Priljubljene svetopisemske vrstice iz Maakɨ 1

Deli

Jizaazai se wa'mwarakei yɨrɨkunyagaa' dɨkaa'na yaka walyuna yaka a'mwera maaya kunebanna kaanna wɨna yaka Gotɨyarɨ yagaala wɨdɨna.

Wɨjɨwakamarina yakegaa' wɨda' “Dahaa' yemwaalyagaa' aayasɨra. Dahaa' yunegaa'nanyɨ. Gotɨyai a'mweraavɨ maremwaaidehaa' yɨma'nɨwa' dahaa'. Gotɨyarɨna sarɨmɨre sɨmunyabwi mudɨkebwi jawɨramaarila! Yagaala tewaanya' wɨ'napɨjɨ ‘Nebulyasɨra. Sara yaana!’ dɨthɨnyide'na yɨhɨthɨwa. Yagaala sa' nayaa dɨlɨmwagarila!” wɨjɨwaakɨna ya'.

Mi'na bavɨtaazɨya yɨna kya' aalyavɨ sai bilaawaka yɨme'nya'bɨ' dara wanganake' “Sɨgunya' tɨvɨ damujaangɨka! Kekwai Kuryai kwaamɨryaibɨsai daimwaabɨka!” Mena kada' Kuryai walaabɨna yaka gamɨre munyɨkɨ kusawɨ bulamwaaina. Bulamwaaina kya' Sɨgunyavɨdaasɨ Gotɨyarebadaasɨ Gotɨyai yagaala wɨdɨna “Saigɨ, nɨmɨre Nyɨbwaalɨvaangeigɨnyɨ. Kurya tewaanya gukadɨnyaigɨnyɨ. Sahwaigɨ yɨlaaya nyɨgaimanɨgɨ,” wɨda'.

Nɨmɨ aalya gavevɨ bavɨtaazɨya yɨhyɨvanɨge sa' Naangei Kurya Tewaanyarɨ bavɨtaazɨya yɨhyadelyɨra,” wɨdɨna ya'.

Wangamabɨna yaka wɨda' “Dɨnyɨmɨdɨnaabyɨla! Kanyɨmɨdɨnaabakɨlyɨ kihɨzɨwaaka'muri jawɨnya maa'ditabaaibɨ' Gotɨyarɨne a'mweraavɨ maarya'neraaihɨrɨ yɨhɨmwaaihɨderaaihɨlyɨra.” Mi'na kuda' yɨme'nya'bɨ' kɨrɨnnya jawɨgɨlya yagalya'ma'na yagɨla mɨdɨnna yagi.

Wɨjɨwaakɨna kya' yuyara gamɨre yagaalya' wɨ'neva atɨka maru'na'muluna ye'. “Kɨwɨjaraavɨrebwi kwaasɨ kwaasɨya'bɨsabulyɨ. Jizaazai gannya sɨmunyavɨ yuya yawɨ'nɨkelyɨ,” dɨdaapi atɨka maru'na'na ye'. Sare' dare'nanyɨ. Jizaazai dɨragɨnya kɨnɨnnakei wɨjɨwaakake'nanyɨ.