Priljubljene svetopisemske vrstice iz Galezɨya 6

Deli

Nemɨ tewaanyabwi yadaa sɨmunya waryaanya myawɨraanna! Sare' dare'nesɨ. Kuryarɨ dɨragɨnna kuna yaajaina Gotɨyai dahɨlakakegaa' tewaanyanna maraadeinera. Sare'na nayaanna yadawaajɨ maa'na maneyɨnanna!

Sarevɨdaa'nyɨ yuya'na yaajahaa' yuyaraavɨ tewaanna wiaana! Yɨ, Kɨraazɨtɨyarɨ lɨmwadɨvɨsabulyɨyaraavɨ kɨnɨdakaavɨ dɨragɨnna tewaanna wiaana!

Da'na yɨhɨthɨvanɨge. Gazaizarɨ taanga widaa'nyɨ wɨgaimwange'na taanga sa dɨmakama! Duhaimwana! Sara ya'gɨzɨ Kɨraazɨtɨyare kɨwɨnya' mi'na jɨthesɨ.

Sɨmunya kayaa'nanya' myawɨpɨna! Gotɨyarɨ kwaasɨyara pihadɨka yɨpɨjaraavɨna Gotɨyai yuna yawɨ'manɨkelyɨ. Sare' dare'nesɨ. A'mwe pwai burɨdaza yɨ sahɨnɨ maaradelyɨ.

Sai kayaa'nanya burɨdazai kayaa'nanya maaradevaaibɨ' pwai a'mweraavɨre sɨmunyabwina gamɨre kɨlaakevɨ yajai kayaaka yɨgainadelyɨ. Kɨrɨ' pwai tewaanya burɨdazai tewaanya maaradevaaibɨ' pwai gamɨre kuryarɨ tewaanya burɨdazai yɨ Kuryai Tewaanyarɨ yuyagaa' yuyagaa'ne gaalyabwi maaradelyɨ.

Nya'mweihi, sarɨmɨ dara yennɨpɨja' “O, nemɨjɨyarɨ yɨwetawakya' jɨma'nɨwaka!” Gotɨyare Kuryarɨ mɨdɨdɨvɨsaihi sarɨ nayaa yavada'gaina jɨla! Bɨrala, maanga nudɨpɨdɨka! Aawa. Kave bwiwanna wɨdɨna jɨla! Gɨnnya mwaalyabwi nayaa jawɨka! “Nɨmɨ kave mwaala'mujɨ Saataanɨ avaalyabwi yɨde'na nanyɨmwaaihadɨka!” da'gɨzɨ Kuryarɨ dɨragɨnyavɨ dɨmwaala!

Sare' dare'nesɨ. Pwai myawɨranna! “Pwara kayaa'na yɨvanɨgasara maalɨkera, nɨmɨ naangeinyɨ. Dazabwi myɨ yɨdeinyɨ.” Sara yawɨ'de sa' kwaasɨ yawɨ'devulyɨ. Kɨrɨ' gazaizai gannya yɨvanɨkengɨ nayaa yawɨbwata yannelyɨ. “Tewaanyasɨ,” dozɨ sare'na yɨlaaya yannelyɨ. Sai myawɨrina “Pwai kayaa'na yɨvanɨke', sainyɨ tewaanna yɨvanɨgeinyɨ,” sabwi myawɨrannelyɨ. Aawa. Gazaizai gannya yɨvanɨkengɨna Gotɨyai yawɨbwata yadelyɨ.