Priljubljene svetopisemske vrstice iz Romɨ 2

Deli

A'mweigɨ, a'mwe sara sasarebwi yadɨvɨsaraavɨ jɨdata yɨvanɨgɨnya gɨmɨ kwaigɨ avaala sara yɨvanɨgɨnyaigɨ kunya gara yawɨ'mwaa! Gotɨyai yawɨbwata savɨ yɨnɨga wi'na wavɨla'na yɨja' lɨkaanya yɨnɨga wɨna yɨnneigɨ daa! Gotɨyai yange'na tewaanna bwiwanna gyada saamɨnyagaa' gyemwali'maa'da tɨvɨkɨsa'na yɨme'nya'bɨ' gɨzaavadei mɨ'. Sasara gyade'na “Yaasɨwakengɨra,” jawɨ'manɨgɨ! Gotɨyai “Sɨmunya mudɨkebwi jawɨramaaka!” yawɨ'manɨke' myawɨrijɨvanɨgɨ! Yɨ sarevɨdaasɨ tewaanya nawɨ'nyabwi gyɨvanɨke'nanyɨ.

A'mweigɨ, sasare savɨdaasɨ kayaa'nanya sasarebaaibɨ' yɨvanɨgɨnyaigɨ a'mwe pwaraavɨ nyawɨbwa'dɨka! Pwaraavɨ jɨda'dɨnyaigɨ Gotɨyai gyawɨbwaradehaa' be yagaala duthatheigɨnaka! Aawa. Sare' dare'nesɨ. Gɨmɨ pwaraavɨ jɨda'dɨnyagaa' gɨmɨ kwaigɨnyɨne'na jɨda'nɨnneigɨnyɨ. Sare' dare'nesɨ. Gɨmɨ saigɨ jɨda'dɨnyaigɨ avaala sasare sabwi yadɨnyaigɨnyɨne'nanyɨ.

Sare' dare'nesɨ. Gotɨyai kunya dara yawɨ'dei mɨ' “A'mwe Juyarɨ nayaa maryawɨbwarɨma! A'mwe Anga Pimagɨnyarɨ kayaa'na maryawɨbwarɨma!” Aawa. Sara majai a'mwe sara yadɨvɨta sabwina avaaina maryawɨbwa'delyɨ.

Sare' dare'nesɨ. A'mwe sara Kɨwɨnya sabwi kadɨka yaasɨwa' wɨ'nadɨvɨsara Gotɨyarɨna yɨda'maraangera Gotɨyarera yɨma'nadɨvɨ' mɨ'. Aawa. A'mwera yune Kɨwɨnyabwi mɨdɨbɨzɨ kwajɨ a'mwe dazaraavɨna Gotɨyai kudathɨkere “A'mwe yɨda'maraangelyɨ. Nɨmɨrelyɨ.” Kɨrɨ' sarera mamwaalyɨgasare.

Gotɨyai a'mwe gazarɨzarɨ gamɨre yade sabwina wɨrɨvɨkɨradelyɨ.

Pɨrɨ' daresɨ. Pwara yune kumɨnyɨne'na yawɨ'dɨvɨ' nebulyabwi galazekɨvaina yadɨvɨ' yɨda'maraanga myabwinanya savɨ mɨdɨmanɨgata saraavɨna Gotɨyarɨ sɨnna tɨke' wɨdavadesɨ daanga kayaa'nanya sabulyɨ wɨrɨvɨkɨradelyɨ.

Gɨmɨre sɨmunya' gɨmɨre kayaa'nanyanna kaanya tihɨremwaaina yagɨna gɨmɨ myawɨramaarivanɨgɨnyavɨna Yɨrɨka Pɨrɨkɨna sasareigɨnyɨne'na gɨrɨvɨkɨrya'ne marayɨngakingɨla yɨvanɨgɨnyaigɨnyɨ. Yɨrɨka sagaa' Gotɨyare sɨnna tɨke' ku'maayaba yɨma'naabathe', yɨda'maraangebwina yawɨbwarade savɨ daanga kayaa'nanya sasɨ pɨnɨjɨ dɨmaa'dengɨ.