Priljubljene svetopisemske vrstice iz Jenɨzɨzɨ 42

Deli

Sawɨta pɨryaaina kajɨnna' Jozepɨyai wɨdɨna “Nɨmɨre dɨwɨja'na jide. Gave pwai kalavuzavɨ mwaalanne'ne'na pwara wapaaya sarɨmɨre kɨnɨdakaavɨne makuna yɨpɨ'dengɨra. Wɨryaakerɨ kanyɨmakabapɨjɨ sarɨmɨre yagaalya' yawɨrɨdeinyɨra. Sara kyawɨra'mujɨ mabalyɨ jideihɨlyɨra.” Jozepɨyai Yɨzɨpɨ yagaala wɨdadaa'nyɨ pwai maridɨna kya' Jozepɨyarɨ gya'mwera kunnya yagaala dɨne' “Negwaalaanga Jozepɨyarɨna kayaa'na yo. Gamɨ kɨnna dadaasɨ wanganona nemɨ dɨragɨnna mwaalo'na dahaa' Gotɨyai nemɨnyɨne' kayaa'na neyɨvanɨ'.” A'mwe Ruvanɨ gya'mweraavɨ wɨda' “Nɨmɨ yɨhɨthe ‘Mɨgɨnyarɨne kayaa'nanyabwi mipɨnera!’ Kyɨhɨthe' mwɨ'nyɨje'.” Ruvanɨ sara kuda' Jozepɨyai mwasawɨnna kaanna bwalyuna yaka kɨnna dɨna. Kɨnna dɨna yaka Sɨmɨyanɨmɨ maaraka wɨla pwɨyɨna. Wɨla pwɨyɨna yaka wɨdaayaderɨ kave wɨdɨna “Wapaaya kumɨre gɨlya dɨmaramihya! A'mwe gei gere nɨgwia gannya gɨlyavɨ dɨmihya! Nabaai wapaaya tusavɨne dumaari!” Sara wɨdɨna kya' sara ya'.

Gya'mwera Yɨzɨpɨna yɨ'mavaawɨna yeva Jozepɨyaryabanna wɨna yeva “A'mwe naangeigɨ,” deva gɨ'du'na ye'. Gɨ'du'na kye' Jozepɨyai dara wanganake' “Ai, sara nya'mwera dava damwaaiha'.” Mi'na dɨna kya' “Jozepɨyalyɨra,” majara “Yɨzɨpɨyalyɨra,” dɨne' kumɨzara. Jozepɨyai “Nɨmɨ kwaasɨ yagaala wɨdɨma!” daka maange'bɨ' wɨdɨna “Gawɨdaasaihɨla'!” wɨdɨna ya'. Gya'mwera “ ‘Wapaaya mubaana!’ dona Kwaakabanne yaya' Kainanɨdaasainera,” wɨdɨna ye'.

Gya'mwera Yɨzɨpɨna yɨ'mavaawɨna yeva Jozepɨyaryabanna wɨna yeva “A'mwe naangeigɨ,” deva gɨ'du'na ye'. Gɨ'du'na kye' Jozepɨyai dara wanganake' “Ai, sara nya'mwera dava damwaaiha'.” Mi'na dɨna kya' “Jozepɨyalyɨra,” majara “Yɨzɨpɨyalyɨra,” dɨne' kumɨzara. Jozepɨyai “Nɨmɨ kwaasɨ yagaala wɨdɨma!” daka maange'bɨ' wɨdɨna “Gawɨdaasaihɨla'!” wɨdɨna ya'. Gya'mwera “ ‘Wapaaya mubaana!’ dona Kwaakabanne yaya' Kainanɨdaasainera,” wɨdɨna ye'.