LIPOH 25
25
Abraham Chahnü Apa Trahchocho
(1 Roh 1.32, 33)
1Abraham-nü anitpü apa khüdu, anengnü Ketura khyücho. 2Abükyünü abi khyang Zimran, Jokshan, Medan, Midian, Ishbak ko Shua nümüsujücho. 3Jokshan tsü Sheba ko Dedan nyüh au, ko Dedan chahnü trahchochoti tsü Asshurim, Letushim ko Leummim. 4Midian tsurüti tsü Efa, Efer, Hanok, Abida ko Eldah. Hiri atümung tsü Ketura chahnü trahchocho.
5Abraham-nü abi licho apüm Isak khyang pehjücho; 6ta abi akang lidenü, anitpü apanü nümüsujüba tsurüti khyang tsü jiyü jopehcho. Hütsüpü abinü arüh Isak tenü za nyüchürolangthring tsisohcho.
Abraham Sücho ko Dhrürangcho
7-8Abraham kang 175 chii kutsüp lipü sücho. 9Atsunyü Isak e Ishmael nyühnü abi Makpela lungkhi la, Hit-rü Zohar tsurü Efron lih Mamre nyüchüro lahpi tsü dhrürangcho. 10Hütsü lih tsü Abraham-nü Hit-rü te lihcho; Abraham anitpü Sara anyüding hütsüla dhrürangcho.#Lip 23.3-16 11Abraham süpü khanglang, Tsingrangba-nü Isak müwajücho. Ko abi “Ih nguba Akang liba Kihkong” shündhün licho.
Ishmael chahnü Trahchocho
(1 Roh 1.28-31)
12Sara kulitpü Ijip-larü Hagar-nü Abraham khyang nümüsujüba Ishmael chahnü, 13arüh asurocho chungnü hiri licho: Nebaiot, Kedar, Adbeel, Mibsam, 14Mishma, Duma, Masa, 15Hadad, Tema, Jetur, Nafish ko Kedema. 16Arüh tsü hung dhüreanyüh jümürüti ko arüh neng tsü yang ko alicho aichi jücho. 17Ishmael kang thsih khüdupü sangrepü dhünyeh thsade sücho. 18Ishmael chahnü trahchochoti tsü Assyria langla Ijip nyüchüro lahpi Havila ko Shur nyüh kahla licho. Arüh tsü Abraham trah aparü tenü za pathsa licho.
Esau ko Jakob nyüh Surocho
19Hiba hi Abraham tsurü Isak yukheh. 20Isak-nü Bethuel tsulatpü Rebeka, Mesopotamia lanü Aramea-rü khüdu ko Laban ani khyüde abi kang yüre azirü thsacho. 21Rebeka azarü mülichonü, Isak-nü abükyü nengdang Abüdongba te kihchicho. Ko Abüdongba-nü abi kihchicho laling Rebeka afü müdeng kangsohcho. 22Abükyünü arüp hicho ko arüh müsurode, longlanü anyüh khatamüsucho. Abükyünü yocho, “Tuepü I chah hi kyo tikehro?” Hütsünü abükyünü Abüdongba te tsingdhingnung wücho.
23 Abüdongba-nü abükyü te yocho,#Rom 9.12
“Nü mila yucho anyüh zehle;
Nühnü arorüh anyüh nümüsunung.
Khüdu akhüu tenü tase azeh-u linung;
Azibanü azaba dikehnung.”
24Abükyü azarü suronung becho chihcho ko dhrezarü arüp nümüsucho. 25Akhuba tsü amürüm ko afü tsü anbühnü chitipü surocho, hütsünü aneng Esau dsijücho. 26Anyüuba tsünü Esau thsühza chah khahkhah ramehpü surocho, hütsünü aneng Jakob dsijücho. Arüh surode Isak kang rohre thsacho.
Esau-nü Abi Thsiking Icho
27Ko azarüti tsü zicho, ko Esau tsü shu-iirü axangcheh, rangthrünung mürurü ko Jakob tsü alonglüm, kuh la du licho. 28Isak-nü Esau müicho, tunüo abinü Esau-nü rangthrücho tsu licho ta Rebeka-nü Jakob müicho.
29Nyümong khüdu Jakob hikih külüpchi yade, Esau rangmülangnü kyahsehpü lungcho. 30Esau-nü Jakob te yocho, “Ih kyahsehko, I khyang hikih tsü aza tieng.” (Hütsünü abi neng Edom dsicho.)
31Jakob-nü yocho, “Nühnü I khyang nü aukhuba thsiking jüpü du tihnung.”
32Esau-nü yocho, “Ih asürüe; aukhuba thsiking tsünü Ih tu jingchonung!”
33Jakob-nü lalingcho, “Nü thsiking tsü I khyang jünungepü akhu yuchüm.”
Esau-nü yuchüm abi thsiking tsü Jakob khyang jücho.#Ibr 12.16 34Hütsüpü Jakob-nü abi khyang hümdhse ko hikih tsü jücho. Abinü hütsü tsuyongcho ko shemüsu tsicho. Hütsüta Esau-nü abi aukhuba thsiking mükhimüchopehcho.
