LIPOH 23
23
Sara Sücho
1Sara kang thsih khüdupü mükyüpü dhünyeh licho. 2Ko abükyü Kanan limih Hebron la sücho, ko Abraham-nü abükyü meshücho.
3Abinü anitpü asü me tsü pehjüpü wü Hit-rü te yocho, 4“Ih, nührü yola yangpirü khüdu due; I nitpü me rangnung alih aikyah lihsohng.”#Ibr 11.9-13; R. Ngu 7.16
5Arühnü yocho, 6“Adirü, Ihrü te nyieng. Nüh ihrü yola langnürü adiuba lile, ihrü kong atsauba la nü nitpü me tsü dhrürang. Abükyü me rangnung ihrü masünü künyang du jünung.”
7Achotsü Abraham-nü arüh jingte mükhukeh yocho, 8“Nührünü I nitpü me rangnung hila mülakhang, 9yanglilüm Zohar tsurü Efron te abi lih nangolang Makpela lungkhi tsü I khyang iengpü nührünü yojüng. Ihnü hütsü kongyo külüpnungthsa hila nührü betenü angang ajeng ngang iengpü yojüng.”
10Hütsüla Efron apu mii Hit-rü yola yangdi tbükhüm te pümcho; ko abinü hütsüla lirü atümungnü yuchi yocho, 11“Nyieng, adirü; Ihnü nü khyang lutri apümnü lungkhi tsü zeh jüre. Hila I nyitsarü bete nü nitpü dhrürangnung Ihnü nü khyang jüre.”
12Ta Abraham-nü atümungnü yuchisohnung Hit-rü jingte mükhukeh Efron te yocho, 13“Ihnü nü khyang yanglilüm nyisohnyüre. Ihnü lutri shünü lihnung; angang hi khyüng ko Ihnü I nitpü me rangnung.”
14Efron-nü lalingcho, 15“Adirü, Iyu nyieng. Alih tsülü shekel taripi thsih müyü lengle, ta Ihjü kahla tu thsanung! Yah dhrürangdung.” 16Abraham-nü hütsü nyengcho Hit-rü betenü yuchi thsi shekel thsih müyü tsü shithsabhülehrünü bichiba ahosingnü ho jücho.
17Hütsüta Mamre nyüchürolang Makpela la Efron lih tsü Abraham yo kangcho. Hütsüla luh rühsahcho pohki alih, lungkhi ko sing apüm tsü zehcho. 18Hütsüta hütsüla zehrü Hit-rü atümungnü hütsü Abraham yoepü müdhecho.
19Hütsüpü Abraham-nü anitpü Sara Kanan lih la hütsüba lungkhi la dhrürangcho. 20Hütsüta Hit-rü lih ko lungkhi tsü kongyo thsanung shulüm Abraham yo kangcho.
Currently Selected:
LIPOH 23: SANGBSI
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 23
23
Sara Sücho
1Sara kang thsih khüdupü mükyüpü dhünyeh licho. 2Ko abükyü Kanan limih Hebron la sücho, ko Abraham-nü abükyü meshücho.
3Abinü anitpü asü me tsü pehjüpü wü Hit-rü te yocho, 4“Ih, nührü yola yangpirü khüdu due; I nitpü me rangnung alih aikyah lihsohng.”#Ibr 11.9-13; R. Ngu 7.16
5Arühnü yocho, 6“Adirü, Ihrü te nyieng. Nüh ihrü yola langnürü adiuba lile, ihrü kong atsauba la nü nitpü me tsü dhrürang. Abükyü me rangnung ihrü masünü künyang du jünung.”
7Achotsü Abraham-nü arüh jingte mükhukeh yocho, 8“Nührünü I nitpü me rangnung hila mülakhang, 9yanglilüm Zohar tsurü Efron te abi lih nangolang Makpela lungkhi tsü I khyang iengpü nührünü yojüng. Ihnü hütsü kongyo külüpnungthsa hila nührü betenü angang ajeng ngang iengpü yojüng.”
10Hütsüla Efron apu mii Hit-rü yola yangdi tbükhüm te pümcho; ko abinü hütsüla lirü atümungnü yuchi yocho, 11“Nyieng, adirü; Ihnü nü khyang lutri apümnü lungkhi tsü zeh jüre. Hila I nyitsarü bete nü nitpü dhrürangnung Ihnü nü khyang jüre.”
12Ta Abraham-nü atümungnü yuchisohnung Hit-rü jingte mükhukeh Efron te yocho, 13“Ihnü nü khyang yanglilüm nyisohnyüre. Ihnü lutri shünü lihnung; angang hi khyüng ko Ihnü I nitpü me rangnung.”
14Efron-nü lalingcho, 15“Adirü, Iyu nyieng. Alih tsülü shekel taripi thsih müyü lengle, ta Ihjü kahla tu thsanung! Yah dhrürangdung.” 16Abraham-nü hütsü nyengcho Hit-rü betenü yuchi thsi shekel thsih müyü tsü shithsabhülehrünü bichiba ahosingnü ho jücho.
17Hütsüta Mamre nyüchürolang Makpela la Efron lih tsü Abraham yo kangcho. Hütsüla luh rühsahcho pohki alih, lungkhi ko sing apüm tsü zehcho. 18Hütsüta hütsüla zehrü Hit-rü atümungnü hütsü Abraham yoepü müdhecho.
19Hütsüpü Abraham-nü anitpü Sara Kanan lih la hütsüba lungkhi la dhrürangcho. 20Hütsüta Hit-rü lih ko lungkhi tsü kongyo thsanung shulüm Abraham yo kangcho.
Currently Selected:
:
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.