Priljubljene svetopisemske vrstice iz Romɨ 13

Deli

Aawa. Naangei Jizaazai Kɨraazɨtɨyarɨ dɨvaazɨ'ma'na! Kɨlaakejɨkɨya sɨmunya kayaa'nanya sangɨna dɨka yɨdade sangɨna mɨdɨnya'na sɨmunya myawɨ'dɨnna!

A'mwe aane pwai kwarɨna gɨlyɨvɨta tɨvɨkɨrya'ne aane pɨrɨ' kɨrɨ' wɨjaavɨja' malɨmwaga'dɨnna! Wɨjaavɨja' tɨvɨkɨta gave dahɨrɨ'na warɨbainagothesɨ. Yɨ daresɨ. Kɨraazɨtɨyare gazaizarɨna kale gyana! Sare' dare'nesɨ. A'mwei a'mwe pwarɨna kale wiajai yɨ Gotɨyare Kɨwɨnyavɨ yunebanna nayaa mɨdɨmwakelyɨ.

Gazaizai ga'maanɨyaraavɨ kwaakewɨ nayaa wɨla'narana! Sare' dare'nesɨ. Ga'maanɨyai saba sana yaasɨwa' yɨma'nyɨna yɨkai mɨ'. Aawa. Yuya wawɨnya ga'maanɨyare sa Gotɨyare sɨmunyavɨ yɨma'nadengɨ. Nabaai yuya ga'maanɨyara mwaaihata sahwaraavɨ Gotɨyai gamɨ sai wɨmwaaihakera sarera mwaaiha'.

Sawɨsa' mena yɨwawojɨ mena yɨrɨke purya'negaa' kɨbawegaa' yɨma'nɨwa'. Sarevɨdaa'nyɨ yuya sawɨtavɨya sa yagalya'mavaana! Yɨrɨkevɨya sabwina lɨmwagaraana! Sare'na Kayaa'nanyalyɨ mala bwa'nya'ne sɨramɨnyasɨ kɨlɨkesɨ pɨnɨjɨ maraana!

A'mwe pwaraavɨna kale tewaanya wiadei sai sahwaraavɨ kayaa'nanyabwi yadei mɨ'. Sarevɨdaa'nyɨ a'mwei pwaraavɨna kale tewaanya wiadei, sahwai yune Kɨwɨnya' pada'galamɨdɨdelyɨ.

Gɨmɨ a'mwe saraavɨna dala pɨnɨnna pɨnɨnna wɨjaavɨja kɨnɨnnakeigɨnyɨ. Sareigɨ sahwaraavɨna gɨmɨ nayaa duzaama! A'mwe taakɨzɨya maa'derɨna yɨ sahwarɨna taakɨzɨya' nayaa duzaama! Taakɨzɨya pɨnɨngɨne maa'derɨna nayaa duzaama! A'mwe pwarɨ “Gɨmɨ a'mwe naangeigɨnyɨ,” wɨdɨzaigɨ mwaala'gɨzɨ yɨ “A'mwe naangeigɨnyɨ,” nayaa duthana! A'mwe pwarɨne yaya' munyabanna makidɨzaigɨ mwaala'gɨzɨ yɨ sahwarɨne yaya' munyabanna nayaa dɨmakɨla!