Priljubljene svetopisemske vrstice iz Wɨjalangasakyaꞌ 1

Deli

Naangei Gotɨyai dara dɨvanɨ' “Nɨmɨ yune sahwainyɨ aaya sɨnnawɨnne nebulya'nanyainyɨ (A). Nabaai wana nebulya'na aaya dɨvineinyɨ (Z). Sɨnnawɨnyainyɨ. Aayaangeinyɨ.” Yɨ dazai dahaa' mwaalɨkei kɨgaakuna kuna mwaalakei dɨvidaa'nyɨ kuna yɨma'naabathei sai Dɨragɨnya Yuyangɨ Aaya Kaavɨlyalyɨ. Yuyangɨ Mɨnyagɨnyalyɨ.

Yɨ nɨmɨ gaala mwaalya'nebwi aaya kaavɨlyainyɨ. Yɨthaa! Kɨgaa' nɨmɨ mena baleinyɨ, kɨrɨ', yɨthaa, yuyagaa' yuyagaa'ne gaala mwaaiheinyɨ. Nɨmɨ barya'ne kiya' lɨmwaga'dɨ Bainɨkeraavɨre Angebanne kiya' lɨmwagake. Yɨ sareinyɨ dɨragɨnnakeinyɨ ‘Aawa,’ kada'mujɨ a'mwe pwai mabalyɨ yadelyɨ. Pwai bainɨkei bainɨkeraavɨreba yagalya'ma'na yadelyɨ. Nɨmɨ ‘Yo,’ kada'mujɨ pwai balɨna yadelyɨ.

A'mwei Gotɨyare yagaala datha dɨvidaa'nya yɨma'nade wanganadadelyɨ nabaai yagaala Gotɨyarɨ wɨ'nawɨjɨwaakadɨnya a'mwe yɨ'bwa'nawɨ'nadɨvɨsara kadɨka wɨ'nadɨvɨ' sahwara Gotɨyare yagaala yɨda'mwe datha' sara mɨdɨdɨvɨsarajɨ yɨlaaya yadɨvɨ' tewaanaanga winaderera. Sare' dare'nanyɨ. Gotɨyai mena dake yɨda'manɨge datha yɨma'nadehaa' yɨ sagaa' maalɨkegaakɨ.

Sahwarɨ nɨmɨ tɨnna wanganena lɨka yena gamɨre sɨvɨlyɨraaryaba wala'na. Yɨ nɨmɨ wana a'mwe mena bainɨkeibɨsainyɨ. Sara kye sai nɨmɨnyɨ aangasi yɨlanyakaka dɨna “Gɨmɨ lɨka kuna minnera! Nɨmɨ aaya sɨnnawɨnya nebulya'nanyainyɨ. Yɨ nɨmɨ aaya dɨvidaa'nya nebulya'nanyainyɨ.

Yɨthaanyi! “Sai yɨraayavɨ waimanaabɨko.” Yuyaraavɨre tɨnnyaraalyɨ sahwarɨ wangabɨ'derɨnera. A'mwata wɨlɨvadaakweta kwarajɨ wangabɨ'derɨnera. Malɨmwagyara yɨta yuyavakaavɨyara wangabɨ'derera. Sahwara sɨduta kwalaalya yawɨpɨ'dere. We'! Gamɨnyɨne lɨke'na jakɨnna dɨpɨ'dere. Yo! Sahɨrɨsɨra. Nebula naangesɨ.