ‘Amüdrimütrahti tsü nü yoepü yocho’ miza apümnü amüdrimütrah du mütrücho. 9Hütsüta Tsingrangba-nü nüu chahnü mizati tsü khyo I khyang jücho.
10“Tsingkang bekhyah tungta mükhongcho mizapungti tsü amüdri, lapha kehcho ko xubongtüyah kehchoti du I melang ngucho. 11I melang tsü ninglang riwürünü Ite chota yocho, ‘Jakob, Ihnü lalingcho, Ih hila lile.’ 12Abinü mütozah yocho, ‘Tungtaba mizapung apüm tsü amüdri, lapha kehcho ko xubongtüyah kehchoti lile. Laban-nü nü chah bichicho apüm ngu Ihnü hi tikehsohre. 13#Lip 28.18-22Nüte Bethel la chüro ngusohba, khüila nühnü amüdhethsa lung khyümcho, ko hütsü chah tuji tungkehcho ko khüila nühnü Ite yuchümcho, hütsü Tsingrang Ih lile. Ade nü suro lih lang thali wünung rungnüm.’”
14Rachel ko Lea nyühnü Jakob te yocho, “Uwa chahnü ihrü thsiking angunung tu mühle. 15Abinü ihrü shirü kyo khichire. Abinü ihrü iko ko ade ihrü icho thsi apüm abinü pehko. 16Uwa chahnü Tsingrangba-nü khyüba kuthsi hi apüm ihrü ko ihrü tsurüti yo lile. Tsingrangba-nü nüte tu yocho hütsüta nguching.”
17Achotsü Jakob-nü Kanan lang au yang wünung rungnümcho. 18Abinü atsurü nitpürü ut chah pümsohcho ko santi ko Mesopotamia la khyübülungcho kuthsi apüm hipü abi bekhu tsisohcho. 19Laban tsü san nbüh müjüpnung wüpü lide Rachel-nü aurü yo kyothri kuh tsingrang fühcho. 20Jakob-nü abi tsiba tsü Laban khyang mümüdhesohcho. 21Abinü khyübülungcho apüm hipü dhsüdhsa tsicho. Abinü Eufrates yongkhi kehcho ko Gilead azonglang shemüsucho.
Laban-nü Jakob Iicho
22Nyümong asang khanglang du Jakob rang tsiba tsü Laban te yocho. 23Achotsü abinü anyitsarü nüpü nyümong dhünyeh Jakob iicho ko Gilead zong la wü iiphücho. 24Ta hütsü romang Tsingrangba-nü Laban te amelang yocho, “Jakob chah tu amütsa tünguchi.” 25Jakob-nü akhangchah müdongcho ko Laban-nü abi nyitsarü te Gilead zong chah müdongcho.
26Ko Laban-nü Jakob te yocho, “Tuepü nühnü Ih kihyochü I tsularüti rothsala rangcho khingkurü kyo notsiro? 27Tuepü nühnü Ite müyopü rang tsiro? Nühnü yorelang, Ihnü tbhang tii ko honglilah meh akünyang khithsa nüh müyangyohchüba thsacho. 28I shümtsurüti chah mii I khyang be mümüthsüpsoh, ko I tsularüti te aza yu mii müyosoh. Nühnü dee amüsithsa nguchiko! 29Ihnü nührü chah amütsa nguchinung kohle, ta shomang nüurü Tsingrang-nü nührü chah tu amütsa münguchinung Ite yoko. 30Nührü lih lang dee wünyücho Ihnü müdhele, ta tuepü nühnü I kuh tsingrang fühcho?”
31Jakob-nü lalingcho, “Nühnü nü tsularüti thali khyüjükhang mütsapü Ihnü drüchoe. 32Ta hila khürü kheh la nührü tsingrang tsü zehkhang, abilü süsohng. Hila, I nyitsarünü yuzithsa, nüyo tu müzehnang dhing ko zehkhang khyüng.” Rachel-nü Laban tsingrang fühcho tsü Jakob-nü mümüdhecho.
33Achotsü Laban-nü Jakob shükuh la; hütsüpü Lea shükuh la, ko kulilarü anyüh shükuh la yangchicho, ta abinü hütsü müngucho. Hütsüpü abinü Rachel shükuh la züdu yangchicho. 34Ade, kuh tsingrang tsü Rachel-nü khyo ut pümji pohki yohpü hütsü michah pümcho. Laban-nü shükuh la tsü longi yangchicho ta müngucho. 35Rachel-nü au te yocho, “Uwa, Ite zii tüchüro, ta Ih nü bete yanung mükoh; tunüo Ih ayah role.”#31.35: Ih ayah role: Khingkurü choo mükhu anyah wüba bekhyah. Hütsüta abinü yangchicho ta kuh tsingrang tsü müngucho.
