Priljubljene svetopisemske vrstice iz Yɨvɨru 4

Deli

Sare' darevɨnyɨ. Gotɨyare yagaalya' nemɨrebwina bɨranemaaranne'nanyɨ. Yagaala sa' gaalyabwi kɨnɨnnakesɨ. Yɨ sa' wawɨnya dɨragɨnya yɨnɨga wi'na yadesɨ. Sa' gurɨmaanga dɨ'bwa'nɨke' yɨ kwaari'masɨramɨnya gurɨmaanga pimagɨnyaala gazavɨzavɨ wavɨlavɨkesɨ. Yɨ sa' a'mweraavɨ dabɨra'nɨgwida yune kuta ke'mwewɨ nebulya'na widesɨ. Sa' tɨnnyawɨ wɨlyɨ'ma'da gaalyavɨjɨ kuryarɨjɨ yɨ sawaarɨ mɨdaaihɨ'desɨ. Yɨ sa' dahaalyangɨjɨ yagɨdɨlyangɨjɨ tɨnnyaba wɨlyɨ'ma'da yuya sangɨ dabɨra'desɨ. Yɨ sa' yuya sɨmunya sangɨjɨ nemɨ ya'nengɨjɨ yune'na maryawɨbwa'desɨ.

Sarevɨdaa'nyɨ nemɨ lɨka myadaa Gotɨyaryawɨ gamɨre kingɨnamwaalyɨsavɨna gaimakunna wɨlaana! Sahwai yɨ yanga gaimwangebwi kɨnɨnnakelyɨ. Nemɨ gamɨre kale gaimwangebwi maarya'neina nabaai taanginya neyɨma'nadaaworiyagaa' gamɨre yanga gaimwangebwi nemɨnyɨ neya'neina sahwaryawɨnna wawaana!

Sare' darevɨnyɨ. Nemɨ saina wagɨlyavɨ walamarakya'neina dɨragɨnya maayaine. Nemɨre wɨrɨsangɨna Gotɨyarɨna Yɨra'de Naangei yawɨ'daa'nyɨ nemɨnyɨna kale mwi yannei mɨ'. Aawa. Yuya yɨjɨwaala sa nemɨnyɨ neyɨma'nadevaaibɨ' yuya daza gamɨ kwarɨ yɨjɨwaala ya'ne mena yɨma'nakengɨ. Sare kɨrɨ' sahwai wagɨlya myakelyɨ. Sarei nemɨnyɨna yɨbwakɨdevɨna neyɨvaimwagannelyɨ.

Gotɨyai wakyaaka aane pɨmɨlɨ' kɨmɨlɨ' gamɨre sɨnnyɨkɨ lɨka yɨnɨga wi'na yulyaranne' mɨ'. Aawa. Yuya kaanya yuya basɨnadaa'na yaka yɨ Gotɨyarɨ tɨnnyarɨ wana ku'maayaba warɨkengɨ. Yɨ Gotɨyai yune sahwaina nemɨ yadaanya sabwi maryawɨbwaradengɨra. Nemɨnyɨ Gotɨyai yagaainakelyɨra.

Sarevɨdaa'nyɨ dara yaana! Nemɨre Gotɨyarɨna Mubɨthɨka Yɨra'de Naangaangei Sɨgunyavɨ ke'mwewɨnyavɨ Gotɨyaryabanna yɨlayɨ'mavakei sai Jizaazai Gotɨyare Gawaalɨvaangei kɨnɨnnakeina mwaaihovɨ yɨ nemɨ sahwarɨne jalɨkurakyabwi nayaa dɨragɨnna lɨmwagaraana!

Sarevɨdaa'nyɨ kwaamu' mwaalya dazaba kusawɨ wɨlya'nevɨ nemɨ nayaa dɨragɨnna yuyanna yawɨrayaana! Yɨ kɨgaa' sahwara ke'ba'nanya'na yetabaaibɨ' a'mwe pwai kwai galazekɨvala ya'ne sabwi mɨdɨda yɨ sai kayaa'nanyaburɨ walaraawojɨ yɨ yɨwɨna nyadɨka!