Priljubljene svetopisemske vrstice iz Maakɨ 4

Deli

Sara wɨdɨna kye' Jizaazai dɨkaa'na yaka yɨhusavɨ maanga wɨdaka “Mi'nanyɨra,” aalyavɨ wɨdɨna “Aalya'gɨ jaka madɨnna! Kave warɨna ja!” Wɨdɨna yakevɨ yɨhu'maanarya' mi'na muda'na kya' aalya' kave warɨna ya'. Aalya' kave warɨna kya' Jizaazai wɨdɨna “Lɨka baa'na yɨvanɨga'! Gotɨyarɨ malɨmwagyɨvanɨga' lɨka yɨwaasa'!”

Gamɨrera sara wanganeva lɨka naanga yeva dɨne' “Yɨhusasɨ aalyasɨ sawaai gamɨre yagaalya' wɨ'nɨwaalya' be a'mwelaka!”

Deva Jizaazai sɨpɨyavɨ lɨkimagɨ mwaalakei dɨhaihɨsavɨ se warakerɨ. Deva dɨthɨkavɨmwaaihɨna yeva yarai wɨdɨna “Aaka, Nejɨwaakadɨnyaigɨ, nemɨ yarai nyɨwawaadɨka! Nemɨnyɨna ‘Nabaipɨka!’ myawɨrijɨvanɨgɨ?”

Jizaazai wɨdɨna “Kadɨka wɨ'nɨvanɨgasa' nayaa jawɨrila! Yawɨbwasa' dɨrɨvɨkɨ'de' sa' gɨrɨvɨkɨradesɨ. Nabaai pɨrɨ' gye'mwagahɨzaavadesɨ.

Yagaala pɨrɨ' wɨdɨna “Gotɨyai a'mweraavɨ maremwaaide' naanga yɨma'nya'ne'na daresɨ. A'mwei wawɨnyavɨ sɨla pɨraihɨrakadevaaibɨsasɨ. Pɨraihɨrakadevɨ a'mwei sawɨsavɨ se wa'da yɨrɨka pu'daasɨyavɨ dɨkaa'na yada navɨka mwaaidɨ'nyɨ sɨla pɨraihɨrakadengɨdaa'nyɨ bilyɨrɨ'na. Bilyɨrɨ'na yadevɨ naanga sara bilyɨrɨ'daa'nyɨya'na myawɨri.

Kadɨ'nakeinyɨ daakajɨ nayaa du'nana!”