36Hütsüde Jakob azi chürocho. Abinü yocho, “Ihnü tu thsamehcho? Nühnü Ih iironungthsa Ihnü tu yuzeng thsangnyangcho? 37Nühnü ade I kohro apüm la yangchiko, nü kukhi yo tu ngucho? Hila zangchehng, Ihjü nyitsarü bete ngusohng, ko Ihjü sü yujenang arühnü khasohng. 38Ih nü yola adelü kang mükyü lirore; nü san ko miza khüdusü aza müpeh, mahkhang Ihnü nü yo lanü sanpung khüdusü mütsu. 39Rangmü kanglungrünü mükahsehnye, hütsü Ipunü sahcho. Hütsü I mülang mah pü khodesü nüte müyo. Anyümong chahnye, mahkhang amala chahnye achahcho apüm I khyang münohsohcho. 40Anyümong adhsanü ko aromang athsahchonü Ih adrongpi chongchako. Ko Ih müyüpmüsü du licho. 41Hütsü roh-i du nüte kang mükyü liroko. Nü tsulatpü nyüh nengdang kang dhüremüyü ko santi nengdang kang dhüroh nüh dikehko. Hütsüpü mii nühnü I nyükheh ngang dhürepili mülichicho. 42Iurü Tsingrang, Abraham ko Isak Tsingrang Ite müzehlanglü, nühnü Ih khehshü iipehpü liba thsako. Ta Tsingrangba-nü I chongchacho ko Ihnü nguchicho ngucho ko shomang Abinü nüh yübüko.”
Jakob-e Laban nyüh Nyengchotacho
43Laban-nü Jakob te lalingcho, “Khingkurü hiri I tsurüe; arüh tsurüti Iyo ko santi hiri Iyo lile. Yoekhang, hila nühnü nguba apüm hi Iyo lile. Ta Ihnü tsularüti ko arüh tsurüti ranglinung mükohchonü, 44nüte azengtaba khüdu külüpnung Ih rungnüm lile. Ko Ihjü anyengchotaba lümkehnung shulüm lung zang khangnung.”
45Achotsü Jakob-nü lung khüdu hiro amüdhethsa khyümcho. 46Abinü abi nyitsarü te lung zang bhümnung yocho. Hütsüpü arühnü lung zangcho shündhün tsü tsuyongcho. 47Hütsüde Laban-nü Jegar Sahadutha,#31.47 Jegar Sahadutha: Aramaik yula hi adüzü “Alümkehnung lungkuh zang khangcho.” Ko Jakob-nü Galeed#31.47 Galeed: Hi Ibri yunü “Ihsanü alümkehnung lungkuh zang khangcho pü” dsire. aneng jücho. 48Laban-nü Jakob te yocho, “Ihjüding nengdang hiba lung khangcho hi alümkehnung linung.” Hütsünü hiba müdüm te Galeed dsicho. 49Laban nüsü yocho, “Ihjü za lide Abüdongba-nü Ihjü nyah lieng.” Hütsünü hiba te Mizpa püsü dsicho. 50Laban-nü mütozah yocho, “Nühnü I tsularüti mümüi-müdhsümnye, ko Ihnü mümüdhepü nühnü khingkurü apa khyünye, Tsingrangba-nü Ihsa dhing yalepü lümkehng. 51Ihnü Ihjü kahla khangba lung tsü ko amüdhethsa lung tsü hila lile. 52Hiba lung khangcho ko amüdhethsa anyüding tsü alümkehnung thsanung. Ihnü nüte khatanung hiba lung zangcho khu müronung ko nühnüsü Ite khatanung hiba amüdhethsa hi khu türo. 53Abraham Tsingrang ko Nahor Tsingrang-nü Ihjü kahla yu khaang.” Hütsüpü Jakob-nü au Isak Tsingrang nengla anyengchotacho tsü yohpünung yuchümcho. 54Abinü kanglungrü khüdu müpseh akhangchah tsü kangmübü jücho ko abi nyitsarüti tsuyongnung dsiyohcho. Arühnü tsuyongpü khanglang akhangchah tsü yüpcho. 55Nyangnyü khüu mütoh Laban-nü ashümtsurüti chah bemüthsüpcho ko atsularüti te aza yu yopü thali tsicho.
Currently Selected:
:
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.