Priljubljene svetopisemske vrstice iz Jemɨzai 5

Deli

Sarevɨdaa'nyɨ sarɨmɨ sɨrya'mweraavɨ sarɨnnya kayaa'nanyanna dɨzalɨkurakyɨla! Sara yadɨvɨ' sarɨmɨ sɨrya'mweraavɨ nayaa yavada'galade'na Gotɨyarɨ nayaa jɨthaanganyɨla! A'mwe yɨda'maraangeraavɨre Naangerɨ yɨdaanganyabwi sa' dɨragɨnya yɨma'naabathesɨ. Yɨ sa' a'mwerɨ yɨnɨga wi'na gaimwagathesɨ.

Sarɨmɨnyɨdaa'nyɨ sɨrya'mwe pwai kwai taanginya' kɨnɨnnakei dahamwaalɨka? Sai Gotɨyarɨ nayaa wɨdana! Sɨrya'mwe pwai kware sɨmunya' yɨlaaya dahayɨvanɨka? Sare'na sai Gotɨyarɨ yɨledaasa' dana!

Nabaai sahwarɨna Gotɨyarɨ dɨragɨnna lɨmwadɨvɨ' yɨdaangabɨza' Naangei nalaavɨnakerɨ tewaanna wiada ayɨna yɨdɨkaavadelyɨ. Nabaai sai kayaa'nanya pɨnɨ yajanna Naangei kayaa'nanya yuya daza duimwagasɨ'nadelyɨ.

Nabaai sarɨmɨnyɨdaa'nyɨ sɨrya'mwe pwai nabalɨnakei dahamwaalɨka? Sare sai Naangere kusɨlaanyavɨyaraavɨre naangeraavɨ jaka wɨdathelyɨ. Naangerɨne yayavɨ gamɨre kɨlaakejɨkɨ welivananya' purapɨjɨ gamɨnyaba sahwarɨ tewaanya yavada'galade'na Gotɨyarɨ wɨdɨpɨka!

nabaai neya'mwe dazai dara yawɨradelyɨ. A'mwe pwai a'mwe kayaa'nanyabwi yaderɨ gaimwagozɨ sarevɨ a'mwe kayaa'nanya yadei tuta kayaa'nanya' yagalya'mavojɨ Gotɨyaryawɨnna ayɨna kabozɨ sarevɨ a'mwe dazai gannya kuryai ayɨna maaradelyɨ. Gamɨre kuryai kayaaka yuyagaa'na yɨnadei mɨ'. Sasare dazaburɨ Gotɨyai kayaa'nanya kwalaalya marasɨ'nadelyɨ. Jemɨzai