Priljubljene svetopisemske vrstice iz Jemɨzai 3

Deli

Kɨrɨ' a'mwe pwara sɨmunya munyabadaa'nya' Gotɨyarɨ maa'dɨvɨsara darebwi yadɨvɨsare. Aaya mudɨ'nanya', sɨmunya yɨda'maraangebwi mɨdɨnna. Nabaai ayawɨdaasa', a'mwerajɨ avaaimunyɨ'na mwaalɨna, sara yadɨvɨ' kwaamu'na yɨna, pwaraavɨre yagaala dɨpɨja kadɨka nayaa wɨ'nyɨna. Kale'na gaimwanga naanga yɨna, tewaanyabwina yɨsɨla nawɨ'nyabɨsabwina yadɨvɨsare. Sahwara yuyaraavɨ sɨmunya avaainanyabwina yadɨvɨ' nabaai kwaasɨ myadɨvɨ' kwaasɨ majadɨvɨsabulyɨ.

Sarɨmɨnyɨdaa'nyɨ a'mwe kwai sɨmunya nawɨ'nyajɨ yawɨta tewaanyajɨ kɨnɨnnakei dɨngaka? Sasare sai gamɨre kaanya yamarya sabwi tewaanya yɨma'nana! Sɨdusabwine kwaamu'na yajai tewaanyabwina yojɨyabwi a'mweraavɨ sɨmunya nawɨ'nyaburɨna yɨbwarɨdaakwana!

Nabaai sahwara avaaimunyɨ'na yɨpɨja' “Pwaraavɨ munya yɨrɨla dɨwangeburɨ wɨmwaaihɨma!” yawɨpɨjara tɨka munne wia burɨjabɨ' yɨpɨnere. Kwaamu'nanya ya sasare sabwi yɨda'maraanga saburɨ tɨka munne tewaanya yɨ'bwaramadakya yɨma'nadevulyɨ.

Sare' darevɨnyɨ. A'mwe pwara a'mwe pwaraavɨreburana tɨganaarya yadɨvɨ' kumɨre yaya makɨlya'nera dɨhaa'bwasabwina yawɨ'daapiya'na a'mwe sasare sara nayaa pada'galemwaaidɨvɨtara mɨ'. Gavamarasɨ'nyɨyagaala dɨdɨvɨsare. Nabaai sahwara kayaa'nanya yuya dala pɨbwinanyabwi yadɨvɨsare.

Taalɨsasɨ Naangei Nenɨmaangerɨne yaya munyaba makɨlya'ne dadaa “Su! Su!” dadaanyaine. Nabaai taalɨta sasɨ Gotɨyai yune gamɨbɨsaraavɨ yavɨkaryaakeraavɨ nemɨ paasiyagaala sahwaraavɨ kayaaka yɨgalya'ne yagaala kayaa'nanya dadaanyaine. Yagaala Gotɨyarɨna yaya munyaba makɨlya'nejɨ paasiyagaala kɨnɨjɨ yagaala pɨrɨwaala sasare sa yune maanga gave pukɨdaa'nyɨ yɨma'nadengɨ. Nɨmɨre nya'mweihi, nemɨ sasare sabwi sara nyaadɨka! Nawɨ'nyabwi mɨ'.

Nabaai taalɨsa' dɨka sahɨrɨsasɨ. Yuya kɨlaakejɨkɨne'na kusaba warɨke' Kwaakevakɨya kayaa'nanya dala pɨbwina pɨbwinanyabwi marima'naabadesɨ. Sara yada kɨlaaka yuyajɨkɨ gɨrɨkita yɨgalakadesɨ. Sarevɨ kɨlaakejɨkɨya saburɨ dɨka naanga yɨdade sabɨ' dɨhaa'bwa'devulyɨ. Sarevɨdaa'nyɨ nemɨre kaanya yamarya sabwi kayaa'nanyabwi yɨma'nadevulyɨ. Yɨ Saataanɨ Kayaa'nanyare dɨka daza' dɨka sahɨrɨvɨ yewɨtawakadesɨ. Dɨka naangebanne yɨmakera nemɨre taalɨsa' dɨhaa'bwa'dɨvɨsavɨna taalɨta sa' a'mwe Kwaaka yuyavakɨyaraavɨ taanginya dɨke'bɨ' marima'naabadesɨ.

Kɨrɨ' gamɨre taalɨsa' yɨnɨga wi'na maremwaaladei a'mwe pwai kwai mɨ'. Aane pwai kwai sara myadelyɨ. Yuyagaa' taalɨta sa' dɨkebɨ' yɨdamaryada yagaala kayaa'nanya yɨnɨgidaavadesɨ. Naawɨnaanyara kumɨre kwaamɨnya a'mweraavɨ tamakya'ne da'dɨvɨtabaaibɨ' taalɨsa a'mweraavɨre sɨmunyangɨ kayaaka yuna yɨgaidɨvɨsangɨ.

Nɨmɨre nya'mweihi, sarɨmɨnyɨdaa'nyɨ a'mwe kwalaalyara “Nemɨ Gotɨyare yagaalya' wɨjɨwakadaanyaina yɨma'naana!” nyawɨpɨdɨka! Darevɨnyɨ. Dɨvi sagaa' Gotɨyai nemɨ wɨjɨwaakyainaavɨ maryawɨbwasa' yawɨ'na “Sahwara sɨdu'nakera midaakajɨ, dɨragɨnna maryawɨbwarɨdeinyɨ sahwaraavɨ. A'mwe pɨmɨlɨkaavɨ kɨbawana yɨdeinyɨ.”