LIPOH 14
14
Abram-nü Lot Khümchocho
1Yangthsarü müyü, Babylon yangthsaba Amrafel, Ellasar yangthsaba Ariok, Elam yangthsaba Kedorlaomer ko Goiim yangthsaba Tidal-nü, 2aparü yangthsarü: Sodom yangthsaba Bera, Gomora yangthsaba Birsha, Adma yangthsaba Shina, Zeboim yangthsaba Shemaber ko Bela (mahkhang Zoar) yangthsaba arüh münga nyüm khatanung wücho. 3Hiri yangthsarü münganü Siddim ngah la tsungphung khüdu kangcho. (Siddim tsü ade Asü kihdi.) 4Arüh tsü Kedorlaomer pohki kang dhüreanyüh licho, ta kang dhüreasangu lalü arühnü abi nyüm yacho. 5Kang dhüremüyüula, Kedorlaomer ko abi te tsungphung khüdu thsarü yangthsarütinü Asterot Karnaim la Refaim, Ham la Zuzim, Kiriathaim ngah la Emim, 6ko Edom zong la Hor-rü, lipilih achangka Elparan chii iiwücho. 7Hütsüpü arühnü Kadesh (hütsütade Enmishpat) lang mükangmüla thali rocho. Arühnü Amalek-rü lih apüm kohchehcho ko Hazazon Tamar la lirü Amor-rü kohchehcho.
8Hütsütade Sodom, Gomora, Adma, Zeboim ko Bela la yangthsarütinü Siddim la khatade 9Elam, Goiim, Babylon ko Ellasar la yangthsarüti müyü nyüm yangthsarü münganü khatacho. 10Angah tsü shukuh zengnü jeng licho ko Sodom e Gomora yangthsarü khatala tsünü rang tside hütsüri shukuh la tsü dhrümyohcho; ta aparü yangthsarü asanglü azonglang tsü tsicheh tsicho. 11Yangthsarü müyü tsünü Sodom e Gomora la tsü tsuyongba mii zeh lüpcho khyüpü tsipehcho. 12Abram ani tsurü Lot Sodom la licho, achotsü arühnü apu ko akuthsi apüm hitsicho.
13Ta nyüh khüdu tsicheh ro Ibrirü Abram, sü Amor-rü Mamre yo langsing shündhün licho, abi te yocho. Mamre ko anirüti Eshkol ko Aner-rü tsü Abram te kehta licho. 14Khode Abram-nü ani tsurü rang tsiko pü yuchicho, abinü rothsarü atümungnü 318 dsibülungcho ko Dan chii yangthsarü müyü tsü iiwücho. 15Hütsüla abinü abi nyitsarüti amülungmülung changnahcho, ko arorüh tsü amala becho ko arüh kohchehcho. Abinü arüh Damaskas kihku lahpi Hobah chii iiwücho, 16ko kengcho tsiba kohro tsü thali khyücho. Abinü ani tsurü Lot, abi kuthsi ko khingkurü ko aparü arangtsirü zeh nüli rocho.
Melkizedek-nü Abram Müwajücho
17Abram-nü Kedorlaomer ko aparü yangthsarüti kohpü thalide, Sodom yangthsabanü abi mütohnung Shaveh Ngahlang wücho. (Yangthsaba Ngah püsü dsicho.) 18Ko Salem la yangthsaba ko Amichahba Tsingrang bebürü Melkizedek-nü hümdhse ko yongkha hiro,#Ibr 7.1-10 19abi müwajücho ko yocho, “Ning ko alih külüpba Amichahba Tsingrang-nü Abram müwajüng! 20Amichahba Tsingrang, sünü nü khyang akoh jücho, abi seing!” Ko Abram-nü Melkizedek khyang abinü kengchocho apüm lanü dhüre nohlüm jücho.
21Sodom yangthsabanü Abram te yocho, “Akengchocho tsü nüh khyüng, ta I khyang I müyurü atümung thali jüng.”
22Abram-nü lalingcho, “Ihnü ninglih külüpba Amichahba Tsingrang, Abüdongba jingte yuchümre, 23Ihnü nü yo shechang khüdu mii mahkhang jingkhüm yo khüdu mii mükhyünung. Hütsünü du nühnü khodesü Ihnü Abram alirü kangsohchoepü müchonung. 24I nyitsarünü tsucho chah khu Ihnü Ipu nengdang tusü mükhyünung. Ta I yola würü Aner, Eshkol ko Mamre, arüh khyang arüh nohlüm khyüsohng.”