Currently Selected:
LIPOH 25: SANGBSI
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 25
25
Abraham Chahnü Apa Trahchocho
(1 Roh 1.32, 33)
1Abraham-nü anitpü apa khüdu, anengnü Ketura khyücho. 2Abükyünü abi khyang Zimran, Jokshan, Medan, Midian, Ishbak ko Shua nümüsujücho. 3Jokshan tsü Sheba ko Dedan nyüh au, ko Dedan chahnü trahchochoti tsü Asshurim, Letushim ko Leummim. 4Midian tsurüti tsü Efa, Efer, Hanok, Abida ko Eldah. Hiri atümung tsü Ketura chahnü trahchocho.
5Abraham-nü abi licho apüm Isak khyang pehjücho; 6ta abi akang lidenü, anitpü apanü nümüsujüba tsurüti khyang tsü jiyü jopehcho. Hütsüpü abinü arüh Isak tenü za nyüchürolangthring tsisohcho.
Abraham Sücho ko Dhrürangcho
7-8Abraham kang 175 chii kutsüp lipü sücho. 9Atsunyü Isak e Ishmael nyühnü abi Makpela lungkhi la, Hit-rü Zohar tsurü Efron lih Mamre nyüchüro lahpi tsü dhrürangcho. 10Hütsü lih tsü Abraham-nü Hit-rü te lihcho; Abraham anitpü Sara anyüding hütsüla dhrürangcho.#Lip 23.3-16 11Abraham süpü khanglang, Tsingrangba-nü Isak müwajücho. Ko abi “Ih nguba Akang liba Kihkong” shündhün licho.
Ishmael chahnü Trahchocho
(1 Roh 1.28-31)
12Sara kulitpü Ijip-larü Hagar-nü Abraham khyang nümüsujüba Ishmael chahnü, 13arüh asurocho chungnü hiri licho: Nebaiot, Kedar, Adbeel, Mibsam, 14Mishma, Duma, Masa, 15Hadad, Tema, Jetur, Nafish ko Kedema. 16Arüh tsü hung dhüreanyüh jümürüti ko arüh neng tsü yang ko alicho aichi jücho. 17Ishmael kang thsih khüdupü sangrepü dhünyeh thsade sücho. 18Ishmael chahnü trahchochoti tsü Assyria langla Ijip nyüchüro lahpi Havila ko Shur nyüh kahla licho. Arüh tsü Abraham trah aparü tenü za pathsa licho.
Esau ko Jakob nyüh Surocho
19Hiba hi Abraham tsurü Isak yukheh. 20Isak-nü Bethuel tsulatpü Rebeka, Mesopotamia lanü Aramea-rü khüdu ko Laban ani khyüde abi kang yüre azirü thsacho. 21Rebeka azarü mülichonü, Isak-nü abükyü nengdang Abüdongba te kihchicho. Ko Abüdongba-nü abi kihchicho laling Rebeka afü müdeng kangsohcho. 22Abükyünü arüp hicho ko arüh müsurode, longlanü anyüh khatamüsucho. Abükyünü yocho, “Tuepü I chah hi kyo tikehro?” Hütsünü abükyünü Abüdongba te tsingdhingnung wücho.
23 Abüdongba-nü abükyü te yocho,#Rom 9.12
“Nü mila yucho anyüh zehle;
Nühnü arorüh anyüh nümüsunung.
Khüdu akhüu tenü tase azeh-u linung;
Azibanü azaba dikehnung.”
24Abükyü azarü suronung becho chihcho ko dhrezarü arüp nümüsucho. 25Akhuba tsü amürüm ko afü tsü anbühnü chitipü surocho, hütsünü aneng Esau dsijücho. 26Anyüuba tsünü Esau thsühza chah khahkhah ramehpü surocho, hütsünü aneng Jakob dsijücho. Arüh surode Isak kang rohre thsacho.
Esau-nü Abi Thsiking Icho
27Ko azarüti tsü zicho, ko Esau tsü shu-iirü axangcheh, rangthrünung mürurü ko Jakob tsü alonglüm, kuh la du licho. 28Isak-nü Esau müicho, tunüo abinü Esau-nü rangthrücho tsu licho ta Rebeka-nü Jakob müicho.
29Nyümong khüdu Jakob hikih külüpchi yade, Esau rangmülangnü kyahsehpü lungcho. 30Esau-nü Jakob te yocho, “Ih kyahsehko, I khyang hikih tsü aza tieng.” (Hütsünü abi neng Edom dsicho.)
31Jakob-nü yocho, “Nühnü I khyang nü aukhuba thsiking jüpü du tihnung.”
32Esau-nü yocho, “Ih asürüe; aukhuba thsiking tsünü Ih tu jingchonung!”
33Jakob-nü lalingcho, “Nü thsiking tsü I khyang jünungepü akhu yuchüm.”
Esau-nü yuchüm abi thsiking tsü Jakob khyang jücho.#Ibr 12.16 34Hütsüpü Jakob-nü abi khyang hümdhse ko hikih tsü jücho. Abinü hütsü tsuyongcho ko shemüsu tsicho. Hütsüta Esau-nü abi aukhuba thsiking mükhimüchopehcho.
Currently Selected:
:
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.