Priljubljene svetopisemske vrstice iz Jemɨzai 1

Deli

Nɨmɨre nya'mweihi, yaamɨjɨ yɨjɨwaala dala pɨnɨnnanyabwi kayɨhima'nojɨ yɨ sarɨmɨ dara yawɨpɨja “Sa nemɨ yune yɨlaaya ya'nennanyangɨra.” Sare' sarɨmɨ dara yawɨ'manɨga'. Sarɨmɨnyɨ yɨjɨwaala ya'ne yɨma'naabada sarɨmɨre dɨragɨnna lɨmwangebwi yaamɨjɨ yɨhyade. Sara yɨhyaja sabwi “Taanginya yuyangɨne'na dɨragɨnna daavɨna yɨwaava!” nejɨwɨrya'nebulyɨ.

Nabaai sarɨmɨnyɨdaa'nyɨ a'mwe pwai kwarɨ sɨmunya nawɨ'nyabwina wɨmudaasaja' sai sɨmunya wɨjaavade'na Gotɨyarɨ yɨdaanganana! Sara yɨdaanganaja' Gotɨyai sahwarɨ wɨjaavadelyɨ. Gotɨyai sai yuyaraavɨna yanga kwalaalya nayaa wɨjaavadei, nabaai sai a'mwe wɨmudaasaderaavɨna mayagaala dadei mɨ'.

Nɨmɨre nya'mweihɨrɨna tewaanya nyɨvu'nadeihi, darengɨ nayaa jawɨramaarila! Gazaigɨzaigɨ yagaalya' kadɨka wɨ'nya'na yarai yemwaala ja! Kɨrɨ' yagaala ja'na yɨme'nya'bɨ' nadɨthɨka! Nabaai mayagaalya' yɨme'nya'bɨ' nadɨthɨka!

Nabaai Gotɨyai “Sarɨmɨ naanga yune nebulya'nanyaihi jɨma'nyɨla! Sɨmunyavɨ yunebanna pada'galemwaalya'neihi yuyagaa' dɨragɨnna daayabwi tewaanna tɨvi'na yɨhɨmwaaihana!” kada' sara yɨma'nɨvanɨ'. Yɨ dɨragɨnyaihi mwaaibɨza' sarɨmɨnyɨ Gotɨyare aane pɨbwina aane kɨbwina yɨhɨmudaasadeihi mɨ'.

Kɨrɨ' sarɨmɨ yagaala daza' nayaa jɨla! Sarɨmɨ yune kadɨki'na mu'nakɨpɨnera! Kadɨki'na wɨ'nakɨpɨja' sarɨmɨ saihɨrɨna kwaasɨ yɨmanɨgava.

A'mwei yaamɨjɨ yɨjɨwaala yuya sangɨ taanginya maarajai kwai dɨragɨnna daa'dei yɨlaaya yada tewaanaanga yɨnɨkelyɨ. Sare' dare'nanyɨ. Yɨjɨwaala yuya mena wavɨlavojɨyai kuna dɨragɨnna lɨmwagarojɨyai, sarɨna Gotɨyai gaalyabwi wɨjaavadelyɨ. A'mwe gavamarasɨ'nyɨkaanya' wavɨla'dɨvɨsaraavɨne tɨvɨkɨsa' wɨjaavadɨvɨtabaaibɨ' Gotɨyai mena yawɨramaa'dei gaala sa' wɨjaavadelyɨ. Yɨ sɨnnawɨ Gotɨyai gaala daza' a'mwe yuyara gamɨnyɨna wɨvu'naderaavɨna wɨjaaya'na yune naanga nebulya'na wɨdakelyɨ.

Yuya tewaanya yanga wɨjaaya sabulyɨ yuya sɨhumale naanga yune nebulya'nanya sabulyɨ yuya daza Gotɨyai Sɨgunyavɨ mwaalɨkeryawɨdaa'nyɨ waidaavadengɨra. Baaka yuya, yɨ nyɨlyalyɨ lawelyɨ sɨlɨngaamɨnyajɨ yuyaraavɨne Gyakwalaangei daza nemɨnyawɨnna maryasaabadengɨra. Nenɨmaanga dazai gamɨre sabwi yaasɨwa' maroyɨmaa'nya yadei mɨ'. Sai pɨnɨ nyɨlyayaba a'mabaala yɨ'devaaibɨtai mɨ'. Saamɨnaanga wannada ayɨna tuta yɨbwa'mwadevaaibɨtai mɨ'.

Dare'nanyɨ. A'mwe pwai Gotɨyare yagaalya' yaasɨwa'na wɨ'nakajai sai nayaa mamɨdɨnyajai sai dare'bɨsalyɨ. A'mwei gannya sɨnnyɨkɨ sɨnɨmwavananyavɨ yennadevaaibɨsalyɨ. Sare' darevɨnyɨ. Sai gannya sɨnnyɨkɨ yennaka sangirɨ' kɨbawebanna woda yɨme'nya'bɨ' navɨka yɨwannyɨna yakelyɨ “Sɨnnyɨ' nɨmɨ gatha'dareinyɨ dɨngaka?” Sabaaibɨ' sai Gotɨyare wɨja navɨka yarai yadelyɨ.

Yɨda'maraangebwi nawɨ'nya gɨrɨ'maaya mwaalyabwi Gotɨyai Nenɨmaangere tɨnnyarɨ yɨwetawakya maaya yɨma'nya' daresɨ. Sɨgɨraayaraavɨjɨ yaanyɨwaakengɨjɨ sare samɨlɨka taanginya maa'manɨgasamɨlɨkaavɨna nemɨ nayaa gaimwagaatheine. Nabaai nemɨre kaanya yamaryabwi nayaa maremwainaana! Kwaaka davakɨya dazabwi nemɨre sɨmunyangɨ gɨrɨkita naneyɨgaladɨka! Sasaresɨ.

Nabaai yɨjɨwaala sa a'mwe pwai kware sɨmunyavɨ yɨdɨkaavojɨ kayaa'nanyabwi ya'na kumwagi'nojɨ aane pwai kwai dara madanna! “Dazabwi ya'na Gotɨyai nyɨmwagi'nɨwake'nanyɨ.” Aawa. Sare' darevɨnyɨ. Kayaa'nanyabwi Gotɨyarɨdaa'nyɨ mwagi'nadevwi mɨ'. Nabaai Gotɨyai a'mwei kayaa'nanya yajarɨ mwagi'nadei mɨ'. Aawa. Nemɨnyɨdaa'nya gazaizare sɨmunyavɨdaa'nyɨ dɨkaa'da wɨmwagi'nadelyɨ. Yune nennya yawɨta kayaa'nanya dazabwi nemɨnyɨ wabwiwanga neyadevulyɨ. Sara yada nemɨnyɨ kwaasɨ nedada kayaa'nanyabwi ya'na nedɨhaa'bwa'devulyɨ.

Neya'mwei gɨlyɨvɨta maayai dalaangevɨ mwaalɨkei Kɨraazɨtɨyarɨna yɨlaaya yadelyɨ. Kɨraazɨtɨyarɨna Gotɨyai sahwarɨ munyaba makimwake'na yɨlaaya yana!