Currently Selected:
LIPOH 14: SANGBSI
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 14
14
Abram-nü Lot Khümchocho
1Yangthsarü müyü, Babylon yangthsaba Amrafel, Ellasar yangthsaba Ariok, Elam yangthsaba Kedorlaomer ko Goiim yangthsaba Tidal-nü, 2aparü yangthsarü: Sodom yangthsaba Bera, Gomora yangthsaba Birsha, Adma yangthsaba Shina, Zeboim yangthsaba Shemaber ko Bela (mahkhang Zoar) yangthsaba arüh münga nyüm khatanung wücho. 3Hiri yangthsarü münganü Siddim ngah la tsungphung khüdu kangcho. (Siddim tsü ade Asü kihdi.) 4Arüh tsü Kedorlaomer pohki kang dhüreanyüh licho, ta kang dhüreasangu lalü arühnü abi nyüm yacho. 5Kang dhüremüyüula, Kedorlaomer ko abi te tsungphung khüdu thsarü yangthsarütinü Asterot Karnaim la Refaim, Ham la Zuzim, Kiriathaim ngah la Emim, 6ko Edom zong la Hor-rü, lipilih achangka Elparan chii iiwücho. 7Hütsüpü arühnü Kadesh (hütsütade Enmishpat) lang mükangmüla thali rocho. Arühnü Amalek-rü lih apüm kohchehcho ko Hazazon Tamar la lirü Amor-rü kohchehcho.
8Hütsütade Sodom, Gomora, Adma, Zeboim ko Bela la yangthsarütinü Siddim la khatade 9Elam, Goiim, Babylon ko Ellasar la yangthsarüti müyü nyüm yangthsarü münganü khatacho. 10Angah tsü shukuh zengnü jeng licho ko Sodom e Gomora yangthsarü khatala tsünü rang tside hütsüri shukuh la tsü dhrümyohcho; ta aparü yangthsarü asanglü azonglang tsü tsicheh tsicho. 11Yangthsarü müyü tsünü Sodom e Gomora la tsü tsuyongba mii zeh lüpcho khyüpü tsipehcho. 12Abram ani tsurü Lot Sodom la licho, achotsü arühnü apu ko akuthsi apüm hitsicho.
13Ta nyüh khüdu tsicheh ro Ibrirü Abram, sü Amor-rü Mamre yo langsing shündhün licho, abi te yocho. Mamre ko anirüti Eshkol ko Aner-rü tsü Abram te kehta licho. 14Khode Abram-nü ani tsurü rang tsiko pü yuchicho, abinü rothsarü atümungnü 318 dsibülungcho ko Dan chii yangthsarü müyü tsü iiwücho. 15Hütsüla abinü abi nyitsarüti amülungmülung changnahcho, ko arorüh tsü amala becho ko arüh kohchehcho. Abinü arüh Damaskas kihku lahpi Hobah chii iiwücho, 16ko kengcho tsiba kohro tsü thali khyücho. Abinü ani tsurü Lot, abi kuthsi ko khingkurü ko aparü arangtsirü zeh nüli rocho.
Melkizedek-nü Abram Müwajücho
17Abram-nü Kedorlaomer ko aparü yangthsarüti kohpü thalide, Sodom yangthsabanü abi mütohnung Shaveh Ngahlang wücho. (Yangthsaba Ngah püsü dsicho.) 18Ko Salem la yangthsaba ko Amichahba Tsingrang bebürü Melkizedek-nü hümdhse ko yongkha hiro,#Ibr 7.1-10 19abi müwajücho ko yocho, “Ning ko alih külüpba Amichahba Tsingrang-nü Abram müwajüng! 20Amichahba Tsingrang, sünü nü khyang akoh jücho, abi seing!” Ko Abram-nü Melkizedek khyang abinü kengchocho apüm lanü dhüre nohlüm jücho.
21Sodom yangthsabanü Abram te yocho, “Akengchocho tsü nüh khyüng, ta I khyang I müyurü atümung thali jüng.”
22Abram-nü lalingcho, “Ihnü ninglih külüpba Amichahba Tsingrang, Abüdongba jingte yuchümre, 23Ihnü nü yo shechang khüdu mii mahkhang jingkhüm yo khüdu mii mükhyünung. Hütsünü du nühnü khodesü Ihnü Abram alirü kangsohchoepü müchonung. 24I nyitsarünü tsucho chah khu Ihnü Ipu nengdang tusü mükhyünung. Ta I yola würü Aner, Eshkol ko Mamre, arüh khyang arüh nohlüm khyüsohng.”
Currently Selected:
:
Označeno
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.